سەيسەنبى, 19 قازان 2021
جاڭالىقتار 2841 1 پىكىر 26 تامىز, 2016 ساعات 10:14

تۇرىك بيلىگى وپپوزيتسيا جاعىنداعى سيريالىق كۇردتەرگە شابۋىلدادى

24 تامىزدا سيريانىڭ سولتۇستىگىنە ەنگىزىلگەن تۇرىك اسكەرى بەيسەنبى كۇنى قارۋلى وپپوزيتسيا باقىلاۋىنداعى دجەرابلۋس قالاسىندا كۇرد جاساقتارىنىڭ بەكىنىستەرىنە شابۋىل جاسادى.

انكارانىڭ مالىمدەۋىنشە، كۇرد اسكەرى، بۇعان دەيىن اقش-پەن كەلىسىلگەندەي، ءوز كۇشتەرىن ەۆفرات وزەنىنىڭ وڭ جاعالاۋىنا كوشىرمەي وتىر، سول سەبەپتى تۇركيانىڭ جاعدايدى رەتتەۋگە ارالاسۋعا تولىق قۇقىعى بار. ايتا كەتەرلىك جايت، امەريكالىق مەملەكەتتىك حاتشى دجون كەرري تۇرىك ارىپتەسى مەۆلەت چاۆاشوگلۋمەن تەلەفون ارقىلى سويلەسىپ، سيريالىق كۇردتەردىڭ نەگىزگى كۇشتەرى مانبيدج قالاسىنا كوشىرىلگەنىن حابارلاعان.

تۇركيا سيرياداعى وپەراتسياسىنىڭ باستى ماقساتى - شەكارالاس اۋدانداردان "يسلام مەملەكەتى" ەكسترەميستىك توپتارىن ىعىستىرىپ شىعارۋ ەكەنىن مالىمدەدى. بۇل رەتتە انكارا وپپوزيتسيا جاعىندا سوعىسىپ جۇرگەن سيريالىق كۇردتەردى جاۋ دەپ ەسەپتەيدى، ويتكەنى ولار، تۇركيانىڭ پىكىرىنشە، كۇرد سەپاراتيستەرىمەن بايلانىس ورناتقان.

اباي-اقپارات

1 پىكىر