الماتى جاستارى قايىرىمدىلىق شاراسىن وتكىزدى
وتكەن سەنبى كۇنى الماتى قالاسىندا Toibiznes.kz جارناما پورتالى «قايىرىمدى جاندار» بەلسەندى ەرىكتىلەر توبىمەن بىرلەسىپ «توي-مەن ءبولىس» اتتى قايىرىمدىلىق شاراسىن وتكىزدى.
«تويبيزنەس» كومپانياسىن قۇرۋشى كاسىپكەرلەردىڭ ايتۋىنشا جوبانىڭ العاشقى جارناماسىنا بولىنگەن بيۋدجەتتى ءبىراۋىزدان قايىرىمدىلىققا بولۋگە شەشىم قابىلداعان. بۇل تۇرعىدا «Toibiznes.kz» كومپانياسىنىڭ ديرەكتورى ءادىلحان بازارباەۆ بىلاي دەيدى:
- اۋەل باستا جارناماعا بولىنگەن قاراجاتتى ءىرى ساۋدا ورىندارىندا فلەشموب تۇرىندە جارق-جۇرق ەتكىزىپ وتكىزگىمىز كەلگەن. بىراق، ەلباسىمىزدىڭ جارلىعىمەن 1 ناۋرىز «العىس ايتۋ» كۇنى قارساڭىندا حالىققا توسىن سىي جاساعىمىز كەلدى. كومپانيا اتىنان ءبىر جۇك ماشيناسىن ەڭ قاجەتتى ازىق-تۇلىكپەن تولتىرىپ، ەكىنشى جۇك ماشيناسىن بوس قويدىق. الەۋمەتتىك جەلىلەر ارقىلى جاڭا ءىس باستاعان جاس كاسىپكەرلەرگە ۇندەۋ جولدادىق.
اباي-اقپارات
