بەيسەنبى, 28 ناۋرىز 2024
بىلگەنگە مارجان 6442 0 پىكىر 4 ناۋرىز, 2016 ساعات 10:30

GOOGLE كومپانياسىندا قىزمەت ەتەتىن قازاق جاستارى

اتى الەمگە ءماشھۇر Google كومپانياسىندا قىزمەت ەتەتىن ءبىر توپ قازاق جاستارىمەنTengrinews.kzء تىلشىسى سۇحبات قۇرىپتى. Google كورپوراتسياسىنىڭ ءتۇرلى قۇرىلىمدارىندا قىزمەت ەتەتىن ولار كومپانيانىڭ ءوز جۇمىسشىلارىنا بارىنشا جاقسى جاعداي جاسايتىنىن ايتادى.

 

سەرىك بەكەتاەۆ، 24 جاستا، اقش-تىڭ كاليفورنيا شتاتىنداعى ماۋنتين-ۆيۋ قالاسىندا ورنالاسقان Google باس كەڭسەسىندە جۇمىس ىستەيدى.

جاس باعدارلاما جاساۋشى كومپانياعا قبتۋ-دا ءۇشىنشى كۋرس وقىپ جۇرگەن كەزىنەن باستاپ تۇيىندەمە جىبەرە باستاپتى. سول ۋاقىتتا ونىڭ كومپانيادا جۇمىس ىستەيتىن تانىستارى بولىپتى، جاس مامان سولاردان ۇسىنىس حات جازىپ بەرۋدى ءوتىنىپتى. وسىلايشا، ول Google-داعى ءبىرىنشى سۇحباتىن ستۋدەنت كەزىندە وتكىزەدى. الايدا سول ۋاقىتتا وعان ساي كەلەتىن كوماندا بولماعان ەكەن.

"سۇحباتتىڭ ءبىرىنشى كەزەڭىن سول كەزدە ءوتىپ قويعانمىن. كەيىن ءىرى كومپانيالاردا جۇمىس ىستەۋگە دەگەن قىزىعۋشىلىعىم كەمىپ، ستارتاپتاردى جاساۋعا اۋىسىپ كەتتىم. ءوز ستارتاپىمدى جاساۋدى شەشتىم، سيليكون جازىعىن ارالاپ، جىگىتتەرمەن كەزدەستىم. كەيىن Google ەكىنشى رەت سۇحباتتاسۋعا شاقىردى، مەن ول كەزدە ماگيستراتۋرادا وقىپ ءجۇردىم. تاعى بارىپ، سۇحباتتاستىم، بۇل جولى مەن كوماندا تاپتىم دا، ولار ماعان ۇسىنىس جاسادى. ءۇشىنشى رەتتە مەن باس تارتقىم كەلمەدى، سەبەبى ىڭعايسىز بولدى ءارى ءىرى كومپانيادا جۇمىس ىستەپ، تاجىريبە جيناعىم كەلدى", - دەدى سەرىك. بۇگىندە ونىڭ Google كورپوراتسياسىندا جۇمىس ىستەپ جاتقانىنا بىرنەشە اي بولدى.

ول ستارتاپ جوباسىمەن باۋىرىنىڭ اينالىسىپ جاتقانىن ايتىپ بەردى، ال ءوزى بولسا جاڭا جوبامەن بايلانىستى جۇمىستان قول ءۇزدى. ستارتاپ "SparcIt" دەپ اتالادى. كومپانيا ونى دامىتاتىن جاڭاشىلدىعىن باعالاۋمەن ءارى جاتتىعۋلاردى جاساۋمەن اينالىسادى. ول قولدانۋشىنى تاپسىرىلعان جۇمىستى قالىپتى جولمەن شەشۋگە ەمەس، ءتۇرلى شەشىم جولدارىن ويلاپ تاۋىپ، تىڭ جولمەن جۇرۋگە شابىتتاندىرادى. وسىدان كەيىن قولدانۋشىنىڭ جاۋابىنىڭ قايتالانباستىعىن، بىرقيلىلىعىن جانە تيىمدىلىگىن انىقتايتىن شكالادا باعالانادى.

