بەيسەنبى, 28 ناۋرىز 2024
كاسىپ-ءتۇبى ءناسىپ 12028 0 پىكىر 11 ءساۋىر, 2016 ساعات 12:48

مەكتەپ فورماسى – وقۋشىلارعا ارنالعان درەسس-كود

استانادا مەكتەپ فورماسىنا ارنالعان ءبىرىنشى رەسپۋبليكالىق فورۋم ءوتتى

فورۋمدى «اتامەكەن» قر ۇكپ جانە جەڭىل ونەركاسىپ قاۋىمداستىعى ۇيىمداستىردى جانە وعان قر ءبىلىم جانە عىلىم ءمينيسترى ەرلان ساعاديەۆ، قر «اتامەكەن» ۇكپ باسقارما توراعاسىنىڭ ورىنباسارى نۇرجان التاەۆ، قر جەڭىل ونەركاسىپ قاۋىمداستىعىنىڭ پرەزيدەنتى ليۋبوۆ حۋدوۆا، قر ينۆەستيتسيالار جانە دامۋ مينيسترلىگىنىڭ ونەركاسىپ كوميتەتىنىڭ توراعاسىنىڭ ورىنباسارى تيمۋر نۇراشەۆ، سونداي-اق، مەكتەپ ديرەكتورلارى، اتا-انالار  اتىنان وكىلدەر قاتىستى. مۇندا 18 وتاندىق ءوندىرۋشى ۇسىنعان مەكتەپ فورمالارى تالقىعا سالىندى. بالالار مەكتەپ فورمالارىن كيىپ شىعىپ، ساپاسى مەن سىرتقى بەزەندىرىلۋىن كورسەتتى.

فورۋمدى اشقان ءبىلىم ءمينيسترى  كورسەتىلگەن كيىم ۇلگىلەرى اتا-انالار  مەن پەداگوگتار تاراپىنان جاقسى قابىلدانعانىن اتاپ ايتتى.

«اتا-انالار كيىم ۇلگىسى وقۋشىنىڭ سىرتقى الپەتىن تۇزەيدى، تارتىپكە باعىندىرادى، جۇمىس ورتاسىنىڭ تۇزىلۋىنە سەپتىگىن تيگىزەدى دەيدى. فورمانى كيىپ كورگەن وقۋشىلار  ىڭعايلى ەكەنىن، ءوز مەكتەبى ءۇشىن ماقتانىش سەزىمىن سىيلايتىنىن ايتتى»، – دەدى ول ءوز سوزىندە.

ءمينيستردىڭ ايتۋىنشا، ءار بالا ادەمى، سۇيكىمدى بولعىسى كەلەدى، اسىرەسە قىز بالالار، سوندىقتان مەكتەپ فورماسىنىڭ ەستەتيكالىق بەزىندىرىلۋىنە كوڭىل ءبولۋ كەرەك.

«مەكتەپ فورماسىن تاڭداۋ – ءبىلىم باسقارماسى مەن اتا-انانىڭ قولىندا. ءبىزدىڭ ويىمىزشا، ءار مەكتەپتىڭ وزگەشەلىگى بار. دەسەك تە، ول ورتاق تارتىپكە باعىنىپ، ورتاق ستيلدەن اۋىتقىماۋى كەرەك. فورما زايىرلى ۇلگىدە بولۋى شارت. بالالارعا دۇرىس درەسس-كود كيۋدى ۇيرەتۋىمىز قاجەت. ويتكەنى، كەلەشەكتە ءبارىبىر وسىنداي نارسەمەن بەتپە بەت كەلەتىنى راس قوي»، – دەپ، ساعاديەۆ شەگەلەپ ايتتى.

فورۋم اياسىندا مەكتەپ فورماسىن تىگەتىن وتاندىق وندىرۋشىلەر مەملەكەتتىك مەكتەپتەردەگى كيىم ءتۇسىن ءبىر قالىپتى ەتۋ كەرەك دەگەن ۇسىنىس تاستادى. «ەگەر وسى ماسەلەنى مەكتەپ ديرەكتورلارى، اتا-انالارمەن كەلىسسەڭىزدەر، مينيسترلىك قولداۋعا ءازىر»، – دەدى مينيستر. 

