جۇما, 17 قىركۇيەك 2021
جاڭالىقتار 1897 0 پىكىر 2 قاراشا, 2010 ساعات 04:44

بەيبىت ساپارالى. ۇلتىن ءسۇيۋ، وتان ءۇشىن وت كەشۋ – اردىڭ ءىسى

- كوزقاراسى كىرىس (تابىس) كو­زىنە قاراي تاۋەلدى بولعان زاماندا ءسىزدىڭ كىرىس كوزىڭىز قاي جاقتان ەكەن؟ ياعني قاي جاقتان كەلەتىن قارجى كوزىنە تاۋەلدىسىز؟

- كوزقاراسى كىرىس (تابىس) كو­زىنە قاراي تاۋەلدى بولعان زاماندا ءسىزدىڭ كىرىس كوزىڭىز قاي جاقتان ەكەن؟ ياعني قاي جاقتان كەلەتىن قارجى كوزىنە تاۋەلدىسىز؟

- اۋەلى ايتارىم، ريزىق-نەسىبە جاراتۋشى جاببار يەمىزدەن بولادى. ريزىق-عايىپ، قوناق-عايىپ، اجال-عايىپ دەگەن شاريعات ماسەلەسىن دە وسى تۇستا كوكەيگە بەرىك تۇتقان ابزال. الايدا عايىپتان مول ولجا كەلەدى ەكەن دەپ قول قۋسىرىپ قاراپ وتىرۋعا بولمايدى. قولىمىزدان كەلىپ، بارشا قۋلىق-سۇمدىعىن ءبىلىپ تۇرساق تا، حالىق داۋلەتى بولىپ سانالاتىن بيۋدجەتتىك تەندەرلەرگە كاسىپكەرلىك نەگىز ارتقان اۋەستىگىمىز دە بولعان ەمەس. مەملەكەتتىك قىزمەت، جەكە كاسىپكەرلىك، قايىر تىلەۋ سياقتى ءۇش ءتۇرلى كىرىس كوزى بارلىعىن ەسكەرسەك، سونىڭ يسلامي قۇندىلىق بويىنشا ەڭ دۇرىسى بولىپ سانالاتىن جەكە كاسىپكەرلىكتى تاڭداپ العانىمىزعا دا (مەملەكەتتىك جاۋاپتى قىزمەتتەر اتقارعاننان كەيىن) ون بەس جىلدىڭ ءجۇزى بولىپ قالىپتى. اللاعا سانسىز شۇكىرلەر بولسىن، عىلىمي، مادەني، باسپاگەرلىك ىسىنەن باستاپ، قۇرىلىس، كاسىبي حالىقارالىق كورمە، كونسالتينگتىك قىزمەت، ونداعان ءتۇرلى سۋسابىن شىعاراتىن ءوندىرىس ورنىنا دەيىن قامتيتىن جيىرما شاقتى جەكەلەي فيرمالاردان باس قۇراعان «قاعانات» كونسورتسيۋمى تابىسىمىزدىڭ باستى قاينار كوزى بولىپ سانالادى. ونىڭ ۇستىنە سوڭعى جىلداردا كاسىپكەرلىك اياسى ايرىقشا كەڭەيىپ، تۇركيا، رەسەي، يران، اقش، انگليا، قىتاي، گونكونگ، مىسىر، سيريا، اۋعانستان، ت.ب. ەلدەردىڭ جەتەكشى بيزنەس وكىلدەرىمەن بارىس-كەلىس ارقىلى رەسمي قۇجاتتارعا قول قويىلىپ، نەگىزىنەن العاندا مۇناي جانە گاز، جاڭا تەحنولوگيا، مەديتسينا، حالىق تۇتىناتىن تاۋارلارى بويىنشا سونى جوبالار جۇزەگە اسىرىلۋدا. سوڭعى ۋاقىتتا المانيا، شۆەيتساريا، انگليادان وتە ۇلكەن اۋقىمدا قارجى كوزىن ءتيىمدى جولدارمەن قازاقستانعا تارتۋ ماسەلەسىن ۇكىمەت باسشىلارىمەن تالقىلاۋدامىز. ينشا اللاھ، بىرەر ايدا يگى ناتيجەلەرگە دە قول جەتكىزىپ قالارمىز.

