ەلباسى نۇرسۇلتان نازارباەۆ:

- مەن الەۋمەتتىك قاجەتتىلىككە ارنالعان شىعىستاردى قىسقارتۋ تۋرالى ۇسىنىس بار ەكەندىگىن بىلەمىن. بۇل جاقسى ۇسىنىس، قاراپايىم ادامدارعا قاتىستى بولماعاندا ونى قولداۋعا دا بولار ەدى. ماسەلەن، ونى قاراپايىم ادامعا شىعىن كەلتىرمەستەن قايدان ىزدەۋگە بولادى؟ ماسەلەن، ءبىزدىڭ شىعىستار: بانكتەردى قولداۋ ءۇشىن 500 ملرد.، قىسقى ۋنيۆەرسياداعا - 100 ملرد.، مەترونىڭ ەكىنشى كەزەڭىنە - 227 ملرد. تەڭگە. قيىن كەزەڭدە بىزدەرگە كەيبىرىن كۇتە تۇرۋ قاجەت. ودان كەيىن جالعاستىرامىز. قىسقى ۋنيۆەرسيادانىڭ ءبىر بولىگىن استانادا، ەكىنشىسىن الماتىدا وتكىزۋگە بولادى. بۇل يميدجدىك جوبا، ونى سوڭىنا دەيىن اتقارۋ كەرەك. بىراق ءدال وسى شارادا شىعىس كوپ، قارجىنى بىزدەرگە سول جاقتان قاراستىرۋ قاجەت. بۇل ۋاقىتشا.

سونداي-اق، الماتى مەتروسىنىڭ 2-ءشى كەزەڭى قۇرىلىسىن توقتاتا تۇرۋ قاجەت.

(ۇكىمەتتىڭ كەڭەيتىلگەن وتىرىسىندا سويلەگەن سوزىنەن)

الماتى قالاسىنىڭ اكىمى احمەتجان ەسىموۆ:

- مەترو قۇرىلىسى توقتامايدى. بيىلعى جىلى 8 ملرد.تەڭگە ءبولىندى. ارى قاراي قازامىز.

مەترو قىزمەتىن 20 ملن.جولاۋشى پايدالاندى. كۇن سايىن 24 مىڭ ادام تاسىمالدانادى. بيىلعى جىلدىڭ العاشقى جارتىسىندا قۇرىلىسى بىلتىر اياقتالعان 2 جاڭا ستانتسيا پايدالانۋعا بەرىلەدى...

(قالا تۇرعىندارىمەن ەسەپتى كەزدەسۋدە ايتقانىنان)

اباي.kz