بۇگىن وڭتۇستىك قازاقستان وبلىسى ءباسپاسوز قىزمەتىنىڭ ۇيىتقى بولۋىمەن رەسپۋبليكالىق جانە وبلىستىق جۋرناليستەرگە قازىعۇرت اۋدانىنداعى «امانكەلدى» جشس-نا پرەسس-تۋر ۇيىمداستىرىلدى. بۇل تۋرالى "اباي-اقپارات" وڭتۇستىك قازاقستان وبلىسى اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

تىلشىلەر وندا شارۋا قوجالىعىنداعى ءجۇزىم القابى مەن باۋ شارۋاشىلىعىمەن تانىسىپ، ونداعى جۇمىسشىلارمەن سۇحباتتاستى.

بۇگىندە 150 گەكتار القاپقا ەگىلگەن ءجۇزىمنىڭ كۇزدىك تۇرلەرى جينالىپ، رەكوردتىق كورسەتكىشكە قول جەتكىزۋدە. وسى كۇنگە دەيىن جينالعان ءونىمنىڭ 150 تونناسى رەسەيگە جونەلتسە، باسقا جەمىستەردىڭ 100 تونناسىن شەتەلگە ەكسپورتتاعان. كۇزدىك جيىن-تەرىم قىزۋ ءجۇرىپ جاتقان شارۋا قوجالىقتا بۇگىندە 150 توننا ءجۇزىم، 100 توننا الما، 80 توننا قارا ورىك پەن 80 توننا المۇرت اسحانالىق-سورتتى جەمىستەر جينالعان. جينالعان ونىمدەر بالعىن تۇرىندە كۇندەگىسى نارىققا ساۋدالانۋدا.

جالپى اۋداندا 2266 گەكتار القاپقا باۋ-باقشا ونىمدەرى ەگىلگەن بولسا، ونىڭ 500 گەكتارى وسى سەرىكتەستىككە تيەسىلى.

مۇنان بولەك، شارۋاشىلىقتا 2 مىڭ توننالىق جەمىس-جيدەك پەن كوكونىس ساقتايتىن مۇزداتقىش قويماسى بار. بۇگىندە نۇرلان قۇرالوۆ باسشىلىق ەتىپ وتىرعان «امانكەلدى» جشس-نە 3800 ازامات ماۋسىمدىق جانە تۇراقتى جۇمىسقا ورنالاسقان.

وقو اكىمىنىڭ ءباسپاسوز قىزمەتى