بىشكەك اكىمدىگى ءباسپاسوز قىزمەتىنىڭ حابارلاۋىنشا، شىبىقتار باكاەۆ جانە ايني كوشەلەرىنىڭ قيىلىسىندا وتىرعىزىلادى. استانالىق مۋنيتسيپاليتەت باسشىسى يبرايىموۆ قالالىق قىزمەتتەرگە جەر ءبولىپ بەرىپ، وندا اعاش وتىرعىزۋدى تاپسىردى.

بۇعان دەيىن Facebook الەۋمەتتىك جەلىسىندەگى باستاماشىل توپ بىشكەكتە قايعىلى وقيعادان قازا تاپقانداردىڭ قۇرمەتىنە اللەيا سالۋ تۋرالى ۇسىنىس تاستاعان ەدى. قىرعىز قىزدارىنىڭ ءومىرىن جالماعان ماسكەۋدەگى ءورت 2016 جىلى 27 تامىزدا تىركەلدى.

"بۇل باستامانى مىڭداعان قىرعىزستاندىقتار قولداپ شىقتى، شەتەلدەگى قىرعىزدار دا وسى ۇسىنىسقا قوسىلدى. اكىمگە جولداۋعا 567 بىشكەك تۇرعىنى قول قويدى", - دەلىنگەن استانالىق اكىمدىك تاراتقان حابارلامادا.