.png)
قىرعىزستان تۇركيامەن ساۋدا جاساۋعا باعدار ۇستانادى
قىرعىزستان تۇركيامەن جان-جاقتى جانە ساۋدا-ەكونوميكالىق بايلانىستارىن تەرەڭدەتۋگە باسا نازار اۋدارادى.
بۇل تۋرالى انكارادا تۇركيانىڭ دامۋ ءمينيسترى دجەۆدەت يىلمازبەن كەزدەسۋىندە مينيستر ارزىبەك كوجوشەۆ مالىمدەدى. ءوز كەزەگىندە دجەۆدەت يىلماز ءوزارا تۇسىنىستىك، قۇرمەت جانە قولداۋدىڭ ارقاسىندا ەكى ەل اراسىنداعى ساۋدا-ەكونوميكالىق بايلانىستاردىڭ نىعايىپ كەلە جاتقانىن اتاپ كەتتى.
تۇركيا قىرعىزستاننىڭ ماڭىزدى ساۋدا-ەكونوميكالىق ارىپتەسى بوپ تابىلادى. 2015 جىلدىڭ 11ايىنىڭ ناتيجەسى بويىنشا، ەكى ەل اراسىنداعى تاۋار اينالىمى 232,8 ميلليون اقش دوللارىنا جەتكەن، ونىڭ ىشىندە ەكسپورت - 77,6 ميلليون، يمپورت – 155,2 ميلليون اقش دوللارىن قۇرايدى.
اباي-اقپارات
