كەشەلى بەرى سوۆەت ارمياسىنىڭ كەرزى ەتىگىن سۇيرەتكەن كارى-جاس ءبىرىن-ءبىرى «وتان قورعاۋشىلار» كۇنىمەن قۇتتىقتاپ ءماز. ولارعا ايەلدەر دە قوسىلۋدا. تاريحي شىندىققا سۇيەنسەك، بۇگىن - وتان قورعاۋشىلار ەمەس، الەم حالقىن ەزگىگە سالعىسى كەلگەن كوممۋنيستەردىڭ جەندەتتەرى ساپ تۇزەگەن كۇن. سوۆەت ارمياسى اتالعان جەندەتتەر جارتى دۇنيەنىڭ حالقىن قىرىپ سالدى، قانعا بوكتىردى. جەندەتتەر ارمياسى ءدال وسى كۇنى جاساقتالعاندىقتان ول سوۆەت وكىمەتىنىڭ جىلناماسىنا «سوۆەت ارمياسىنىڭ كۇنى» بولىپ ەندى. سولداتتا ەكى-ءۇش جىلىن وتكەرىپ كەلگەن اعالارىمىز دا سوۆەت ارمياسىنىڭ سولداتى اتالدى. ارينە، سول ءۇشىن ولاردى كىنالاۋدان، جازعىرۋدان اۋلاقپىز. بىراق، ۇمىتىلىپ كەتۋگە ءتيىس كۇندى جادىلارىندا جاڭعىرتىپ، مارە-سارە بولىپ جاتقاندارىنا كەيمىز. ەگەر ەلىمىزدىڭ ەر-ازاماتتارى وزدەرىنە ءبىر كۇندى ەرەكشە مارتەبەلى كۇن ساناعىلارى كەلسە، وندا 7 مامىردى ۇلىقتاسىن. بۇل كۇن – ولاردىڭ ۇلدارى ۇلان اتالىپ، تاۋەلسىز وتاندارىن قورعاۋعا، تىنىشتىعىن كۇزەتۋگە ارنالعان كۇندى ايگىلەيدى. 7 مامىر تۋرالى ەلباسىمىز ءبىر سوزىندە بىلاي دەگەن بولاتىن: «بىزدەر، قازاقستاندىقتار ءۇشىن، وتان قورعاۋشىلار كۇنى – 7 مامىر بولىپ تابىلادى. 23 اقپان ەمەس، 7 مامىر! ءبىزدى قاي كۇنى قۇتتىقتاۋ كەرەكتىگىن ايەل قاۋىمى ءبىلسىن. ءبىز ولاردى 8 ناۋرىزدا قۇتتىقتايمىز. ال، ولار ءبىزدى 7 مامىردا قۇتتىقتاۋدى ۇمىتىپ كەتەدى».

7 مامىردىڭ اۋلى الىس ەمەس. ەسكەرمەي قالمايىق.

Abai.kz