«قازاقستاندا بالالارعا ارنالعان نارىق تۇتاستاي العاندا يمپورتتىق تاۋارلارمەن تولىپ تۇر،-  دەدى تيمۋر نۇراشەۆ. -  سوندىقتان  مەكتەپ فورماسىنىڭ ساپاسى الاڭداتادى. بۇگىنگى فورۋم وتاندىق وندىرۋشىلەر ساپالى مەكتەپ فورماسىمەن بارلىق وقۋشىنى قامتاماسىز ەتە الاتىنىن كورسەتتى. الايدا، بۇعان قاراماستان تاپسىرىستىڭ باسىم بولىگى قىتاي مەن تۇركياعا كەتىپ جاتىر.  جىل سايىنعى مەكتەپ فورماسىن ساتۋ نارىعى – 30 ملرد تەڭگەنى قۇرايدى.  فورمانى سىرتتان الۋىمىزدىڭ وزىنەن قازىناعا ققس رەتىندە 4 ملرد تەڭگە پايدا تۇسەدى. وسى ماسەلەگە قاتىستى ءبىزدىڭ مينيسترلىك ۇلتتىق كاسىپكەرلەر پالاتاسىنىڭ مەكتەپ فورماسىن وتاندىق وندىرۋشىلەردەن ساتىپ الۋ ۇسىنىسىن قولدايدى»، – دەدى ول.

بۇگىنگى تاڭدا مەكتەپ فورماسىن ساتۋ نارىعىندا وتاندىق وندىرۋشىلەر ۇلەسى نەبارى 7%، -  دەگەن نۇرجان التاەۆتىڭ ايتۋىنشا، الداعى جىلدارى بۇل كورسەتكىشتى 50% -عا جەتكىزۋ كوزدەلىپ وتىر.  «بىلتىر ءبىز قازاقستاننىڭ مەملەكەتتىك ورگاندارى مەن ۇلتتىق كومپانيالارى 9 ترلن سومانىڭ ءار ءتۇرلى ونىمدەرىن سىرتتان ساتىپ الاتىنىن زەرتتەگەن ەدىك.  بۇل وتە قوماقتى اقشا. بۇل قارجى وتاندىق ءوندىرۋشىنى قولداۋعا جۇمسالسا بولاتىن ەدى. ۇلتتىق كاسىپكەرلەر پالاتاسىنىڭ ماقساتى ءوز قارجىمىزدى ەل ىشىندە جۇمساۋعا ىقپال ەتۋ. سوندا عانا الەۋمەتتىك تيىمدىلىك ورىن الا باستايدى. جۇمىس ورىندارى، زەينەتاقى، جالاقىعا اسەرى بولادى»، – دەپ اتاپ ءوتتى ءوز سوزىندە «اتامەكەننىڭ» وكىلى.

التاەۆتىڭ ايتۋىنشا، بۇگىندە قازاقستاندىقتار وتاندىق وندىرۋشىلەر تۋرالى كوبىرەك سۇراستىراتىن بولعان. ء «دال قازىر ءوزىم دە قازاقستاندىق «Glasman» كومپانياسىنىڭ كوستيۋمى مەن قاراعاندىلىق تۋفليمەن ءجۇرمىن. ءبىزدىڭ كيىمدەرىمىز شەتەلدىكىنەن كەم تۇسپەيدى»، – دەدى ول.

ءبىلىم ءمينيسترى اتا-انالارعا، مەكتەپ ديرەكتورلارىنا، اۋداندىق، وبلىستىق باسقارمالارعا ەڭ الدىمەن وتاندىق ءوندىرۋشىنىڭ كيىمىنە نازار اۋدارۋىن تاپسىرامىز دەپ اتاپ ءوتتى.

بۇل فورۋمنىڭ ماڭىزى تۋرالى جەڭىل ونەركاسىپ قاۋىمداستىعىنىڭ پرەزيدەنتى ل.حۋدوۆا دا اتاپ ايتتى: «بۇگىن ءبىرىنشى رەت مەكتەپ فورماسى رەسپۋبليكالىق ماسەلە رەتىندە كوتەرىلىپ وتىر. ماسەلە وسىلاي كوتەرىلسە عانا شەشىمىن تاپپاق. قازاقستاندا مەكتەپ فورماسىن تىگە الاتىن وتاندىق وندىرۋشىلەردىڭ الەۋەتى جەتكىلىكتى. اقپان ايىندا ءبىلىم جانە عىلىم ءمينيسترى جاڭا بۇيرىق شىعاردى. وندا مەكتەپ فورماسىنا قاتىستى تالاپتار ناقتىلاندى. ء بىز بۇل بۇيرىقتى 7 جىل كۇتكەن ەدىك. كۇتكەنىمىز ورىندالدى. ءبىز  جۇمىس ىستەۋگە دايىنبىز»، – دەدى ول.

ءيا، ءوز ءونىمىمىز تۇرعاندا،  شەتەلدىك كيىم-كەشەككە تەلمىرۋدى قوياتىن ۋاقىت كەلدى، ءارى بۇل وتاندىق كاسىپكەرلەر ءۇشىن دە ءتيىمدى بولماق. 

Abai.kz

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1559
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2249
عيبىرات

قايسار رۋحتى عازيز جان

مۇحتار قۇل-مۇحاممەد 3498