نازارباەۆ: رەسەيگە قاتىستى باتىس سانكتسيالارىنىڭ قازاقستانعا دا ىقپالى بولادى
قازاقستان پرەزيدەنتى نۇرسۇلتان نازارباەۆ دۇيسەنبى كۇنى ەڭبەك دەمالىسىنان شىعىپ، پرەمەر-مينيستر باقىتجان ساعىنتاەۆتى قابىلدادى، دەپ حابارلادى اقوردا.
جۇمىس كەزدەسۋىندە نازارباەۆ ۇكىمەتكە جاقسى ناتيجەگە جەتۋ ءۇشىن "قىزۋ" جۇمىس ىستەۋ كەرەكتىگىن ەسكەرتتى، ويتكەنى قازاقستان ەكونوميكاسىنا باتىستىڭ رەسەيگە قارسى قابىلداعان سانكتسيالارى اسەر ەتۋى مۇمكىن.
"ۇكىمەت قىزۋ جۇمىس جۇرگىزىپ وتىر دەپ ەسەپتەيمىن. مەن جىلدى جاقسى ناتيجەلەرمەن قورىتىندىلاۋ ءۇشىن ءبارىڭىزدى ۇيىمشىلدىقپەن جۇمىس ىستەۋگە شاقىرامىن. تاۋەكەلدى تۇستار دا جوق ەمەس. ەنەرگيا تاسىمالداۋشىلارىمىزعا، شيكىزات ونىمدەرىنە دەگەن باعانىڭ وزگەرىسى. بالكىم، باتىستىڭ رەسەيگە قاتىستى سانكتسيالارى اسەر ەتەر. وسىنى ەسكەرۋ قاجەت", - دەدى نازارباەۆ.
رەسەيگە قارسى جاڭا ەكونوميكالىق سانكتسيالار پاكەتىنە بيىل 2 تامىزدا اقش پرەزيدەنتى دونالد ترامپ قول قويدى. سول كۇنى قازاقستاننىڭ ايىرباس پۋنكتەرىندە دوللار باعامى 343 تەڭگەگە دەيىن كوتەرىلدى.
Abai.kz
