بۇگىن قازاقستان رەسپۋبليكاسىنىڭ پرەزيدەنتى نۇرسۇلتان ءابىشۇلى نازارباەۆ ەلىمىزدە تۇڭعىش رەت تويلانىپ وتىرعان «العىس ايتۋ» مەرەكەسىن قاتىسۋدا.

قازاقستاننىڭ  مەرەكەلىك كۇنتىزبەسىندە بۇرىن-سوڭدى بولماعان مەرەكە – العىس ايتۋ كۇنى تۋرالى باستامانى اۋەلدە مەملەكەت باسشىسىنىڭ ءوزى ۇسىنعان-تىن.

ال بۇگىن، مىنە پرەزيدەنتتىڭ پارمەنىمەن كۇللى قازاقستان جۇرتشىلىعى جاپ-جاڭا مەرەكەنى تويلاۋدا.

ەل تاريحىنداعى ەرەكشە مەرەكەگە قاتىستى قر پرەزيدەنتى تۇسىنىكتەمە بەردى. قازىرگىدەي الاعاي دا بۇلاعاي كەزەڭدە قۇداي بەرگەن ىنتىماعىمىزدى ساقتاپ، ەكونوميكامىزدى ىلگەرىلەتۋ بۇگىنگى كۇننىڭ باستى ماقساتى ەكەنىن ايتىپ، وسى جەردى بىزدەر ءۇشىن ساقتاپ قالعان باتىر بابالارعا تاعزىم جاساپ، العىس ايتاۋعا مىندەتتى ەكەندىگىمىزدى تاعى ءبىر مارتە ەسكەرتتى.

«قازىر كورىپ وتىرعانىمىزداي، الەمنىڭ كوپتەگەن ەلدەرىندە سوعىس، جانجالدار بولىپ جاتىر. سوندىقتان قازىر ءبىر-بىرىمىزگە راقمەت ايتىپ، دەمەۋىمىز كەرەك»،-دەدى مەملەكەت باسشىسى.

ء«دال وسى كەزەڭدە ءبىر-بىرىمىزگە دەمەۋ بولىپ، جاقسىلىعىمىزدى ايتۋىمىز كەرەك. ەگەر قانداي دا ءبىر وكپە-رەنىش بولسا، ءدال وسى كۇنى بارلىق وكپەنى ۇمىتۋىمىز، ءبىر-ءبىرىمىزدى كەشىرۋىمىز كەرەك. مەن بۇگىن تاڭەرتەڭگىسىن، ءوز ارىپتەستەرىمنەن كەشىرىم سۇرادىم. ەگەر جۇمىس بارىسىندا بىرەۋلەرىڭدى رەنجىتىپ، بىرەۋلەرىڭە ۇرىسقان بولسام، كەشىرىڭدەر دەدىم»،-دەدى نۇرسۇلتان نازارباەۆ.

سونداي-اق، مەملەكەت باسشىسى بۇگىنگى مەرەكە قازاقستاندى مەكەن ەتەتىن ءتۇرلى ەتنوس وكىلدەرىنىڭ اراسىنداعى دوستىق پەن تاتۋلىقتى ودان سايىن نىعايتا تۇسەتىنىنە سەنىمدى ەكەنىن ايتتى.

بۇگىن قازاقستان حالقى اسسامبلەياسىنىڭ XXII سەسسياسىندا ءسوز سويلەگەن قازاقستان پرەزيدەنتى سوعىستان كەيىنگى سۇرلاۋىت جىلدارى ەلىمىزگە دەپورتاتسيالانعان ءتۇرلى ەتنوستار تۋرالى دا ايتتى.  

Abai.kz