«الماتى وبلىسىنىڭ ءدىن ىستەرى باسقارماسى» مەن «ءدىن سالاسىنداعى ماسەلەلەردى زەرتتەۋ ورتالىعىنىڭ» ۇيىمداستىرۋىمەن اعىمداعى جىلدىڭ تامىز اياىندا الماتى وبلىسى، ىلە اۋدانى، وتەگەن باتىر اۋىلى №24 ليتسەيدىڭ كىتاپحاناسىندا ەلباسى ن. ءا. نازارباەۆتىڭ «بولاشاققا باعدار: رۋحاني جاڭعىرۋ» باعدارلاماسى اياسىندا قازاقستان رەسپۋبليكاسىنىڭ ءدىن سالاسىنداعى مەملەكەتتىك ساياساتىنىڭ 2017 – 2020 جىلدارعا ارنالعان  تۇجىرىمداماسىن تالقىلاۋ ماقساتىندا ءدىني بىرلەستىكتەر جەتەكشىلەرى كلۋبىنىڭ وتىرىسى ءوتتى.

كلۋب جۇمىسىنىڭ ماقساتى – ءتۇرلى سەنىمدەر مەن دىندەردى  ۇستانۋشىلار اراسىندا كونفەسسياارالىق  جانە دىنارالىق ديالوگ پەن كەلىسىمدى ساقتاۋ جانە  نىعايتۋ; ءوزارا تۇسىنىسۋشىلىكتى، سىيلاستىق پەن سەرىكتەستىكتى دامىتۋ، مەملەكەت باسشىسىنىڭ رۋحاني جاڭعىرۋ باعدارلاماسىندا كورسەتىلگەن ءىس-شارالاردى جۇزەگە اسىرۋ جولدارىمەن وي ءبولىسۋ جانە ىسكە اسىرۋعا  ات سالىسۋ.

وتىرىستا قازاقستانداعى ءدىني بىرلەستىكتەر مەن مەملەكەت اراسىنداعى قارىم-قاتىناس سۇراقتارى، سونداي-اق دىنارالىق ديالوگ پەن كەلىسىمدى ساقتاۋ جانە  نىعايتۋ  ماسەلەلەرى تالقىلاندى.

ءدىني بىرلەستىكتەر جەتەكشىلەرى كلۋبىنىڭ جۇمىسى قازاقستان مۇسىلماندارى ءدىني باسقارماسى، ارداگەرلەر ۇيىمىنىڭ توراعاسى، باسقا ءداستۇرلى جانە ءداستۇرلى ەمەس دىندەر وكىلدەرى، كازاقستان حالقى اسسامبلەياسى  وكىلى،  جاستار  ساياساتى  ماسەلەلەرى  باسقارماسىنىڭ  وكىلى، ءوڭىر ءدىنتانۋشىلارىنىڭ قاتىسۋىمەن ءوتتى.

Abai.kz