-«جاڭا الەمدىك باسقارۋ تارتىبىنە» كوزقاراسىڭىز قالاي جانە ماسوندىق ۇيىمدارعا مۇشەسىز بە نەمەسە مۇشە بولعىڭىز كەلە مە؟

- ۇلتتىق وزگەشەلىگى جانە ءدىني سەنىمىنە قاراماي، ءار مەملەكەتتە وقشاۋلانىپ شىققان سەركەلەردى 33 ساتىدان تۇراتىن قۇپيا شايتاني وردەنىنە تارتا بەرەتىن دۇنيەجۇزىلىك ماسوندىق ۇيىمداردىڭ ەشقايسىسىنا دا مۇشە ەمەسپىن، بيلىك پەن بايلىقتىڭ نەلەر قيلى «جاۋھارلارىمەن» قىزىقتىرسا دا، ول كاپىرلەردىڭ ماڭايىنا جۋىقتاماق نيەتىم جوق. اللاھ ولاردان ساقتاسىن، بىزدەردى تۋرا جولىنان اداستىرماسىن. ال «جاڭا جاھاندىق ءتارتىپ» ماسەلەسىنە كەلەتىن بولساق، 7 ميلليارد ادامزاتتىڭ تاعدىرىن جاسىرىن تالقىعا سالىپ، «التىن ءبىر ميلليارد ادام بالاسى عانا جەر بەتىندە شالقىپ ءومىر سۇرۋگە ءتيىستى» دەپ بىلەتىن جاھانداعى ەڭ باي 300 اۋلەتتەن قۇرىلعان وسپادارسىز كوميتەت شەشىمىنە قالاي قاراۋعا بولادى؟ الاپات سوعىستار، جويقىن تابيعي اپاتتار، ءدىني جانە ۇلتارالىق دۇردارازدىقتار، تەز تاراعىش اسا قاتەرلى دەرتتەر، ۋلانعان تاعامدار، 7 ميللياردتى كۇن سايىن تۇرعىزىپ-ورگىزىپ وتىراتىن ميكروچيپتەر، وزىندىك ەركى جوق، ءبىر كوزدى تاجالدىڭ اسكەرى ەل باسقارۋشىلار، وسىمقورلىققا نەگىزدەلگەن جاھاندىق جىمىسقى قارجى جۇيەسىن جاساۋشىلار، ادامزاتتى وتىرسا وپاق، تۇرسا سوپاق ەتەتىن جاڭا تەحنولوگيالار،.. سول «جاڭا ءتارتىپتىڭ» نەگىزگى ماقساتىنا اينالسا، ونداي باسقارۋدان نە ءۇمىت، نە قايىر؟!

