ولجاس سۇلەيمەنوۆ وتارلىق كەزەڭدەگى «بۋفەرلىك» ادەبيەتتىڭ كورنەكتى وكىلى. «بۋفەرلىك» دەگەن سەبەبىم، ساۆەت وداعى كەزىندە ۇلت تىلىندە جازاتىنداردان باسقا، ءوز شىعارمالارىن بولەك ماقامدا، بوتەن تىلدە جازاتىن تاعى ءبىر ەرەكشە توپ پايدا بولدى. ولار كەيىن نە ورىس ادەبيەتىنە ورنىعا الماي، نە قازاق ادەبيەتىنىڭ جازۋشىسى بولا الماي، الگى ءبىر انەكدوتتاعى تۇلكى قۇساپ ەكى ورتادا قالىپ قويدى.

مۇمكىن ول رەسەيدە تۋعاندا، ورىس ادەبيەتىنىڭ كورنەكتى وكىلى بولىپ قالاتىن با ەدى، كىم ءبىلسىن؟! بىراق ونى قازىر «قازاق ادەبيەتىنىڭ وكىلى» دەپ ايتۋ دا قيىن. ولجاستىڭ بار پروبلەماسى وسىندا جاتىر. ول قازىرگى ۇلتتىق ساياساتقا سول باياعى ينتەرناتسيونالدىق، كوسموپوليتتىك كوزقاراسپەن قاراعىسى كەلەدى. كوممۋنيستەر زامانىنداعى ماقامنىڭ ۋاقىتى ءوتىپ كەتكەنىن سەزبەيتىندەي.

ايتپەسە، لاتىن ءالىبيىنىڭ ورىسشا سويلەيتىن، ورىسشا جازاتىن ادامعا تۇك قاتىسى جوق قوي! ولجاس اعاعا ودان كەلەتىن قاۋىپ جوق. ول بۇرىنعىداي ورىسشا ويلاپ، رەسەيلىكتەردىڭ كيريلليتساسىمەن جازا بەرەدى. وسىنى بىرەۋ ول كىسىگە «ىمداپ» بولسىن ءتۇسىندىرۋى كەرەك ەدى.

ادەبيەتتەگى كەز-كەلگەن تۇلعاعا ۋاقىت وتە كەلە باسقاشا باعا بەرىلەتىنى بار. اسىرەسە، وتارلىق كەزەڭدەگى ادەبيەتتىڭ «كورنەكتى وكىلدەرى» كەيىن جاڭاشا ويلايتىن ۇرپاقتىڭ يدەولوگيالىق سۇزگىسىنەن وتەدى دە، ولاردىڭ جازعان شىعارماسى تۇككە جاراماي قالىپ جاتادى. ساۆەتتىك سارىندا سايرايتىن اقىننىڭ ويلارى دا ءدال وسىلاي قازاق قوعامىندا قارسىلىققا ۇشىراپ، بوتەن بىرەۋدىڭ ەگىنىنە ءتۇسىپ كەتكەندەي بولىپ جاتىر.

ءيا، ايتپاقشى، «كوسموستى» جىرلاعان كوسموپوليت اقىننىڭ نەگە قازاق جازۋشىسى بولا المايتىنىن دا ايتا كەتەيىك. ەكى قازاق انگلياعا بارىپتى. بىرەۋى ورىسشادان باسقانى بىلمەيتىن جازۋشىسىماق بولسا، قاسىنداعىسى قازاقشانىڭ مايىن تامىزىپ تۇرىپ سويلەيدى ەكەن. لوندوندا ولار ءبىر مىقتىمەن كەزدەسىپ، قازاقشاسى مەن اعىلشىنشانى بىردەي مەڭگەرگەنى ورىسشا سويلەيتىن (رۋسسكويازىچنىي پيساتەل) ارىپتەسىن اڭگىمەنىڭ ورايى كەلگەندە اعىلشىننىڭ جازۋشىسىمەن تانىستىرىپتى. ءوزىن «ءورىستىلدى قازاق جازۋشىسىمىن» دەپ اسپەتتەپ اتاعان الگى ءدۇبارا نەمەگە اعىلشىننىڭ مىرزاسى سوندا قاتتى تاڭ قالىپ، وعان بىلاي دەگەن كورىنەدى: «وندا ءسىز ورىس جازۋشىسى بولدىڭىز عوي!»....

جولىمبەت ماكىش

Facebook-تەگى پاراقشاسىنان