سەرىك ءوز جوباسىنان نەلىكتەن باس تارتۋعا ءماجبۇر بولعانىن ايتتى. "مۇندا، ءىرى كورپوراتسياعا جۇمىسقا تۇراردا ولارمەن كەلىسىمشارتقا وتىراسىڭ، وندا باسقا جوبالارىڭنىڭ بولماۋى كەرەك ەكەنى جازىلادى. نەمەسە نەگىزگى جۇمىستان تىس جاساعان دۇنيەلەرىڭ Google مەنشىگىنە ءوتىپ كەتۋى مۇمكىن. كەز كەلگەن ءىرى كومپانيانىڭ وسىنداي تالابى بولادى. سوندىقتان بىرەۋدىڭ ىسىنە ارالاسۋعا تىيىم سالىنادى، بۇل وتە قاۋىپتى", - دەپ اتاپ ءوتتى ول.

"مەن ءىرى كومپانيالاردىڭ فاناتى ەمەسپىن، سەبەبى شاعىن بولسا دا ءوز جوباڭدى ۇزدىك ەتۋىڭ كەرەك. ال ۇلكەن كومپانيالاردا ءوزىڭدى جوعالتىپ الۋىڭ مۇمكىن. ءىرى كورپوراتسيالارعا ناقتى ءبىر تاجىريبەنى الۋ دەگەن ماقساتپەن بارۋىڭ كەرەك. مەندە وسىنداي ماقسات پايدا بولدى جانە سوندىقتان ولارمەن بىرگە جۇمىس ىستەۋگە بەل بۋدىم. سەن ۇزدىكتەردىڭ ۇزدىگىمەن بىرگە باستايسىڭ، سوسىن ءتۇرلى ماسەلەلەردە ولاردىڭ قالاي ويلايتىنىن ءبىلۋ قىزىق بولادى. مۇندا دا قوسىمشا تاجىريبە الاسىڭ", - دەدى جاس مامان.

ونىڭ كومانداسىندا جەتى ادام جۇمىس ىستەيدى. كومانداسى سەرۆەر بولىگىمەن اينالىسادى، موبيل دەۆايستارىنا تىركەلۋ جولدارىن جەڭىلدەتەدى. ونىڭ قىزمەتى Software Engineer دەپ اتالادى، بىراق جاس ماماننىڭ ايتۋىنشا، بۇل قىزمەت 11 دارەجەگە بولىنەدى. 11-ءشى دارەجە كومپانيانىڭ ۆيتسە-پرەزيدەنتىنىڭ دەڭگەيىمەن بىردەي ەكەن. بۇل شكالا بەلگىلەنگەن بولسا دا، جاس قىزمەتكەردىڭ ايتۋىنشا، ولار ەڭبەكقورلارعا ءجيى ىنتالاندىرۋ بەرىپ وتىرادى: اكتسيالار مەن بونۋستار.

"ماسەلەن سەن ءبىر ارىپتەسىڭە كومەكتەسسەڭ، ول سەنى كومپانيا اتىنان بونۋستارمەن ماراپاتتاي الادى، ياعني ارىپتەسىڭ كومپانيانىڭ اقشاسىن ساعان بەرە الادى. ول بۇدان ەش شىعىندانبايدى. ونىڭ قالتاسىنان نەمەسە جالاقىسىنان ەمەس. مۇندا وتە يىلگىش جۇيە، تىرىسىپ جاتساڭ ايتەۋىر جەتىستىككە جەتەسىڭ. ءىرى كومپانيالاردا ولار ۇستىڭنەن التىن جاۋدىرادى، ول جاقتان سوسىن شىققىڭ كەلمەي قالادى. شىعۋ دا قيىن، ستارتاپ جاساۋ دا ماڭىزدى بولماي قالادى", - دەپ قورىتتى ءسوزىن سەرىك.

ال كومپانيادا جۇمىس ىستەۋدىڭ ءتيىمسىز جاقتارى جايلى سويلەي كەلە، سەرىك مۇمكىندىكتىڭ جوقتىعىن اتادى. ء"ىرى كورپوراتسياداردى جۇمىس ىستەي وتىرىپ، جاعدايىڭىز جاقسى بولادى، ءسىز ميلليونداعان نەمەسە ميللياردتاعان قاراجات تابا المايسىز، ونداي جوق. جوعارى ساتىلارعا كوتەرىلۋ وتە قيىن، شىن مانىندە وتە قيىن. Google-دىڭ 50 مىڭ قىزمەتكەرى بار جانە ولار ۇزدىكتەردىڭ ۇزدىگىن تاڭداعاندىقتان، ءسىز دە سول ۇزدىكتەردىڭ قاتارىندا بولاسىز، سايكەسىنشە، قالعان جىگىتتەردەن وق بويى وزىپ كەتە المايسىز. بۇل باسەكەگە تولى سالا", - دەدى Google قىزمەتكەرى.

