«قىرعىزستان — اسپان تاۋلارىنىڭ ەلى» دەيتىن سءوز ەلدىڭ حالىقارالىق تۋريزم نارىعىنداعى باستى برەندىنە اينالماق.

بۇل تۋرالى ۇكىمەت وتىرىسىندا 2016-2020 جىلدارعا ارنالعان ءتۋريزمدى دامىتۋ باعدارلاماسىن تانىستىرۋ بارىسىندا ايتىلدى.

قىرعىزستان پرەمەر-ءمينيسترى تەمير ساريەۆ قازىر الەمدىك تۋريزم نارىعىندا شىتىرمان وقيعالارعا تولى تۋريزمگە سۇرانىس جوعارى ەكەنىن ايتتى. ونىڭ پىكىرىنشە، قىرعىزستان مادەني جانە تابيعي كورنەكى جەرلەرگە باي بولعاندىقتان، ءدال وسىنداي باعىتتاعى ەلگە اينالا الادى.

2015 جىلدىڭ سوڭىندا بريتاندىق The Guardian گازەتى قىرعىزستانداعى ءالپينيزمنىڭ ارتىقشىلىعى تۋرالى ماقالا باستى. 2016 جىلدىڭ باسىندا بريتاندىق باسقا باسىلىم - Financial Times قىرعىزستاندى ساياحاتتاۋعا بولاتىن ۇزدىك 7 ەل قاتارىنا قوستى.

سونىمەن بىرگە Business Insider اقپارات پورتالى قىرعىزستاندى 2016 جىلى ساياحاتشىلار بارۋعا ءتيىس 12 تۋريستىك ەل تىزىمىنە قوسقان.

رەسەيلىك تۋروپەراتورلاردىڭ دەرەگىنشە، 2016 جىلى قىرعىزستان رەسەيلىكتەر ءۇشىن باستى ساياحات باعىتىنا اينالعان. بيىل ەلگە 100 مىڭنان استام رەسەيلىك تۋريست كەلەدى دەپ جوسپارلانعان.

بۇعان دەيىن حابارلانعانداي، الەمنىڭ 66 ەلىنىڭ ازاماتتارى قىرعىزستانعا ۆيزاسىز كەلە الادى.

Abai.kz