سەيسەنبى, 27 اقپان 2024
بيلىك 3907 0 پىكىر 26 قازان, 2016 ساعات 17:55

651 مەملەكەتتىك قىزمەتشى جوعارى لاۋازىمدارعا تاعايىندالعان

مەملەكەتتىك قىزمەتشىلەردىڭ مانساپتىق ىلگەرىلەۋى قالاي جۇزەگە اسىرىلادى؟ باسشىلىق قىزمەتكە ۇمىتكەرلەر كونكۋرستىق كوميسسيانىڭ شەشىمدەرىمەن كەلىسپەگەن جاعدايدا نە ىستەۋ كەرەك؟ مەملەكەتتىك قىزمەت ءوتىلى دەگەنىمىز نە؟

وسى جانە باسقا دا ساۋالدارعا بۇگىن قازاقستان رەسپۋبليكاسىنىڭ مەملەكەتتىك قىزمەت جانە سىبايلاس جەمقورلىققا قارسى ءىس-قيمىل اگەنتتىندە وتەتىن بريفينگتە اگەنتتىكتىڭ مەملەكەتتىك قىزمەت دەپارتامەنتى ديرەكتورىنىڭ م.ا. جارقىن تىلەۋكەنوۆ، مەملەكەتتىك قىزمەت سالاسىنداعى باقىلاۋ دەپارتامەنتى ديرەكتورىنىڭ ورىنباسارى ماقسات مۋسين جانە قازاقستاننىڭ HR-مەنەدجەرلەرى قاۋىمداستىعىنىڭ پرەزيدەنتى گۇلميرا رايسوۆا جاۋاپ بەردى.

ىشكى كونكۋرستار ينستيتۋتى

2016-شى جىلدان باستاپ قازاقستاندا مەملەكەتتىك قىزمەتتىڭ ماڭساپتىق مودەلى قولدانىسقا ەنگىزىلدى. بۇل مودەلدىڭ ءتيىمدى جۇمىس ىستەۋى ءۇشىن اۆستراليا، فرانتسيا، جاپونيا ەلدەرىندەگى مەملەكەتتىك قىزمەتتىڭ تاجىريبەسى نەگىزگە الىنىپ، ىشكى كونكۋرستار ينستيتۋتى ەنگىزىلدى. مۇنداي كونكۋرستار ەكى كەزەڭنەن تۇرادى.

بوس لاۋازىم پايدا بولعان كەزدە مەملەكەتتىك ورگان ىشكى كونكۋرستىڭ ءبىرىنشى كەزەڭىن وتكىزەدى. وعان ءبىرىنشى كەزەكتە وسى ورگاننىڭ تومەنگى لاۋازىمدارىنا يە قىزمەتشىلەر قاتىسادى. مۇنداي امالدار مەملەكەتتىك قىزمەتشىلەرگە وزدەرىنىڭ مانساپتىق ىلگەرىلەۋىن ۇزاق مەرزىمگە جوسپارلاۋعا مۇمكىندىك بەرەدى. 

ىشكى كونكۋرستىڭ ءبىرىنشى كەزەڭىندە كونكۋرستى جاريالاعان مەملەكتتىك ورگاننىڭ قىزمەتشىلەرىمەن قاتار ونىڭ اۋماقتىق بولىمشەلەرىنىڭ قىزمەتكەرلەرى قاتىسا الادى. ول ءۇشىن تومەنگى لاۋازىمداردا ەڭبەك ءوتىلى بولۋى شارت جانە بوس لاۋازىمنىڭ مىندەتتەرىن اتقارۋعا سايكەس كەلەتىن ءبىلىمى بولۋى ءتيىس.   

كونكۋرستىق ىرىكتەۋدىڭ اشىقتىعىن قامتاماسىز ەتۋ ماقساتىندا اگەنتتىكتە جانە ونىڭ اۋماقتىق دەپارتامەنتتەرىندە اپەللياتسيالىق كوميسسيالار جۇمىس ىستەيدى. ىرىكتەۋدىڭ ناتيجەلەرىنە كۇمان كەلتىرگەن ۇمىتكەرلەر وسى كوميسسيالارعا شاعىم تۇسىرۋگە قۇقىلى. بۇدان بولەك ولار سوتقا دا ارىزدانا الادى. وسى كۇنگە دەيىن ەلىمىز بويىنشا 10 مىڭنان استام كونكۋرس جاريالانىپ، كونكۋرستىق ىرىكتەۋدىڭ ءادىل وتۋىە كۇمان كەلتىرگەن 30 ادام اپەللياتسيالىق شاعىم تۇسىرگەن.  

مانساپتىق ىلگەرىلەۋدىڭ ارقاسىندا جىل باسىنان بەرى ىشكى كونكۋرستاردىڭ قورىتىندىسى بويىنشا تومەنگى لاۋازىمنان جوعارى لاۋازىمعا اۋىسقان قىزمەتشىلەردىڭ سانى 2 512 ادامعا جەتتى.

ىشكى كونكۋرستاردىڭ ەكىنشى كەزەڭى مەملەكەتتىك قىزمەتتەگى ءتيىستى ەڭبەك ءوتىلى بار بارلىق مەملەكەتتىك قىزمەتشىلەر اراسىندا وتكىزىلەدى. جىل باسىنان بەرى 651 مەملەكەتتىك قىزمەتشىلەر ىشكى كونكۋرستاردىڭ ەكىنشى كەزەڭى ارقىلى ءوتىپ، جوعارى لاۋازىمدارعا تاعايىندالعان.

