سەنبى, 19 قازان 2019
2777 0 پىكىر 2 اقپان, 2017 ساعات 13:00

بەلورۋسسيا ەۋرازيالىق وداقتان باس تارتپاقشى

(ەاەو-نى قۇرعان نەگىزگى ءۇش ەلدىڭ پرەزيدەنتتەرى)

جاقىندا بەلورۋسسيا ەاەو-دان شىعۋعا نيەت ءبىلدىرىپتى. باتكانىڭ مۇنىسىنا ماسكەۋ مىڭق دەمەيتىن كورىنەدى. «Regnum.ru» وسىلاي دەپ جازادى.

ماسكەۋ «باۋىرلاس» ۋكراينا سەكىلدى بەلورۋسسيانىڭ رەسەي ىقپالىنان شىعۋىنا تۇسىنىستىكپەن قارايدى, - دەپ جازادى.

رەسەيلىك ساياساتكەرلەر مينسكىنىڭ ەۋرازيالىق ەكونوميكالىق وداق پەن ۇجىمدىق قاۋىپسىزدىك كواليتسياسىنان شىعۋعا جانە رەسەي-بەلورۋسسيا ىنتىماقتاستىعىن ۇزۋگە تالپىنىسىنا قاتىستى ء«لام-ميم» دەمەيمىز دەدى.

دەسە دە، ماسكەۋ مينسك بۇلاي ءسوز جۇزىندە عانا تاۋەلسىز  بولا المايتىنىن ەسكەرتكەن.  «تاۋەلسىزدىك – بۇل مەملەكەتتىڭ ءارى قارايعى تىرشىلىگىن تولىق قامتيتىن كومپلەكس. ساياسي ءام يدەولوگيالىق تەتىكتەرىنەن باستاپ قارجىلىق، ەكونوميكالىق ماسەلەلەر بار. ەگەر بەلورۋسسيا باسشىلارى وسى جولدى، ياعني «ەكونوميكالىق سوعىس» جولىن تاڭداسا مەيلى. بەلورۋسسيا مەملەكەتىنىڭ بۇل ستراتەگيالىق دامۋ جولىنا داۋىمىز جوق. تەك جالقى سۇراعىمىز – بۇل ساياسي تاڭداۋ بەلورۋس حالقىنىڭ مۇددەسىن قانشالىقتى قاناعاتتاندىرادى؟!», - دەپ جازادى «Regnum.ru».

سونىمەن، رەسەي اۋەلگى ايلاسىنا باسىپ، بوتەن ەلدىڭ ىشكى ساياساتىنا قايتادان ارالاسا باستادى. باتكا باسقاراتىن ەلدىڭ باسشىلارى، وزدەرىن يمپەرياليست دەپ ەسەپتەيتىن كرەمل قوجايىندارىنىڭ ىقپالىنان شىعىپ، دامۋدىڭ دەربەس جولىن تاڭداعان ەكەن. بۇنى پۋتيننىڭ جاندايشاپتارى "باتكا بيلىگىنىڭ تاڭداۋى – حالىقتىڭ تاڭداۋى ەمەس" دەگەنگە سايدىرىپتى. ەرسى ءام كۇلكىلى ءجايت.

سوراقىسى سول، الەكساندر لۋكاشەنكوعا ۋكراينانىڭ تاعدىرىن ەسكەرتكەنى اشىقتان-اشىق قوقان-لوققى كورسەتۋمەن پارا-پار.

«ەگەر بيلىك ءترانزيتى كەزىندە حالىقتىڭ داۋسى، قالاۋى ۇلتتىق-مەملەكەتتىك تۇرعىدان بيلىكپەن قاراما-قايشى بولعان باۋىرلاس ۋكراينا تاجىربيەسى ساباق بولماسا، وندا ماسكەۋ بۇعان بەي-جاي قاراپ وتىرمايدى», - دەيدى.

