سۋيتسيد. ءتۇسىندىرۋ وتە قيىن
بۇرىن قازاقستان سۋيتسيدتان الەمدە كوش باستاپ تۇر دەسە، قاتتى سەنە قويمايتىنمىن. جاڭا ەسكى بولسا دا، 2012 جىلعى ءتىزىمدى قارادىم. 9 ورىندا.تۇك تۇسىنە الماي وتىرمىن. قالايشا؟ سالتى، ءدىنى، تۇرمىسى، ساناسى بىزدىكىندەي كورشى قىرعىز ەلى 77 ورىن، وزبەكستان 86 ورىن.
بىزدە 100 مىڭ ادامعا شاققاندا جىل سايىن 23 ادام ءوز-وزىنە قول سالادى ەكەن. ەر ازاماتتاردان 40 ادام. ال 15-19 جاس ارالىعىندا قىزداردىڭ سۋيتسيدىنەن 1 ورىن، ۇلداردىكى 2 ورىن. سۇمدىق قوي.
سەبەپ رەتىندە: مەكتەپتەگى مازاق، وتباسىلىق قۇندىلىقتىڭ جويىلۋى جانە ت.ب كورسەتىلگەن. 2002 جىلعى ءتىزىمدى قاراسام، قر الەمدە توپ-5 اراسىندا. سوندا سول كەزدەن بەرگى تالاي جۇرتتىڭ نامازعا جىعىلۋى، تۇرمىسى تۇزەلۋى ءسۋيتسيدتى ازايتۋعا تۇك اسەر ەتپەگەن بە؟
تىزىمدە باسقا كىمدەر بار دەسەم: ءتىزىمنىڭ ەڭ سوڭىندا شاريعاتتى بەرىك ۇستاناتىندار - ساۋد، كۋۆەيت، ومان، ليۆان. بىراق اراقتى تۇبىمەن ىشەدى، انە-مىنە تۇقىمى قۇريدى دەگەن رەسەي بىزدەن جوعارى، 14 ورىندا. بۇرىنعى كسرو-نىڭ قۇرامىندا بولعاندار مەن سوتس.لاگەر ەلدەرى توپ-30-دى تولتىرىپ ءجۇر. بالكىم سوتسياليزمنەن كاپيتاليزمگە بەيىمدەلە الماعاندار شىعار؟
جاپون مەن كورەيلەر دە ءتىزىم باسىندا، ەندى ولاردا مادەني فاكتورمەن تۇسىندىرۋگە بولادى. بىراق داۋلەت پەن جوقشىلىق - سۋيتسيدكە اسەر ەتەدى دەۋ قيىن، 30 ورىنداردىڭ ول جاق، بۇل جاعىندا الەمدەگى ەڭ باقىتتى ەلدەر: فينليانديا، يسلانديا، بەلگيا ءجۇر.
حالقىنىڭ كوپشىلىگى اتەيست دەگەن قىتاي 94 ورىن، ۆەتنام 123 ورىن، ال حالقىنىڭ 70% مۇسىلمان دەگەن ءبىز 9 ورىن.
ءتۇسىندىرۋ وتە قيىن!
نۇرمۇحاممەد بايعاراەۆ
Facebook-تەگى پاراقشاسىنان
