پوروشەنكو قازاقستانعا 9 قازاندا كەلەدى
9 قازاندا قازاقستانعا ۋكراينا پرەزيدەنتى پەتر پوروشەنكو رەسمي ساپارمەن كەلەدى، - دەپ حابارلايدى اقوردانىڭ ءباسپاسوز قىزمەتى.
اقوردانىڭ مالىمەتىنشە، پرەزيدەنتتەر ەكىجاقتى قارىم-قاتىناستاردىڭ، سونىڭ ىشىندە ساۋدا-ەكونوميكا سالاسىنداعى ىنتىماقتاستىقتىڭ مەيلىنشە وزەكتى ماسەلەلەرىن تالقىلايدى دەپ جوسپارلانىپ وتىر.
"كەلىسسوزدەر بارىسىندا كومىر ونەركاسىبى، كولىك-لوگيستيكا، اگروونەركاسىپ كەشەنى جانە باسقا سالالارداعى ءوزارا ءىس-قيمىلدىڭ باسىمدىعى بار باعىتتارىن قاراستىرۋ كوزدەلگەن", - دەلىنگەن حابارلامادا.
سونىمەن قاتار، نۇرسۇلتان نازارباەۆ پەن پەتر پوروشەنكو كۇن تارتىبىندەگى نەگىزگى حالىقارالىق ماسەلەلەر بويىنشا، سونىڭ ىشىندە مينسك ۋاعدالاستىقتارىن جۇزەگە اسىرۋ بارىسىنا قاتىستى پىكىر الماسادى.
اباي-اقپارات
