قازاقستان رەسپۋبليكاسى مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق-ساياسي جۇمىس كوميتەتى ۇستىمىزدەگى جىلعى  21 قىركۇيەكتە قازاقستان رەسپۋبليكاسى تاۋەلسىزدىگىنىڭ  25 جىلدىعىنا  جانە قازاقستان حالقى تىلدەرى كۇنىنە وراي قازاقستاننىڭ ەتنوس جاستارى وكىلدەرى اراسىندا ءداستۇرلى «اباي وقۋلارى» رەسپۋبليكالىق بايقاۋىن  وتكىزدى.

«اباي وقۋلارى» بايقاۋىنا ەلىمىزدىڭ 13 وبلىسىنان جانە الماتى قالاسىنان وبلىستىق، قالالىق دەڭگەيدە وتكىزىلگەن بايقاۋلاردىڭ جەڭىمپازدارى (بارلىعى 14 ۇمىتكەر) قاتىستى.

رەسپۋبليكالىق كەزەڭنىڭ اياسىندا بايقاۋعا قاتىسۋشىلار ءوز بىلىمدەرى مەن شەبەرلىكتەرىن كەلەسى تاپسىرمالار بويىنشا كورسەتتى:

-         اباي شىعارمالارىن ء(بىلىم، عىلىم جانە ونەر تاقىرىپتارىنا ورىلگەن پوەزيالىق شىعارماسىن نەمەسە قارا ءسوزىن) جاتقا وقىدى;

-         «اباي جولى» رومان-ەپوپەياسىنان ءۇزىندىنى كوركەمسوز وقۋ تالاپتارىنا ساي شەبەرلىكپەن ورىندادى;

-          اباي اندەرىن نەمەسە حالىق اندەرىن شىرقادى.

          بايقاۋ قاتىسۋشىلارىنىڭ جۇمىسى مەن جەڭىمپازدارىن ابايتانۋشى عالىمدار مەن ءتىل جاناشىرلارىنان تۇراتىن قازىلار القاسى باعالاپ، انىقتادى. ولاردى ديپلوم، العىس حاتتار جانە ءىرى كولەمدەگى اقشالاي سىيلىقتارمەن ماراپاتتادى. سونىمەن باس جۇلدەنى جەڭىپ العان نام ليۋبوۆ الەكساندروۆنا ماڭعىستاۋ وبلىسى 180 000 مىڭ تەڭگە كولەمىندە اقشالاي سىيلىقپەن ماراپاتتالسا،  1-ورىندى يەلەنگەن سايدازيموۆا ۋنسۋناي مۋراتقىزى وڭتۇستىك قازاقستان وبلىسى 150 000 تەڭگەنى، 2-ورىندى يەلەنگەن رىزمانوۆ رۋسلان رۋستامۇلى قىزىلوردا وبلىسى 120 000 تەڭگەنى، 3-ورىندى يەلەنگەن ۇمىتكەرىمىز ۆورونتسوۆ سەرگەي ۆلاديميروۆيچ سولتۇستىك قازاقستان وبلىسى  100 000 مىڭ تەڭگەنى قانجىعاسىنا بايلادى.  بايقاۋعا بەلسەنە قاتىسقان 4 ۇمىتكەرگە العىس حاتتار بەرىلىپ 50 000 تەڭگە كولەمىندە اقشالاي سىيلىق السا، قالعان ۇمىتكەرلەر قاتىسقانى ءۇشىن 20 000 مىڭ تەڭگە كولەمىندە اقشالاي سىياقى الدى.  

Abai.kz