اقش رەسەيگە سيرياداعى اسكەرىنىڭ ورنالاسقان جەرىن حابارلادى
پەنتاگون رەسەيدەن جەرگىلىكتى ساربازداردى سوعىسۋ تاسىلدەرىنە ۇيرەتىپ جاتقان ءوزىنىڭ اسكەرلەرى ورنالاسقان سيريانىڭ سولتۇستىگىن شابۋىلداماۋىن سۇرادى.
بۇل ءوتىنىش ءالى ورىندالىپ جاتىر دەپ حابارلايدى France Presse اگەنتتىگى تاياۋ شىعىستاعى امەريكالىق كۇشتەردىڭ قولباسشىسى، گەنەرال-لەيتەنانت چارلز براۋنعا سىلتەمە جاساي وتىرىپ.
وتكەن جىلى پەنتاگون سيرياعا ەلۋ شاقتى كەڭەسشى جىبەرەدى دەپ مالىمدەگەن بولاتىن. بىراق قاۋىپسىزدىكتى ساقتاپ، ولاردىڭ ورنالاسقان جەرىن قۇپيا ۇستاعان. رەسەيگە تەك ولار ورنالاسقان اۋدان جونىندە مالىمەت بەرگەن.
سيريادا ەكى تاراپتىڭ اسكەرلەرىنىڭ سوقتىعىسىپ قالۋىنا جول بەرمەۋ ءۇشىن اقش جانە رەسەي قورعانىس كۇشتەرى بىرنەشە رەت كەڭەس وتكىزگەن.
اباي-اقپارات
