اۋعانستاندا وقۋشىلاردىڭ جاپپاي ءولىمىن ۇيىمداستىرۋشىلاردىڭ كوزدەرى جويىلدى
پاكىستان اسكەري قولباسشىلىعىنىڭ مالىمەتى بويىنشا، 2014 جىلى پاكىستانداعى كادەت مەكتەبىنە شابۋىل جاساپ، 150 وقۋشىنىڭ ولىمىنە اكەلگەن تەراكتىنى ۇيىمداستىرۋشىلار اۋعانستانداعى امەريكالىق ۇشقىشسىز ۇشاقتىڭ كومەگىمەن ولتىرىلگەن.
13 شىلدەدە پەنتاگون بۇل حاباردى راستاپ، تالىپتەر ليدەرى حاليفا ۋمار مانسۇر مەن تاعى دا ءتورت سودىر نانگارحار پروۆينتسياسىندا اۋە شابۋىلىنىڭ ناتيجەسىندە كوزدەرى جويىلدى دەپ مالىمدەدى.
ۋمار ناراي جانە حاليد حۋراساني رەتىندە تانىمال مانسۇر مۇنىڭ الدىندا پەشاۆارداعى مەكتەپكە جانكەشتىنى جىبەرگەنىن مالىمدەگەن. وندا شابۋىلدا قايتىس بولعان 150 ادامنىڭ 144-ءى بالالار. مانسۇر سونىمەن بىرگە پاكىستاننىڭ سولتۇستىك-باتىسىنداعى ۋنيۆەرسيتەتكە بيىلعى جىلدىڭ باسىندا بولعان شابۋىلدى ۇيىمداستىرعان. وندا 21 ادام – ستۋدەنتتەر مەن وقىتۋشىلار قايتىس بولعان ەدى.
اباي-اقپارات