كونكۋرستىڭ ءۇشىنشى كەزەڭى، ياعني جالپى كونكۋرس، تەك مەملەكەتتىك قىزمەتشىلەر اراسىندا ءتيىستى ۇمىتكەرلەر انىقتالماعان جاعدايدا عانا جاريالانادى. وعان بارلىق ازاماتتار قابىلدانا الادى. سونىڭ ىشىندە ەڭبەك ءوتىلى جوق جوعارى وقۋ ورىندارىنىڭ تۇلەكتەرى دە قاتىسا الادى.

مەملەكەتتىك قىزمەت ءوتىلىن ەسەپتەۋ ءتارتىبى تۋرالى

مەملەكەتتىك قىزمەتشىلەردىڭ ەڭبەك ءوتىلىن ەسەپتەۋ ماسەلەسى بۇگىنگى كۇندە ەڭ وزەكتى ماسەلەلەردىڭ ءبىرى. توراعانىڭ بلوگى مەن اگەنتتىكتىڭ رەسمي سايتىنا كەلەتىن ساۋالداردىڭ باسىم بولىگى ناق وسى ماسەلەگە قاتىستى.

مەملەكەتتىك قىزمەت وتىلىنە مەملەكەتتىك ورگاندارداعى اتقارىلعان قىزمەت ءوتىلى كىرەدى. مانساپتىق ىلگەرىلەۋ بارىسىندا مەملەكەتتىك قىزمەت ءوتىلىنىڭ بولۋى باستى شارت بولىپ سانالادى.

ۇستىمىزدەگى جىلدىڭ شىلدە ايىنان بەرى لاۋازىمدىق جالاقىنى بەكىتۋگە قۇقىق بەرەتىن ەڭبەك ءوتىلىن ەسەپتەۋدىڭ جاڭا ەرەجەلەرى قولدانىسقا ەنگىزىلدى. 

بۇل ەرەجەلەرگە سايكەس، لاۋازىمدىق جالاقىنى بەكىتۋگە قۇقىق بەرەتىن ەڭبەك وتىلىنە اسكەري قىزمەت، قۇقىق قورعاۋ جانە ارنايى مەملەكەتتىك ورگاندارداعى قىزمەت ءوتىلى، ارنايى وقۋ ورىندارىنداعى جانە ارنايى باستاپقى وقىتۋ ورىندارىنداعى ءبىلىم الۋ مەرزىمى ەسەپتەلەدى. الايدا، ەڭبەك وتىلىنە تەك وتاندىق ءبىلىم وردالارىنداعى وقۋ مەرزىمى ەسەپتەلەدى. ء(ىىم، ۇقك، باس پروكۋراتۋرانىڭ  اكادەميالارى جانە تاراتىلعان قارجى پوليتسياسىنىڭ اكادەمياسى).

سونىمەن قاتار، لاۋازىمدىق جالاقىنى بەكىتۋگە قۇقىق بەرەتىن ەڭبەك وتىلىنە مەملەكەتتىك مەكەمەلەردەگى باسشىلىق قىزمەتتەردەگى ەڭبەك ءوتىلى دە قوسىلا الادى. بۇل جەردە مەملەكەتتىك مەكەمە قاتارىنا مەملەكەتتىك زاڭدى تۇلعالار – مەملەكەتتىك مەكەمەلەر مەن مەملەكەتتىك كاسىپورىندار نازارعا الىنادى. 

مەملەكەتتىك ورگانداردىڭ جولداۋى بويىنشا وقۋ مەرزىمى، سونىڭ ىشىندە شەتەلدە ءبىلىم الۋ مەرزىمى، مەملەكەتتىك قىزمەت وتىلىنە قوسىلۋى مۇمكىن ەگەر قىزمەتشى وقۋعا اتتانار كەزدە مەملەكەتتىك قىزمەتتە ەڭبەك ەتسە جانە وقۋى اياقتالىسىمەن مەملەكەتتىك قىزمەتكە ورالسا.

بارلىق مەملەكەتتىك ورگانداردا ەڭبەك ءوتىلىن بەكىتۋ جونىندەگى كوميسسيا جۇمىس ىستەيدى. مەملەكەتتىك قىزمەتشىلەر وعان ارىزدانۋعا قۇقىلى.   

ەسكە سالا كەتەيىك، 2016 جىلدىڭ 1-ءشى قاڭتارىنان باستاپ «قازاقستان رەسپۋبليكاسىنىڭ مەملەكەتتىك قىزمەتى تۋرالى» زاڭ كۇشىنە ەندى. ول «كاسىبي مەملەكەتتىك اپپارات قالىپتاستىرۋ» اتى ءبىرىنشى ينستيتۋتسيونالدىق رەفورمانى جۇزەگە اسىرۋدىڭ زاڭنامالىق نەگىزىن قالادى.

اگەنتتىك اتالعان زاڭنىڭ جانە «100 ناقتى قادام» ۇلت جوسپارىنىڭ جۇزەگە اسىرىلۋىن قامتاماسىز ەتەتىن باسقا دا نورماتيۆتىك-قۇقىقتىق اكتىلەردىڭ نەگىزگى ەرەجەلەرىن ءتۇسىندىرۋ بويىنشا جۇمىستاردى ودان ءارى جالعاستىرادى.

Abai.kz

0 پىكىر

ۇزدىك ماتەريالدار

ادەبيەت

قاۋىرسىن

ءالىمجان ءاشىمۇلى 1599
ءالىپبي

لاتىن جايى

بيجومارت قاپالبەك 1679