(ەسلي وپىت «براتسكوي ۋكراينى»، گدە سمەنا ۆلاستي پرويزوشلا ي ەششە پرويزويدەت يمەننو يز-زا نەجەلانيا ۋچيتىۆات ناتسيونالنو-گوسۋدارستۆەننىە ينتەرەسى پوداۆليايۋششەگو بولشينستۆا ۋكراينسكوگو نارودا، وريەنتيروۆاننوگو نا سويۋز س گوسۋدارستۆامي ەاەس، ۆ رۋكوۆودياششەم مينسكە نيكوگو نيچەمۋ نە ۋچيت، تو موسكۆا نە بۋدەت پەنيات رۋكوۆودستۆۋ رەسپۋبليكي نا تە دەيستۆيا، كوتورىە وتبراسىۆايۋت رەسپۋبليكۋ نا وبوچينۋ ميروۆوگو رازۆيتيا).

(ەۋرومايدان كەزىندەگى ءبىر كورىنىس)

سونداي-اق، رەسەيلىك دەزينفورماتورلار ۋكرايناداعى  «ەۋرومايداننىڭ» تونىن تەرىس اينالدىرىپ، ول كەزدە ۋكراين حالقى ەۋروپامەن ەمەس، ەاەو-مەن وداقتاس بولۋدى قالادى دەپ جازادى.

بۇل ءوز كەزەگىندە رەسەيلىك پروپوگاندانىڭ كورىنىسى. «ەۋرومايداننىڭ» اتى ايتىپ تۇرعانداي، يانۋكوۆيچ بيلىگى تۇسىندا رەسەيدىڭ قولتىعىنا كىرگەن، ءسويتىپ پرورەسەيلىك ساياساتتان ابدەن ىعىر بولعان حالىقتىڭ ەۋروپاعا قوسىلۋ جولىندا رەسەي امبيتسياسىمەن جانە ۋكراينانىڭ سول كەزدەگى پرورەسەيشىل پرەزيدەنتىمەن كۇرەسى ەدى.

اسىرەسە، ۋكراينادان قىرىمدى اننەكتسيالاپ العان رەسەي  رەفەرەندۋم وتكىزىپ، جەرگىلىكتى ورىس ۇلتىنىڭ مۇددەسىن قورعاۋ دەگەن جەلەۋمەن، باسقىنشىلىق جاساعانى بەلگىلى.

(لۋكاشەنكو، مەركەل جانە وللاند)

وتكەن جىلى ەاەو-نىڭ سامميتىنە ارنايى شاقىرتۋ السا دا، كەلمەي قويعان بەلورۋسسيا پرەزيدەنتى الەكساندر لۋكاشەنكونىڭ ءبىر بۇككەنى بولسا كەرەك. باتكا باتىل شىعىپ، تەڭ ەكونوميكالىق باسەكەلەستىك جوق، اۋەلدە ەكونوميكالىق ۇيىم دەپ اشىلىپ، اياعى ساياسيلانا باستاعان ەاەو-دان شىعۋعا بەل بايلاپتى. تەك شىعىپ قانا قويماي، رەسەيمەن ات قۇيرىعىن كەسىسپەك كورەنەدى.

ەرتەرەكتە ەۋروپا ەلدەرى وسى الەكساندر لۋكاشەنكونىڭ «ەۋروپانىڭ سوڭعى ديكتاتورى» دەپ اتاعان ەدى. كەيىن بۇل تۇسىنىك ءبىرجولاتا جويىلدى. مينسك حالقارالالىق ديالوگتاردىڭ ورتالىعىنا اينالدى. فراگنتسيا، گەرمانيا باسشىلارى ۋكراينا داعدارىسىن شەشۋدە نەگىزگى الاڭ رەتىندە – ءدال وسى بەلورۋسسيانى تاڭدادى. وسىلايشا ەۋروپامەن بايلانىسىن رەتتەگەن لۋكاشەنكو كرەملگە ارقاسىن بەردى. بۇل دا رەسەي ءۇشىن ءبىر مينۋس.

جالقى سۇراق – ءبىز شە؟

نۇرزات توعجان

Abai.kz

0 پىكىر