سەيسەنبى, 26 قازان 2021
جاڭالىقتار 2640 0 پىكىر 26 تامىز, 2016 ساعات 10:09

قىرعىز ءسىم "كەربەن" راديورەلەلىك بەكەتتىڭ جۇمىسشىلارىن بوساتۋعا كۇش سالۋدى ۇسىندى

قىرعىزستاننىڭ سىرتقى ىستەر مينيسترلىگى قىرعىزدىڭ "كەربەن" راديورەلەلىك بەكەتىندەگى ءتورت جۇمىسشىنى بوساتۋ ءۇشىن كۇش سالۋدى ۇسىندى. بەكەت جۇمىسشىلارىن 23 تامىزدا وزبەكستان ميليتسياسى ۇستاعان.

قىرعىزستاننىڭ وزبەكستان ەلشىلىگىندەگى قىزمەتكەرلەر بەكەتتە ۇستالعان ءابدۋميتالىپ ورمانوۆتى، ۋرمات بەرداليەۆتى، جەنيش تاشماتوۆ پەن نۇربەك ۋسۋپباەۆتى بوساتىپ، ەلگە قايتارۋ ءۇشىن جۇمىس ىستەپ جاتىر. قازىر ديپلوماتيالىق قىزمەت دەڭگەيىندە كەلىسسوزدەر جۇرۋدە.

ەسكە سالايىق، 22 تامىزدا شەكارانىڭ داۋلى ۋچاسكەسىندەگى ۋنگار-توو رەترانسلياتورى ورنالاسقان ماڭعا وزبەكستان ءىىم-ءنىڭ شامامەن جەتى قىزمەتكەرى مي-8 تىكۇشاعىمەن قوندى. ودان سوڭ قىرعىزستان بۇل اۋدانعا ميليتسيانىڭ قوسىمشا كۇشتەرى مەن شەكاراشىلارىن جىبەردى.

24 تامىزدا تاڭەرتەڭ شەكارا قىزمەتىنىڭ حابارلاۋىنشا، ۋنگار-توو تاۋىنداعى راديورەلەلىك بەكەتتىڭ ءتورت قىزمەتكەرىن وزبەكستانداعى يانگيكۋرگان ميليتسياسىنا الىپ كەتكەن.

ۋنگار-توودا قىرعىزدىڭ "كەربەن" راديورەلەلىك بەكەتى ورنالاسقان. بىرنەشە جىل بۇرىن وزبەكستان شەكاراشىلارى سول جەرگە بلوكپوست ورناتۋعا تالپىنعان ەدى. كەلىسسوزدەردەن سوڭ ولار داۋلى اۋماقتان كەتكەن ەدى.

اباي-اقپارات

0 پىكىر