ۋكراينادا باس پروكۋرور ۆيكتور شوكيندى تامىر-تانىستارىن تارتادى، مايدان بەلسەندىلەرىنە قارسى قىلمىستى تەكسەرۋگە كەدەرگى كەلتىردى جانە جەمقور پروكۋرورلار مەن شەنەۋنىكتەردى قورعايدى دەپ ايىپتايدى. شوكين بىردەن باس پروكۋرور قىزمەتىنەن كەتۋ تۋرالى ءوتىنىش بەردى، ال جوعارعى رادادا ۇكىمەتتىڭ وتكەن جىلعى جۇمىسىنىڭ ناتيجەلەرى تۋرالى ەسەپ بەرگەن پرەمەر ياتسەنيۋك پرەزيدەنتتىڭ سوزدەرىن ەلەڭ قىلمادى.

"رەيتينگ" سوتسيولوگيالىق زەرتتەۋلەر توبىنىڭ جاقىندا جاساعان ساۋالناماسىنا سايكەس، ياتسەنيۋك ۇكىمەتىنىڭ ورنىنان كەتۋىن ۋكرايندىقتاردىڭ 71 پايىزى قولدايدى، 18 پايىزى قارسى.

جوعارعى رادا ياتسەنيۋكتىڭ ەسەبىن تىڭداپ بولعان سوڭ، 247 دەپۋتات ۇكىمەتتىڭ جۇمىسىن كوڭىلدەن شىقپايدى دەپ باعالادى، الايدا قاجەتتى 226 داۋىس جينالماعاندىقتان ۇكىمەتكە سەنىمسىزدىك ءبىلدىرۋ تۋرالى شەشىم قابىلدانبادى. ياتسەنيۋكتىڭ ۇكىمەتىن قىزمەتىنەن كەتىرۋگە 32 داۋىس جەتپەي قالدى.