قر پارلامەنتى جانە بارلىق دەڭگەيدەگى وبلىستىق، اۋداندىق ءماسليحاتتار دەپۋتاتتارى مەن جەرگىلىكتى «قازاق ءتىلى» قوعامى، ء«تىل كوميتەتتەرى» نازارىنا:

بۇگىن – قر كونستيتۋتسياسى كۇنى. دەپۋتات مىرزالار،   ورىس ءتىلىنىڭ نورمالارىنا ساي «قازاق» ەتنوگەنەزى، ودان شىققان سوزدەردىڭ بارلىعى قازاق ءتىلىنىڭ ترانسكريپتسياسىنا سايكەس ورىسشا دا «كازاكستان، كازاكسكي» ت.ب بولىپ جازىلىپ، ايتىلاتىنداي قالىپىنا كەلتىرۋ جونىندە «زاڭ» قابىلداۋ كەرەك. مىسالى، كورشى قىرعىزدار «كيرگيزدى» «كىرگىز»، «كيرگيزستاندى» «كىرگىزستان» دەپ، مولدوۆاندار «مولداۆيانى» «مولدوۆو»، بەلورۋستار «بەلارۋسسيانى» «بەلورۋس» ەتىپ تۇزەتىپ الدى. ءسويتىپ، ولار ءححى عاسىر تابالدىرىعىن الدەقاشان تازا ءوز اتىمەن اتتادى. «قازاق» اتاۋىنىڭ ورىس تىلىندە دە بۇرمالانباي ايتىلۋى ءا.بوكەيحانوۆ، ا.بايتۇرسىنۇلى، م.تىنىشپاەۆ، م.ەسەناليەۆ، س.اقاتاي سياقتى ت.ب الاش ۇلدارىنىڭ، زيالىلارىمىزدىڭ دا ارمانى ەدى. بۇل ماسەلە بۇگىنگى ۇرپاعىنىڭ دا ارمان، مۇراتىنا اينالدى.

ايتارىمىز: مەملەكەت اتى قازاق تىلىندە: «قازاقستان رەسپۋبليكاسى» ورىسشا: «رەسپۋبليكا كازاكستان» بولىپ، الداعى ۋاقىتتا مەملەكەتتىڭ بارلىق رەسمي رامىزدەرىنەن كورىنىس تابۋى كەرەك. «كازاح» ءسوزىنىڭ «كازاك»، «كازاحستان» ءسوزىنىڭ «كازاكستان» بولىپ دۇرىس جازىلۋىنا ەسى اۋىسقان بىرەۋ بولماسا، وزگە تۇگىلى، ورىستىلدىلەر دە قارسى بولمايدى.

ەندەشە، كىم كەدەرگى؟ بىزدىڭشە بۇل ماسەلەلەر ەشقانداي قارسىلىق تۋدىرمايدى. سوڭعى كۇندەرى ەلدە ءتىلدى ناسيحاتتاۋ باعىتىندا قوعامدىق شارالار وتكىزۋ جيىلەي باستادى. ەندىگى جەردە ىركىلىسكە بوي الدىرا بەرمەي ءتىل ماماندارى، عالىم-فيلولوگتار، قوعامدىق قوزعالىستار مەن ساياسي پارتيالار، وقۋ اعارتۋ ءىسىنىڭ قىزمەتكەرلەرى-مۇعالىمدەر، ءتىل جاناشىرلارى الداعى ۋاقىتتا وسى باعىتتا دا قوعامدىق پىكىر تۋدىرۋ جۇمىستارىن باستاۋى كەرەك. بۇل تالاپتى پارلامەنت دەپۋتاتتارىنىڭ الدىنا قوياتىن دا ۋاقىت كەلگەن سەكىلدى.

نۇرلىباي قوشامانۇلى

Abai.kz