بۇگىن پارلامەنت ءماجىلىسىنىڭ حالىقارالىق ىستەر، قورعانىس جانە قاۋىپسىزدىك كوميتەتىنىڭ ۇيىمداستىرۋىمەن «قازىرگى كەزەڭدەگى ەكستەرميزم مەن تەرروريزمنىڭ الدىن الۋدىڭ جانە ولاردىڭ جولىن كەسۋدىڭ زاڭنامالىق جانە ينستيتۋتسيونالدىق شارالارى» تاقىرىبىندا دوڭگەلەك ۇستەل وتىرىسى ءوتتى، - دەپ حابارلايدى قر پارلامەنتى ءماجىلىسى اپپاراتىنىڭ ءباسپاسوز قىزمەتى.

شاراعا قاتىسۋشىلارعا العى ءسوز ارناعان پالاتا سپيكەرى نۇرلان نىعماتۋلين ەلىمىزدىڭ قاۋىپسىزدىگى مەن حالقىمىزدىڭ بەيبىت ءومىرى          باعا جەتپەس  بايلىق ەكەنىن، ونى ساقتاپ، قورعاپ، ودان ءارى دامىتۋعا  ۇلەس قوسۋ  ءاربىر ازاماتتىڭ ابىرويلى مىندەتى ەكەنىن ايتا كەلىپ، وسى سالادا تاۋەلسىزدىك العان كۇننەن باستاپ ەلباسىمىز نۇرسۇلتان ءابىشۇلى نازارباەۆتىڭ باسشىلىعىمەن اۋقىمدى جۇمىستاردىڭ قولعا الىنىپ كەلە جاتقانىنا ايرىقشا نازار اۋداردى.

الايدا، بۇل قاتەردىڭ كۇن وتكەن سايىن بەلەڭ الۋى قازىرگى كۇن تارتىبىندەگى وزەكتى سۇراقتاردىڭ بىرىنە اينالعانىن العا تارتا كەلىپ،     ن. نىعماتۋلين:

 -تەرروريزم مەن ەكسترەميزم جىل سايىن وتە قاۋىپتى ماسەلەگە اينالىپ بارادى. بۇل تەك  قازاقستان  عانا  ەمەس، بۇكىل الەمدەگى پروبلەما.  سوندىقتان، تەرروريزم مەن ەكسترەميزمگە قارسى كۇرەستى كۇشەيتۋ بويىنشا ەلباسىمىز نۇرسۇلتان ءابىشۇلى نازارباەۆ ناقتى تاپسىرمالار بەرىپ، ونىڭ   ورىندالۋ جولدارىن   دا كورسەتتى. ەڭ باستىسى، بۇل ماسەلەگە بۇكىل قوعام قاتىسىپ، شىنايى قولداۋ ءبىلدىرىپ وتىر»،-دەدى.  

وسىنىڭ ناتيجەسىندە، پارلامەنت اشىق پىكىر جۇرگىزىپ،  ساپالى، ءتيىمدى جانە وتكىر زاڭ جوباسىن ازىرلەۋ ماقساتىندا جۇمىس جاساپ جاتىر. ءماجىلىس توراعاسى اتاپ وتكەندەي، بۇل پالاتا ءۇشىن ەرەكشە ماڭىزدى!

ايتا كەتەيىك، زاڭ جوباسىن تالقىلاۋعا پارلامەنت دەپۋتاتتارىمەن قاتار، ءتيىستى ورگان وكىلدەرى،  ۇكىمەتتىك ەمەس  ۇيىمدار مەن ماجىلىسكە كىرمەگەن بارلىق پارتيانىڭ مۇشەلەرى، جۋرناليستەر جانە ەلىمىزگە بەلگىلى ساياساتكەرلەر مەن ساراپشىلار قاتىسۋدا.  

زاڭ اياسىندا تاعى دا 5 كودەكس پەن  19 زاڭعا وزگەرىستەر ەنگىزىلمەك.  

اباي-اقپارات