الماتى قالاسىنىڭ ءىىد جەرگىلىكتى پوليتسيا قىزمەتىنىڭ مالىمەتتەرى بويىنشا، «اۆتوبۋس» جەدەل-الدىن الۋ ءىس-شاراسى جولاۋشىلار كولىگىنىڭ قاتىسۋىمەن بولاتىن جول-كولىك وقيعالارىنىڭ الدىن الۋ مەن ازايتۋ ماقساتىندا وتكىزىلدى.

«رەيد بارىسىندا ينسپەكتورلار كولىك قۇرالدارىنىڭ تەحنيكالىق جاي-كۇيى مەن كونستۋكتسياسىنا، ولاردىڭ قوسالقى اپاتتىق جاعدايداعى شىعاتىن ەسىكتەرىنىڭ جۇمىس ىستەيتىن-ىستەمەيتىندىگىنە، رۋلدىك، تەجەگىش جانە وتىن جۇيەلەرىنىڭ جارامدىلىعىنا ەرەكشە نازار اۋدارادى. بۇدان باسقا، كولىك قۇرالدارىن قايتا جابدىقتاۋدىڭ زاڭدىلىعى، رەتتەلەتىن باعىت بويىنشا جولاۋشى تاسىمالداۋعا بەرىلگەن رۇقساتى تەكسەرىلەدى»،- دەپ حابارلادى الماتى قالاسىنىڭ ءىىد-ءنىڭ جەرگىلىكتى پوليتسيا قىزمەتىنىڭ باستىعى پوليتسيا پودپولكوۆنيگى جاسۇلان بايكەنوۆ.

بۇرناعى جىلدار تاجىريبەسى كورسەتكەندەي، قوعامدىق كولىكتىڭ تەحنيكالىق اقاۋىنىڭ زارداپتى بولۋى مۇمكىن. كوپ جاعدايدا بولماشى اقاۋ كەسىرىنەن جول-كولىك وقيعالارى بولىپ جاتادى. پوليتسەيلەردىڭ ايتۋىنشا، ونداي تارتىپبۇزۋشىلارعا قاۋىپسىزدىك تالاپتارىنا سايكەسپەيتىن جولاۋشى كولىگىن پايدالانۋعا تىيىم سالۋ شارالارى قولدانىلادى.

«كوبىنە ءتارتىپ بۇزۋشىلار تۋرالى بىزگە تۇرعىنداردىڭ ءوزى حابارلاسادى. جولاۋشىلار كولىگى جۇرگىزۋشىسىنىڭ كىناسىنەن بولعان ەرەجە بۇزۋشىلىقتى كورگەن قىراعى كۋاگەرلەر سەنىم تەلەفونىنا، ءىىد-ءنىڭ delta@police.kz ەلەكتروندى پوشتاسىنا جانە دەپارتامەنت باسشىسىنىڭ بلوگىنا حابارلاسادى. ءبىز مۇنداي حابارلامالاردى مۇقيات تەكسەرەمىز جانە وعان ءتيىستى شارا قابىلدايمىز»،- دەپ اتاپ كورسەتتى جاسۇلان بايكەنوۆ.

گۇلنار جامانقۇلوۆا،

الماتى قالاسىنىڭ ءىىد ءباسپاسوز-قىزمەتى