وسىعان دەيىن كاسىپكەرلەر شەتەلدەن اكەلىنەتىن التىننىڭ ءبىر گراممى ءۇشىن 8,4 دوللار (67 سوموني) كەدەندىك باج سالىعىن تولەپ كەلگەن. تاجىكستاننىڭ قارجى ءمينيسترىنىڭ ورىنباسارى جامشەد كاريمزودا سالىقتىڭ جوعارى بولۋى سەبەبىنەن، كاسىپكەرلەر تاۋاردى كونتراباندالىق جولمەن وتكىزىپ كەلدى دەيدى. ماسەلەن، وتكەن جىلى تۇركيادان تاجىكستانعا 700 كەلى زەرگەرلىك بۇيىمدار اكەلىنگەن ەكەن. باعالى بۇيىمداردىڭ تەك 15 كەلىدەيى عانا رەسمي تىركەلىپ، وتكەن.

قارجى ءمينيسترىنىڭ ورىنباسارى باج سالىعىن تومەندەتۋ ارقىلى كاسىپكەروەردىڭ زاڭدى تۇردە، تازا جۇمىس ىستەۋىن قامتاماسىز ەتەمىز دەيدى.

تاجىكستانداعى كەدەن قىزمەتى باسشىسىنىڭ ورىنباسارى حۋرشەد كاريمزودا سالىقتىڭ ءۇش ءتۇرىنىڭ كۇشى جويىلىپ، ەندى ونىڭ ورنىنا تەك "ارنايى كەدەن تەرىمى" سالىعى ەنگىزىلەدى، وندا التىننىڭ ءبىر گراممىنا 18 سوموني تولەيدى دەيدى.

تاجىك كاسىپكەرلەرى باعالى بۇيىمداردى تۇركيا، ءۇندىستان جانە بىرىككەن اراب امىرلىگى ەلدەرىنەن اكەلەدى.

اباي-اقپارات