مەملەكەت باسشىسىنىڭ «100 ناقتى قادام» ۇلت جوسپارىن ورىنداۋ شەڭبەرىندە «شىمكەنت» الەۋمەتتىك-كاسىپكەرلىك كورپوراتسياسى» ۇك اق وڭتۇستىك قازاقستان وبلىسى اۋماعىنداعى وزەن اعىستارىنىڭ ەنەرگەتيكالىق الەۋەتىن زەرتتەدى. 

    وڭىردەگى ءتورت نەگىزگى وزەن اعىستارى بويىنشا (pre-feasibility دەپ اتالاتىن) الدىن الا تەحنيكالىق-ەكونوميكالىق نەگىزدەۋ ناتيجەسىندە وڭتۇستىك قازاقستان وبلىسى اۋماعىندا جيىنتىق قۋاتى 120 مۆت-تى قۇرايتىن ءتيىمدى گيدروەنەرگەتيكالىق الەۋەتى بار 43 نۇكتە انىقتالعان.  بۇل تۋرالى وقو ايماقتىق كوممۋنيكاتسيالار قىزمەتىندە وتكەن بريفينگتە  «100 ناقتى قادامنىڭ» 52-ءشى جانە 56-شى قادامدارى بويىنشا جۇمىس ىستەپ، اتقارىلعان شارۋالار تۋرالى ايتقان «شىمكەنت» اكك» ۇك اق باسقارما توراعاسى تالعات الپىسباەۆ حابارلادى. 
     قازىرگى ۋاقىتتا «شىمكەنت» اكك» وبلىستا شاعىن گيدروەنەرگەتيكانى دامىتۋعا ينۆەستورلاردى تارتۋ جۇمىستارىن جۇرگىزىپ جاتىر. العاشقى ناتيجەلەر دە بار. 
ماسەلەن، كورپوراتسيا جەتەكشىلىگى Endustriyel Elektrik تۇرىك كومپانياسىمەن بىرلەسە وتىرىپ، تۇلكىباس اۋدانىندا بەلگىلەنگەن قۋاتى 4 مۆت، قۇنى 6 ملن. اقش دوللارىن قۇرايتىن شاعىن گەس سالۋ ءۇشىن بىرلەسكەن كاسىپورىن قۇردى. جوبانى ىسكە قوسۋ 2017 جىلعا جوسپارلانعان. 
      ءباسپاسوز جيىنىندا ت.الپىباەۆ وبلىس اكىمدىگىنىڭ قولداۋىمەن جەكە ينۆەستور سارىاعاش اۋدانىندا قۋاتى 2 مۆت بولاتىن شاعىن گەس جوباسىن ىسكە اسىرىپ جاتقانىن، منان بولەك، بۇگىنگى تاڭدا 2 جوبا ازىرلەنۋ ۇستىندە ەكەنىن تىلشىلەرمەن ءبولىستى. 
   «وبلىستىڭ شاعىن گيدروەنەرگەتيكاسىن ودان ءارى دامىتۋ، ينۆەستيتسيالار تارتۋ جانە كاسىپكەرلىكتى دامىتۋ ماقساتىندا «شىمكەنت» اكك» بارلىق مۇددەلى تۇلعالارعا وزەن اعىستارىنىڭ ەنەرگەتيكالىق الەۋەتىن زەرتتەۋ ناتيجەلەرىن ۇسىنۋعا دايىن. سونىمەن قاتار، وڭتۇستىك قازاقستان وبلىسى اۋماعىندا شاعىن گەس جوبالارىن ىسكە اسىرۋ كەزىندە قاجەتتى كونسۋلتاتسيالىق قولداۋ كورسەتۋگە ءاردايىم ءازىر»، - دەدى توراعا.
       ايتا كەتەيىك، قازىرگى ۋاقىتتا وبلىستاعى كاسىپورىندار مەن تۇرعىنداردىڭ ەلەكتر ەنەرگياسىن جىلدىق تۇتىنۋى شامامەن، ايىنا 400 مۆت قۇرايدى. ونىڭ 114 مۆت-ى (29%) ىشكى قۋات ەسەبىنەن وندىرىلسە، 286 مۆت (71%) قازاقستاننىڭ باسقا وڭىرلەرىنەن ساتىپ الىنادى.

Abai.kz