ال جاعىمدى جاقتارىن اتاعان سەرىك وقىعىسى كەلەتىندەر ءۇشىن كورپوراتسيانىڭ اقشا تولەپ بەرەتىنىن جەتكىزدى. جوعارى دەڭگەيگە جەتكەننەن كەيىن Google جاقسى جالاقى بەرە باستايدى ەكەن.

ماديار ايتباەۆ، 24 جاستا، Google كورپوراتسياسىنىڭ لوندونداعى كەڭسەسىندە جۇمىس ىستەيدى، ۇلىبريتانيا.

بۇل - مادياردىڭ ءبىرىنشى جۇمىسى. ونىڭ لوندوندىق كەڭسەدە جۇمىس ىستەپ جاتقانىنا ءبىر جىلدان اسىپتى. "مەن كەڭسەدە Software Engineer, باعدارلاما جاساۋشى رەتىندە جۇمىس ىستەيمىن. Android كومانداسىندامىن. مۇندا قالاي كەلدىم؟ مەن وسىعان دەيىن سيليكون جازىعىنداعى Imo.im-دە تاجىريبە جينادىم، سول جاقتان مەن جايلى ءبىلىپتى. كەيىن ولار ماعان سۇحباتتاسۋعا شاقىرۋ جىبەردى. بارلىق سۇحباتىنان ءوتتىم. مىنە، وسىندا كەلدىم", - دەدى ماديار.

ول كومپانيادا جۇمىس ىستەۋدىڭ ءتيىمدى تۇسى دەپ يىلگىش جۇمىس كەستەسىن اتادى. ايتۋىنشا، باستىسى جۇمىس ىستەسەڭ بولدى: 24 ساعاتقا دەيىن كەڭسەدە قالۋىڭا رۇقسات بەرەدى ەكەن. كەز كەلگەن ۋاقىتتا كەلىپ، كەتىپ جۇرۋگە بولادى. ءتىپتى جەكسەنبىدە دە. ول سونىمەن بىرگە الاتىن تاجىريبە مەن تەگىن تاماقتى اتادى.

"مۇندا ورتاشا دەڭگەيدەن جوعارى دەڭگەيدەگى باعدارلاما جاساۋشىلار ىستەيدى. ءبىر جىلدىق قانا تاجىريبەم بار، سوندىقتان الار اسۋ الدا. بۇل جۇمىسىم وزىمە ۇنايدى. مۇنداعى ايلىعىمىز لوندونداعى ورتاشا جالاقىدان جوعارى، ورتاشادان ايتارلىقتاي جوعارى، ياعني Google-ءدىڭ بارلىق كەڭسەسىندە جالاقى ورتاشادان جوعارى بولادى. ونىڭ ۇستىنە تەگىن تاماق، ترەنينگتەر. مۇندا قالاعانىڭنىڭ ءبارى بار، ءتىپتى ماسساج دا بار. مۇنىڭ بارلىعى كەلىسىمشارتقا كىرەدى", - دەپ ءتۇسىندىردى ماديار.

 

ەرجان وتكەلباەۆ، 25 جاستا. Google كورپوراتسياسىنىڭ پولشاداعى ۆارشاۆا كەڭسەسىندە جۇمىس ىستەيدى.

ەرجان ۆارشاۆاداعى كەڭسەدە كوپ جۇمىس ىستەمەگەنىن ايتتى. "مەن Google كەڭسەسىندە وتكەن جىلدىڭ قازانىنان باستاپ جۇمىس ىستەيمىن. مەنىڭ دە قىزمەتىم - Software Engineer. (...) باعدارلاماۋ جاساۋ بويىنشا ءتۇرلى وليمپيادالارعا قاتىستىم. ينتەرنەت ارقىلى وتكىزىلەتىن كوپتەگەن جارىستار بار. سوندىقتان دا شىعار، كومپانيا ماعان شاقىرتۋ جىبەردى. بۇل بىرنەشە جىل بۇرىن بولعان وقيعا. كەيىن تاعى دا حابارلاستى. سۇحباتتاسۋدان وتۋگە مۇمكىندىگىم بولدى. كەيىن تەلەفون ارقىلى سويلەستىك. ماعان بىرنەشە تاپسىرما بەردى، ونى ءبىر ساعات ىشىندە ورىندادىم. وسىدان كەيىن مەنى وutside round-قا شاقىردى. بۇل جولاقىنى، تۇراتىن جەرىمدى جانە تاعى باسقا شىعىندارىمدى وتەپ، سۇحباتقا شاقىرۋ دەگەن ءسوزدى بىلدىرەدى. مەن لوندونعا بارىپ، سۇحباتتان ءوتتىم. سۇحبات شامامەن ءۇش ساعاتقا سوزىلدى. جالپى ءتورت سۇحباتتان ءوتتىم", - دەدى Google-دا جۇمىس ىستەيتىن تاعى ءبىر قازاق مامانى.