دەربەستىك ءسوز جۇزىندە عانا بار الدامشى ۇعىم. جەر شارى حالىقتارى تاۋەلسىزدىكتەرىن باسىبايلى ات توبەلىندەي ازعانتاي شايتاني توپ قولىنا ۇستاتىپ قويعالى قاشان. ولاردىڭ ورداسىن كوپ الىسقا ۇزاماي-اق سولاردىڭ وزدەرى ويلاپ تاپقان عالامتور ارقىلى تەز تاۋىپ بىلۋگە بولادى. ۆاتيكان-سيتي، لوندون-سيتي، كولۋمبيا-سيتي، مىنە، جاھاندا ەشبىر زاڭ مەن تارتىپكە باعىنبايتىن، رۋحاني-قارجى-اسكەري سالا بويىنشا ءوزارا مىندەتتەرىن ءبولىسىپ العان بىرەر مىڭ عانا تۇرعىنى بار وسى الاقانداي ءۇش قالانى زەرتتەپ-بىلسەڭىز بولعانى، ىزدەۋشى سايتتاردان «نوۆىي ميروۆوي پوريادوك» دەگەن انىقتاۋىشتى باسساڭىز بولعانى كەرەكتى اقپارات تاسقىنى توگىلە جونەلەدى. اتالمىش جاھاندىق ۇيىمدى اشكەرەلەۋشى ءار تىلدەگى بەينەفيلمدەر، زەرتتەۋ ماقالالار اسىرەسە سوڭعى ون جىلدىڭ ءجۇزى بويىنشا وتە ۇلكەن قارقىن الىپ جارىققا شىعۋدا. ماسوندىق ۇيىمنىڭ يلليۋميناتتىق بۇتاقتارى، ەكۋمينيزم سىندى الدارقاتۋشى قوعامدىق قوزعالىستارى، الەمنىڭ جۇزدەگەن ەڭ ۇلكەن قالالارى تورىنەن ورىن العان سيمۆوليكالىق ساۋلەتتىك عيماراتتارى، ادامزات تاريحىندا ەلەۋلى ورىن العان ماسون تۇلعالارى، ماسوندىق يدەولوگيا قۇرباندارى، بولاشاقتاعى كوماندورلاردىڭ جوسپارلارى، وليمپيادا سياقتى قىسقى جانە جازعى ويىنداردى قىزىقتاعان بولىپ باسشى ماسونداردىڭ وڭاشادا باس قوسۋلارى، وسى سياقتى سان تاراۋ تاقىرىپتار تارقاتىلا بەرەدى، تارامدالا بەرەدى. پراۆوسلاۆيالىق، پروتەستانتتىق، ياھۋديلىك، ءبىر سوزبەن قورىتقاندا الەمدەگى يسلامنان وزگە جەتەكشى ءدىن وكىلدەرى سان الۋان فورماسىن تاۋىپ جاريا جانە جاسىرىن تۇردە اتالعان ماسەلە بويىنشا ايىپتاۋ ۇندەرىن قاتۋدا. سوڭعى التى جىل اياسىندا تۇركيادا ءتۇسىرىلىپ، ونداعان شەت تىلدەرگە اۋدارىلىپ، استارلى ايتارىمەن، شيەلەنىسكەن وقيعاسىمەن، قۇپيا ۇيىمداردىڭ جىمىسقى قىزمەتىن اشكەرەلەۋىمەن ميللياردتارعا ماعلۇم بولعان ءتورت ءجۇز سەريالىق «قاسقىرلار مەكەنى» كوركەم ءفيلمى ماسون ۇعىمىنىڭ ۇلتتار مەن دىندەرگە قارامايتىن بارشا شايتاني بولمىسىن جارقىراتا اشىپ بەردى دەپ بىلەمىز. روتشيلدتار مەن روكفەللەرلەردىڭ جۇزدەگەن جىلدار بويىنا نە ىستەپ كەلە جاتقانىن ناقتى دالەلدەرمەن سيپاتتاپ بەرگەن اعىلشىن، ورىس، يسپان بارلاۋ قىزمەتتەرىنىڭ بۇرىنعى جاندارالدارى جازعان كولەمدى زەرتتەۋ ەڭبەكتەرى دە وسى قاتاردان. سوتتالعان كۇيەۋبالا راحات اليەۆتىڭ اتىنان جازىلعان «كرەستنىي تەست» كىتابىنىڭ العاشقى جالعان دەگەن نۇسقاسىندا قازاقستانداعى ماسوندىق قوزعالىسى جانە ونىڭ بەلسەندى مۇشەلەرى جايىندا قىزىقتى دەرەكتەر كەلتىرىلگەن. الايدا قازاق جاماعاتى مۇنداي ماعلۇماتتاردان دەنىندە ماقرۇم جاتىر. ءتىپتى ەڭ از دەگەندە ونداعان ميلليون دوللارلاپ ەۋروپا، مۇحيت اسىرىپ جىراقتاپ كەتكەن اككى قانداستارىمىزدىڭ ءوزى قانداي شايتاني تورعا ءتۇسىپ قالعاندارىن بىلمەي داعدارۋدا. ادال مەن ارام دەگەن نە، بيۋدجەت قارجىسىن قىمقىرۋ، تەندەر ارقىلى تالاپايعا ءتۇسىرۋ نەگە اكەلىپ سوقتىرادى، سول سەكىلدى ساداقا، زەكەت، قايىرىمدىلىق تۋرالى ولاردان سۇراپ جاتۋدىڭ ءوزى ارتىقشىلىق.

