دۇيسەنبى, 18 قاراشا 2019
بىلگەنگە مارجان 3113 0 پىكىر 5 شىلدە, 2016 ساعات 10:33

ريوعا دەيىن وليمپيادا ويىندارىندا مەملەكەتتىك تۋدى كىمدەر كوتەردى؟ (فوتو)

اقوردادا ريو وليمپياداسىنا باراتىن سپورتشىلارمەن كەزدەسكەن ەلباسى نۇرسۇلتان نازارباەۆ سالتاناتتى تۇردە قازاقستان تۋىن تاەكۆوندوشى رۋسلان جاپاروۆقا تابىستادى،-دەپ حابارلادى «قازاقپارات».

وليمپيادا ويىندارىندا تۋ ۇستاپ شىعۋ ۇلكەن ابىروي. جانە سول سپورتشىعا اۋىر مىندەت. سەبەبى، تۋ كوتەرىپ شىققان سپورتشى ونى جاي كوتەرىپ قانا قويماي، جەڭىسىمەن قايتا جەلبىرەتىپ قايتۋعا بارىنشا كۇش-جىگەرىن سالۋى ءتيىس!

كەڭەس وكىمە­تى­نىڭ تۇسىندا بۇل قۇرمەت قازاق­ستان­دىق سپورتشى­لاردىڭ ءۇش ۇيىقتاسا دا تۇسىنە كىرمەيتىن ارمانى بولاتىن. مىنە، تاۋەلسىزدىگىمىزدىڭ ارقاسىندا ول ارماندار دا ورىندالدى.

قازاقستان تاۋەلسىزدىك العالى قاتىسقان 5 جازعى، 6 قىسقى وليمپيادا ويىندارىندا مەملەكەت باسشىسى نۇر­سۇلتان نازارباەۆ سەنىپ تاپسىرعان ەل تۋىن جوعارى كوتەرىپ شىققان سپورتشىلاردان تەك ءبىر سپورتشى عانا چەمپيون اتانىپ، پرەزيدەنتكە بەرگەن ۋادەسىن ورىندادى. كوتەرىپ شىققان كوك تۋىن ابىرويمەن جەلبىرەتىپ قايتا الىپ كەلدى. ول - سيدنەي وليمپيادا­سىنىڭ چەمپيونى ەرماحان ىبىرايىموۆ!

ە.ىبىرايىموۆ ودان ءتورت جىل بۇرىن 1996 جىلعى اتلانتا وليمپياداسىندا دا مەملەكەتتىك تۋىمىزدى كوتەرىپ شىعىپ، قولا مەدالمەن ورالعان بولاتىن.

2004 جىلعى افينى قالاسىندا وتكەن وليمپيادادا كوك بايراعىمىزدى دزيۋدوشى اسحات جىتكەەۆ الىپ شىققان بولاتىن. ايتسە دە، گرەكيا تورىندە جۇلدەگە ىلىكپەگەن اسحات اراعا ءتورت جىل سالىپ، قىتاي استاناسى بەيجىڭدە وليمپيادانىڭ كۇمىس مەدالىن قانجىعاسىنا بايلادى.  


فوتونى مەلس ەتەكباەۆ تۇسىرگەن

2008 جىلعى بەيجىڭدە وتكەن وليمپيادا ويىندارىندا ەلباسى كوك بايراعىمىزدى زىلتەمىرشى باقىت احمەتوۆكە سەنىپ تاپسىردى. وكىنىشكە قاراي بۇل جولى باقىتتىڭ باعى جانبادى.

vesti.kz 

ال، لوندون وليمپياداسىندا گرەك-ريم كۇرەسىنىڭ شەبەرى اسا اۋىر سالماقتاعى بالۋانىمىز نۇرماحان تىناليەۆكە ءۇمىت ارتىپ، مەملەكەتتىك تۋدى سونىڭ قولىنا ۇستاتتىق. الايدا، نۇرماحان دا تۋدى تاپسىرىپ العان كەزدەگى پرەزيدەنتكە بەرگەن ۋادەسىن ورىنداي الماي قايتتى.

 
vesti.kz 

ەندى مىنە، ريو وليمپياداسىندا تاەكۆوندوشى رۋسلان جاپاروۆقا مەملەكەتتىك تۋدى سەنىپ تاپسىردىق.

وسى ورايدا رۋسلان جاپاروۆپەن بىرگە وزگە دە سپورتشىلارىمىزعا تورتكۇل دۇنيەنىڭ تارلاندارى باس قوساتىن دودادا قازاق ەلىنىڭ نامىسىن ابىرويلى قورعاپ قايتۋىنا تىلەك بىلدىرەمىز.

ريوعا دەيىنگى جازعى وليمپيادا ويىندارىندا تۋ ۇستاپ شىققان سپورتشىلار مىنالار:

اتلانتا - 1996 جىلعى جازعى وليمپيادا ويىندارى - ەرماحان ىبرايىموۆ (بوكس)

سيدنەي - 2000 جىلعى جازعى وليمپيادا ويىندارى - ەرماحان ىبرايىموۆ (بوكس)

افينى - 2004 جىلعى جازعى وليمپيادا ويىندارى - اسحات جىتكەەۆ (دزيۋدو)

بەيجىڭ - 2008 جىلعى جازعى وليمپيادا ويىندارى - باقىت احمەتوۆ (اۋىر اتلەتيكا)

لوندون - 2012 جىلعى جازعى وليمپيادا ويىندارى - نۇرماحان تىناليەۆ (گرەك-ريم كۇرەسى).

 

قىسقى وليمپيادا ويىندارىندا تۋ ۇستاپ شىققان سپورتشىلارىمىز:

ليللەحاممەر - 1994 جىلعى قىسقى وليمپيادا ويىندارى - كايرات بيەكەنوۆ (ترامپليننەن سەكىرۋ)

ناگانو - 1998 جىلعى قىسقى وليمپيادا ويىندارى  - ۆلاديمير سميرنوۆ (شاڭعى جارىسى)

سولت-لەيك-سيتي - 2002 جىلعى قىسقى وليمپيادا ويىندارى - راديك بيكچەنتاەۆ (كونكيمەن جۇگىرۋ)

تۋرين - 2006 جىلعى قىسقى وليمپيادا ويىندارى - الەكساندر كورەشكوۆ (حوككەي)

ۆانكۋۆەر - 2010 جىلعى قىسقى وليمپيادا ويىندارى - دياس كەنەشەۆ (بياتلونشى)

سوچي - 2014 جىلعى قىسقى وليمپيادا ويىندارى - ەردوس احماديەۆ، (شاڭعى جارىسى).

Abai.kz

0 پىكىر