ول بۇلت تەحنولوگياسىمەن اينالىساتىن كوماندادا جۇمىس ىستەيتىنىن ناقتىلادى. ەرجاننىڭ ايتۋىنشا، Google كەڭسەسى جۇمىس ىستەۋ ءۇشىن بارلىق جاعدايدى جاسايدى، بىراق مۇنىڭ دامۋعا كەرى اسەرى دە بار ەكەن. "Google كومپانياسى بارلىق جاعدايدى جاسايدى، سودان ادام ەركىنسي باستايدى. مۇندا كەز كەلگەن ۋاقىتتا قالاعان ىسىڭمەن اينالىسا الاسىڭ. مىسالى شارشاپ قالساڭ، گەيم-رۋمعا كىرىپ، ويىن وينايسىڭ، ۇيقىڭ كەلسە، ۇيىقتاپ الاسىڭ. بارلىعىن بىردەي ايتىپ بەرە المايمىن", - دەدى ەرجان.

بىراق ول وسى جاعدايدىڭ بارلىعىن تەگىن العاندىقتان، جالقاۋلىققا سالىنۋعا دا بولاتىنىن ايتتى. "ياعني Google-داعى جاقسى جاعداي جاسايدى، ال سەن ءوز ىسىڭمەن اينالىسۋىڭ، باعدارلاما جاساۋىڭ عانا قالادى. دامۋىڭا دا مۇمكىندىكتەر وتە كوپ. ال قالعانىنىڭ بارلىعىن Google ءوزى جاسايدى. ال ەگەر ستارتاپ دەگەندەرگە كوشسەڭ، مۇنىڭ ايىرماشىلىعى جەر مەن كوكتەي. ادام Google-دا جۇمىس ىستەسە ەرىنشەك بولىپ كەتۋى دە مۇمكىن", - دەدى وتكەلباەۆ.

ول كومپانيادا جۇمىس ىستەۋدىڭ ءتيىمدى تۇسى دەپ مەديتسينالىق شىعىنداردىڭ Google ەسەبىنەن وتەلەتىنىن اتادى. "بىزدە ەمدەلۋگە ارنالعان جەرلەر كوپ", - دەدى ەرجان.

"ۆارشاۆاداعى كەڭسە وتە ۇلكەن، بىراق ول تاياۋدا عانا حالىقارالىق بولدى. سوندا بىلتىر بۇل جەر رەسمي قۇجاتتاردا دا تىركەلمەگەن بولۋى مۇمكىن. ءسويتىپ، بۇل جەر كەڭەيىپ، قازىر 120 ينجەنەر جۇمىس ىستەيتىن ورىنعا اينالدى، ادامدار ءالى دە كەلىپ جاتىر. قازىر بۇل كەڭسەدە قازاقستاندىقتار جوق، بىراق بىلۋىمشە، بىرنەشە ايدان كەيىن تاعى ءبىر قازاقستاندىق كەلەدى", - دەدى وتكەلباەۆ.

بارلىق ءۇش سۇحباتتاسۋشىمىز ءتيىمدى تۇستارى دەپ تەگىن تاماقتى جانە باسقا دا ىڭعايلى جاعدايلاردى اتادى. كومپانياداعى جاقسى مۇمكىندىكتەرگە قاراماستان، بۇل ماسەلە كەڭسە ورنالاسقان ەلگە بايلانىستى ەكەن. بۇل ءار ەلدەگى ءتۇرلى سالىق ساياساتى مەن زاڭناماسىنا تاۋەلدى.

سەرىك، ماديار جانە ەرجان الداعى بىرنەشە جىلدا وتانعا ورالمايتىنىن ايتىپ وتىر. سەبەبى ولار قاجەتتى دەڭگەيدە تاجىريبە جيناماپتى. الايدا ولار قازاقستاندى، دوستارىن، ۇلتتىق استى ساعىنعانىن مويىندادى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3532