حالىقارالىق ۇيىم ماسەلەسى ءسوز بولعاندا ءبىزدى ماسونداردان گورى كەلەسى جىلى قازاقستان توراعالىق ەتەتىن ويك، قازاقشا ايتقاندا يسلام كونفەرەنتسياسى ۇيىمىنىڭ جۇمىسى قاتتى قىزىقتىرادى. ويتكەنى بىرىككەن ۇلتتار ۇيىمىمەن تەكەتىرەسىپ تۇرعان بۇل ۇيىم الپىسقا جۋىق مۇشە مەملەكەتتەرى ارقىلى جاھاندىق كوكەيتەستى كوپتەگەن ماسەلەلەردىڭ وڭتايلى شەشىم تابۋىنا تىكەلەي ىقپال ەتەتىن مۇمكىنشىلىكتەرى بار. وسىدان بىرەر اي بۇرىن حانبالىق, ياعني بەيجيندەگى مىڭ جىل بۇرىندا سالىنعان تاريحي مەشىتتە جۇما نامازىن وقىعاننان كەيىن سول ەلگە ارنايى ىسساپارمەن كەلگەن يكۇ باس حاتشىسى، جيددادا تۇراتىن تۇرىك قانداسىمىز ەكماليددين يحسانوگلىمەن كەزدەيسوق كەزدەسىپ، سۇحباتتاسۋىمىزدى، قىسقاشا بولسا دا پىكىر الماسۋىمىزدى تاعدىردىڭ ءوزى ماڭدايىمىزعا جازىپ قويعان سىيى دەپ قۋانا قابىل الدىق.

- قازاقستانداعى بارلىق زيالىلار نەگە مەملەكەتتىلىك يدەيا توڭىرەگىندە بىرىكپەيدى، پىكىر بىرلىگى نەگە جوق؟

- ەڭ اۋەلى انىقتاپ الاتىن ماسەلە زيالىلىق جايىندا. جوعارى ءبىلىمى بار، ازداپ وقىعان-توقىعانى بارلاردىڭ بارلىعىن زيالى دەسەك وندا الىسقا ۇزامايمىز. وسى اسا كۇردەلى قۇبىلىستى ونداعان جىلداپ ۇمىت قالدىرساق، التاۋ الا، تورتەۋ تۇگەل بولماي تۇرعان قازىرگى زاماندا قانداي يگى ناتيجە كۇتۋگە بولادى. شاريعات شارتتارىندا دا فاتۋا وزگەشەلىگى بار، ولاي بولسا پىكىر الۋاندىعى عانا بىرتۇتاستىققا نەگىز قالايدى ەمەس پە؟! بىزدىڭشە، ءدىني سەنىمى كۇشتى، ۇلتتىق سانا-سەزىمى بيىك زيالى قاۋىم عانا مەملەكەتتىڭ بەرىك ىرگەتاسىن قالايدى. ال مەملەكەتتىك يدەولوگيا باعدارلاماسى مەملەكەتتىك حاتشى دەڭگەيىندەگى مىقتى يدەولوگتىڭ كۇن سايىنعى ۋايىم-قايعىسىنا اينالماسا، جەكە-دارا ءجۇرىپ جاساعان ەڭبەكتىڭ بارلىعى ەش بولماقتىعى ايداي اقيقات. الىسقا ۇزاماي-اق ءبىر ميلليارد ءۇش ءجۇز ەلۋ ميلليون حالىقتى ءبىر ماقساتقا ءتاستۇيىن جۇمىلدىرۋعا قول جەتكىزىپ وتىرعان، سونىمەن قاتار بايىرعى كۇنفۋدزي ءىلىمىن، باتىستىق دەموكراتيا مەن شىعىستىق الەۋمەتتىك تەڭگەرمەشىلىكتى، نارىق ەكونوميكاسىن جىمىن بىلدىرمەي، قاتار الىپ كەلە جاتقان كورشى قىتايدىڭ تاجىريبەسىنىڭ ءوزى-اق كوپ نارسەنى بىزدەرگە ۇعىندىرماي ما؟! باق قۇرالدارىنىڭ باس-اياعى جيناقى قىزمەتىنە قاراپ تا كەز-كەلگەن مەملەكەتتىڭ يدەولوگيالىق جاي-جاپسارى تۋرالى پىكىر تۇيىندەۋگە ابدەن بولادى.

