ورتالىق سايلاۋ كوميسسياسى ءماجىلىس دەپۋتاتى امانجان جامالوۆقا قاتىستى تەكسەرىستىڭ قورىتىندىسى بويىنشا شەشىم شىعاردى، - دەپ حابارلايدى Tengrinews.kzء تىلشىسى ۆەدومستۆو ءباسپاسوز قىزمەتىنە سىلتەمە جاساپ.

ءبىز بۇعان دەيىن جامالوۆتىڭ ەكى جشس قۇرىلتايشىسى ەكەنىن، دەپۋتاتتار زاڭ بويىنشا جەكە كاسىپكەرلىكپەن اينالىسا المايتىنىن حابارلاپ، ماقالا جازعان ەدىك. وسىدان كەيىن قۇزىرەتتى ورگاندار دەپۋتاتتىڭ ءىسىن ماي شاممەن قاراماق بولعان.

"كوميسسيا مۇشەلەرى تەكسەرۋدى تولىق كولەمدە جۇزەگە اسىردى.ء بىرىنشى دەرەككوزدەردەن الىنعان اقپارات دەپۋتات ا.م. جامالوۆتىڭ ءوز مۇلكىن سەنىمگەرلىك باسقارۋعا بەرۋگە قاتىستى زاڭنامادا بەلگىلەنگەن ءىس-قيمىلداردى ۋاقتىلى جانە زاڭناماعا سايكەس جۇرگىزگەنىن راستادى", - دەلىنگەن حابارلامادا.

وسىلايشا، ۇسىنىلعان راستاۋشى قۇجاتتارعا جانە قازاقستاندىق زاڭنامانىڭ كاسىپكەرلىك جانە دەپۋتاتتىق قىزمەتتىڭ ۇيلەسپەۋشىلىگى تۋرالى نورمالارىنا سۇيەنە وتىرىپ، ورتسايلاۋكوم قازاقستان رەسپۋبليكاسى پارلامەنتى ءماجىلىسىنىڭ دەپۋتاتى امانجان جامالوۆتىڭ قر كونستيتۋتسياسىنىڭ 52-بابى 3-تارماعىنىڭ تالاپتارىن بۇزباعان دەگەن قورىتىندىعا كەلدى.

ءماجىلىس دەپۋتاتى حقكو-دا كوز جۇمعان ەر ادام جايلى "ول ۇيىندە دە قايتىس بولۋى مۇمكىن ەدى" دەگەن پىكىرىنەن قاتىستى باق بەتىندە ءبىراز شۋ بولعان. ارتىنشا دەپۋتات مارقۇمنىڭ تۋىستارىنان كەشىرىم سۇرادى. 

اباي-اقپارات