وڭتۇستىك قازاقستان وبلىسى ورداباسى اۋدانىندا  جەمىس-جيدەك فەستيۆالى ءوتتى. بۇل تۋرالى «اباي اقپارات» وڭتۇستىك قزاقستان وبلىسى اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

ورداباسى اۋدانىندا اق تۇيەنىڭ قارنى جارىلدى. قازاقستان رەسپۋبليكاسى تəۋەلسىزدىگىنىڭ 25 جىلدىعى جəنە قازاقستان حالىقتارىنىڭ تىلدەرى كۇنى مەرەكەسىنە وراي اۋدان ورتالىعى تەمىرلاندا يگى ءىس-شارا وتۋدە. كوپشىلىكتى قۋانتقان بۇل شارا – اۋىلشارۋاشىلىق داقىلدارىنىڭ كورمەسى ەدى. "جەمىس جيدەكتەر" فەستيۆالىنە بارشا اۋماق əكىمدىكتەرى مەن مەكتەپتەر جəنە مەكەمەلەر تۇگەل قاتىسۋدا.

كەزىندە ماقتا وسىرۋمەن اتى شىققان اۋدان بۇگىندە جەمىس-جيدەكتەرىمەن كوزگە تۇسۋدە. ولاردى اۋدانداعى 5203 شارۋا قوجالىعى، 404 جاۋاپكەرشىلىگى شەكتەۋلى سەرىكتەستىك جانە 187 وندىرىستىك كووپەراتيۆ وندىرۋدە. ورداباسى اۋدانىندا 54 384 گەكتارعا اۋىل شارۋاشىلىق داقىلدارى ەگىلگەن. ونىڭ ىشىندە 2117 گەكتاردان باقشا ونىمدەرى، 6469 گەكتاردان مايلى داقىلدار، 3315 گەكتاردان كوكونىس، 635 گەكتاردان كارتوپ جينالۋدا.

ايتا كەتەيىك، وبلىستا اتقارىلىپ جاتقان شارۋالاردىڭ دەنى مەملەكەت باسشىسىنىڭ تىكەلەي تاپسىرماسىمەن جۇزەگە اسىرىلۋدا. ءوڭىردىڭ اگرارلىق سالالارىنداعى وڭدى وزگەرىستەر مەن تىڭ جوبالاردىڭ جۇزەگە اسىرىلۋ باعىتى ەلىمىزدىڭ اگرارلىق سەكتورىنداعى ەڭ باسىم كورسەتكىشتەرگە يە ەكەنى انىق. حالىققا ەسەپ بەرۋىندە وبلىس باسشىسى بەيبىت باكىرۇلى وڭىردەگى اۋىلشارۋاشىلىق سالاسىنىڭ دامۋ باعىتتارىن تىلگە تيەك ەتكەن بولاتىن. جوعارىداعى ناتيجەلى شارۋالار سونىڭ جارقىن كورىنىسى.

Abai.kz