- بالالارىڭىز جانە بار بولسا نەمەرەلەرىڭىز ءبىلىمدى قاي تىلدە الىپ كەلەدى؟ قازاق ءتىلىنىڭ بولاشاعىنا كوزقاراسىڭىز قانداي؟

- بالالارىم دەنىندە قازاق تىلىندە ءبىلىم الۋدا. سونىمەن قاتار ورىس، تۇرىك، اعىلشىن تىلدەرىن دە تاڭداعان كاسىپتەرىنە بايلانىستى جاقسىلاپ مەڭگەرۋدە. قازاق ءتىلىنىڭ بولاشاعى دەگەندە ءبىزدى ونىڭ ساندىق تۇردەگى قولدانىلۋ اياسى كەڭەيۋى ەمەس، تىلدىك قۇنارلىلىعى جۇتاڭسۋى ماسەلەسى قاتتى الاڭداتادى. قازاق تىلىندەگى وقۋلىقتاردى قولعا الىپ قارايتىن بولساڭىز ماعىنالىق شاتىسۋلاردان باسىڭىز اۋىرىپ كەتەدى. وزگە ۇلت وكىلدەرى تۇرماق قازاق بالالارىنىڭ ءوزى قينالىپ وقيتىن مۇنداي كىتاپتى نەگە بيزنەس جاساپ جۇزدەگەن مىڭ دانامەن قايتا-قايتا شىعارا بەرەمىز. ويىمىزدى ونان ءارى اشا تۇسەتىن بولساق، ءۇش مىڭ جىل بويىنا كوشپەلىلەر وركەنيەتى الديلەپ تەربەتكەن قاسيەتىڭنەن اينالايىن قازاق ءتىلى ءتورت تۇلىك مال شارۋاشىلىعىمەن بايلانىستى ون مىڭداعان سوزدىك قوردىڭ قولدانىستان شىعىپ قالۋىنا وراي ايرىقشا جۇتاڭسىپ، بۇرىن-سوڭدى بولىپ كورمەگەن قاسىرەتتى كۇيدى باستان كەشىرۋدە. بۇل ورايدا قازاقپەن قازاق قازاق تىلىندە سويلەسىپ قانا قويماي، ۇلتىمىزدى ساۋىقتىرىپ، قالا ماڭى جانە اۋىلدى جەردە تابيعي مال شارۋاشىلىعى ونىمدەرىن ءوندىرۋدى ورىستەتىپ، بايىرعى ادەبي قازاق تىلىندە سويلەسۋى ءتيىس دەگەن ۇران ءبىرىنشى كەزەككە شىعۋدا!

- وتباسىڭىزدىڭ جانە تۋىستارىڭىزدىڭ اراسىندا ءدىني كوزقاراستار قايشىلىعى بار ما؟ دىنگە دەگەن سەنىمىڭىز جانە قازاقستانداعى ءدىني بولىنۋشىلىكتەرگە دەگەن كوزقاراسىڭىز قانداي؟

