ءال-ابادي شىلدەنىڭ 9-ى كۇنى جيحادشىلار ءۇش جىل باقىلاۋىندا ۇستاپ، قازىر ازات ەتىلگەن موسۋل قالاسىندا بولعانى ايتىلعان. پرەمەردىڭ Twitter الەۋمەتتىك جەلىسىندەگى پاراقشاسىندا قارا ءتۇستى اسكەري كيىمدەگى حايدار ءال-ءاباديدىڭ يراك قارۋلى كۇشتەرى قىزمەتكەرلەرىمەن تۇسكەن سۋرەتى جاريالانعان.

ۇكىمەت اسكەرى اقش باستاعان حالىقارالىق كواليتسيا كۇشتەرىنىڭ قولداۋىمەن موسۋل قالاسىن "يسلام مەملەكەتى" ەكسترەميستىك توبىنان ازات ەتۋ وپەراتسياسىن وتكەن جىلعى قازاندا باستاعان. الدىمەن موسۋلدىڭ شىعىس بولىگىن العان يراك اسكەرى قالانىڭ باتىس بولىگىنە بەكىنگەن جيحادشىلارعا قارسى بىرنەشە اي بويى قيىن-كەسكى شايقاس جۇرگىزگەن. ناتيجەسىندە موسۋلدىڭ تاريحي بولىگى دە يم سودىرلارىنان ازات ەتىلگەن.

بۇۇ مالىمەتى بويىنشا، موسۋلدى ازات ەتۋ وپەراتسياسى بارىسىندا قالانىڭ بەيبىت تۇرعىندارى قاتتى زارداپ شەككەن: مىڭداعان ادام قازا تاۋىپ، ميلليونعا جۋىق ادام مەكەن-جايىن تاستاپ كەتۋگە ءماجبۇر بولعان.

يراك رەسميلەرى موسۋلدان ىعىستىرىلعان جيحادشىلار قالا ماڭىنداعى اۋدانداردان شابۋىلدار جاساۋى ىقتيمال دەپ ەسكەرتەدى.

Abai.kz