دۇيسەنبى, 27 ماۋسىم 2022
بىلگەنگە مارجان 4324 0 پىكىر 2 ناۋرىز, 2016 ساعات 12:16

انكارادا الاشتىڭ اليحانى تۇركى زيالىلىلارىنىڭ باسىن قوسادى

4 نارىز كۇنى تۇركيانىڭ انكارا قالاسىندا ء«اليحان بوكەيحاننىڭ 150 جىلدىق مەرەيتويى جانە تۇركى زيالىلارى» دەگەن اتپەن كونفەرەنتسيا وتەدى،-دەپ حابارلايدى alauinform.com سايتى.
سونىمەن قاتار، التى الاشتىڭ كوسەمى ءاليحان بوكەيحاننىڭ ءومىرى مەن سان قىرلى قىزمەتى جانە مۇراسى تۋرالى سۇلتان حان اققۇلىنىڭ قازاق، اعىلشىن جانە ورىس تىلدەرىندەگى زەرتتەۋلەرى، ماقالالارى جانە سۇحباتتارى جيناعىنىڭ ء«سۇيىنشى» داناسى باسىلىپ شىقتى.

جيناق «ەر جانىبەك» حالىقارالىق قوعامدىق قورىنىڭ قارجىلاي دەمەۋشىلىگى  نەگىزىندە  جارىق كوردى. كىتاپ قالىڭ وقىرمان قاۋىمعا ارنالعان.
2 اپتانىڭ ىشىندە جيناق كىتاپتى الماتى مەن استانا قالالارىنىڭ كىتاپ دۇكەندەرىنەن ساتىپ الۋعا بولادى.  جيناق 1 مىڭ دانامەن عانا جارىق كورگەندىكتەن، ساتىپ الۋشىلاردىڭ اسىققانى ابزال.
ۇلت تاريحىن قادىرلەۋشىلەرگە  تاياۋدا قازاق تىلىندە ءاليحان بوكەيحان تۋرالى تۇڭعىش 2 تومدىق مونوگرافيا جارىق كورگەندىگى تۋرالى ايتا كەتەيىك. شىعارمادا تاريحي-مۇراعاتتىق قۇجاتتار مەن دەرەكوزدەر نەگىزىندە قازىرگى قازاق ەلىنىڭ ىرگەتاسىن قالاۋشى ءاليحاننىڭ دۇنيەگە كەلگەن ساتىنەن 1937 جىلى ماسكەۋدە وگپۋ-نكۆد-نىڭ تاس قاپاسىندا اتۋ جازاسىنا كەسىلگەن كۇنىنە دەيىنگى عۇمىرلىق جولىنىڭ بەيمالىم ساتتەرى، سان قىرلى قىزمەتىنىڭ جۇمباق بولىپ كەلگەن قىر-سىرى باياندالادى.

Abai.kz

0 پىكىر