- ءالحامدۋليللا، ءدىني كوزقاراس بويىنشا اۋلەتىمىزدە قايشىلىق بولعان ەمەس. ءتۇرلى سەكتالار مەن اعىمدارعا كىرىپ كەتىپ، ەل ىشىندە ىرىتكى سالىپ جۇرگەن جاقىن تۋىستار دا وسى كۇنگە دەيىن كوزگە شالىنعان جوق. ونىڭ باستى سەبەپتەرىنىڭ ءبىرى - اتا-بابالارىمىزدىڭ مىڭداعان جىلدار بويىنا تاۋفيقتى اتانىپ، يسلام ءدىنىنىڭ يمام اعزام مازحابىن بۇلجىتپاستان بەرىك ۇستانۋىندا دەپ بىلەمىن. ءۇش دارا بيگە ۇستاز بولعان دانا ءدىندار انەت بابا، ءادىل دە قاتال ۇكىمدى كەڭگىرباي بي، مۇسىلماندا اتاقتى قۇنانباي تاقۋا، ايداي الەمگە ءماشھۇر يبراھيم (اباي) دانىشپان، اۋەز قوجا، عابيتحان داموللا، شاريعات بىلگىرى شاھكارىم، مەدرەسە ۇستاعان كوكباي قاجى سىندى ەسىمدەرى دىندارلىعىمەن ەلگە تاراعان بابا-اجەلەردى ۇزىنسونار ەتىپ، تىزبەلەي بەرۋگە بولادى.

كەڭەس وكىمەتى تۇسىندا جاستاي قايتىس بولعان ساپارالىمەن بىرگە تۋىساتىن جۇنىسقالي اقساقال، ناعاشى جۇرتىمىزدان انامىزدىڭ اناسى كۇليپا اجە بەس ۋاقىت قالايشا ناماز وقىپ، شىلدەنىڭ اپتابىندا قينالماستان ورازا ۇستاپ جۇرگەندەرىن كىشكەنتاي كەزىمىزدەن كورىپ وسكەن بىزدەر ءۇشىن شيرەك عاسىر بۇرىندا يسلام قۇندىلىعىنا باسىبايلى دەن قويۋ اسا قيىنعا سوقپادى. تۋعان اعام ايمان تولەۋبايۇلى (1958-1997) كەڭەس وداعى ىدىراي سالىسىمەن ستامبۋلداعى مەدرەسەدە 1992 جىلى ءدىني ساۋات اشىپ كەلىپ، اباي ەلىندە يسلام ناسيحاتى، مەشىت-مەدىرەسە سالۋ، بي-اتا قايىرىمدىلىق قورىن قۇرۋ سياقتى ىزگى ىستەرمەن اينالىسا باستاۋى دا اۋلەتىمىزدەگى يماندىلىقتىڭ كۇشەيە تۇسۋىنە ءوز سەپتىگىن تيگىزدى. دەي تۇرعانمەن، حارام زاتتى تۇتىنباسا دا جاقىن-جۇراعاتتىڭ حالالعا باسىبايلى دەن قويماۋى، پارىز امالداردى ورىنداۋدا شايتان لاعنەت ازعىرىپ كۇنى ەرتەڭگە سالا بەرۋى، يمان مەن سەنىم كۇش الا الماي «بۇزىلعان ۇيدەي» رۋحاني ءدۇبارا كۇي كەشۋى، بۇل دۇنيەسى مەن اقىرەتىن جاقسارتۋ ورنىنا تۋرا جولدان قاساقانا اداسۋى جىل وتكەن سايىن جانىمىزعا قاتتى باتا تۇسۋدە.

اۋقىمدى ماسەلەنىڭ ءبىرى - قازاقستانداعى ءدىني احۋالعا كەلەتىن بولساق، بۇل ورايداعى كوكەيتەستى وي-پىكىرلەرىمىزدى تابانى كۇرەكتەي جيىرما جىل بويىنا قازاق جانە ورىس تىلدەرىندە ءباسپاسوز بەتىندە، تەلە-راديو حابارلارى ارقىلى جازىپ كەلەمىز، ايتىپ كەلەمىز. جارىق كورگەن ونداعان كىتاپتارىمىزدا دا بۇل تاقىرىپ ۇمىت قالعان جوق. ەلباسى، ۇكىمەتباسى، پارلامەنت باسشىلارى دا بۇل ورايدا ستاتيستيكالىق مالىمەت جاريالاسا، بىزدەردەن ياعني، «قاعانات» عىلىمي-مادەني ورتالىعى مەن «قاعانات» كونسورتسيۋمى مۇشەلەرىنەن ارتىق ەشكىم دە سوڭعى ونداعان جىلدار بەدەرىندە ءار جولى تىڭنان ماسەلە كوتەرىپ، ءۇن قاتىپ وتىرماعانىنا كوزدەرى جەتەر ەدى. سىن شىن ايتىلسا دا قايمىقپاي، موينىمەن كوتەرىپ الاتىن جاۋاپتى قىزمەتكەرلەر از كەزدەسەدى. اقوردا توڭىرەگىندەگى شەنەۋنىكتەر «جاعدايدى ويدان شىعارىپ قيىنداتىپ وتىرسىڭدار» دەسە (ماسەلەن، 2000 جىلى ەلباسى اتىنا جازىلعان، ءدىني سەنىم بوستاندىعى مەن ءدىني بىرلەستىكتەر تۋرالى زاڭدى تۇبىرىمەن وزگەرتىپ، مەملەكەت تاراپىنان يسلام جانە ءداستۇرلى حريستياندىق باعىتتاردى قولداماسا، بۇلدىرگىش سەكتالار رۋحاني جاعدايدى ناسىرعا شاپتىرىپ جىبەرۋى وپ-وڭاي دەگەن سياقتى رەسمي حاتتارعا وراي), بۇرىنعى ءدىنباسى مەن ونىڭ قازىرگى ءىزباسارى باس مۋفتيلەرىمىز دەرەۋ تاعىن بىزدەر تارتىپ الاتىنداي الاكوزدەنىپ جاۋعا شىعىپ، قوردالانعان ماسەلەنىڭ ءتۇيىنىن شەشۋدەن گورى «تاسادان تاس اتىپ»، الدەكىمدەردى قولشوقپار ەتىپ ايداپ سالىپ، عالامتور ارقىلى اتى-ءجونىن كورسەتۋدەن قورقىپ بىلاپىت عايبات ايتىپ، ونسىز دا پەشەنەلەرىنە جازىلعان ءبىلىپ ىستەگەن كوپ كۇنانى اۋىرلاتا تۇسۋدە.

ال، ءدىني بولىنۋشىلىك تاقىرىبىنا قايتا ورالار بولساق، كەسەل ودان سايىن اسقىنىپ، سەكتالار دەرتى ميلليونداردى شارپىپ تۇر دەۋگە بولادى. بۇل وراسان ۇلكەن قارجى كوزى ارقىلى سىرتتان اكەلىنگەن قاتەرلى رۋحاني دەرت بولعانىمەن ورىنداۋشىلار جانە قولداۋشىلار، جۇزەگە اسىرۋشىلار ءوز ىشىمىزدە ەكەنىن استە ەستەن شىعارمايىق. قازىر مەشىتتە، نە شىركەۋدە ۇلكەن بۇلىك شىعارعان شايتاني ادامعا ون مىڭداعان قۇنى جوق كوك قاعازدى ۇستاتا سالاتىن وسپادار زامان بولىپ تۇر. سىرتتاي قاراعاندا اقىل-ەسى ءبۇتىن سياقتى كورىنگەنمەن، ماقساتتى تۇردە وي-پيعىلى ۋلانعان جاستار اتا-انالارىن تىڭداۋدان قالىپ، ناعىز ماڭگۇرتتىڭ كۇيىن كەشىپ، وتانىنا وت قۇشتىرۋدان تايىنباۋدا. دەرتتىڭ الدىن الۋعا ءالى دە كەش ەمەس. بىراق تا، التىن باستى ەلباسى مەن ءدىنباسى جۇمىلسا دا، جەڭە المايتىنداي تامىرلانىپ كەتكەن اقىرزاماننىڭ دويىر كۇشىمەن بەتپە-بەت كەلىپ وتىرمىز. البەتتە، ءۇمىتسىز شايتان عانا!

- اڭگىمەڭىزگە راحمەت!

 

فازىلبەك ابساتتارۇلى


«جاس قازاق ءۇنى» گازەتى

 

0 پىكىر