بۇل داۋ بىرەر كۇن بۇرىن بىشكەكتە يتتەرگە ارنالعان كيىم ۇلگىسىن كورسەتۋ شاراسىنان كەيىن تۋدى. قىرعىزستاندىق ديزاينەر جانۋارلار شوۋىنا قاتىسقان ءبىر يتكە قىرعىزدىڭ ۇلتتىق اق قالپاعىن كيگىزىپ قويعان. بىراق بىرقاتار جاس بەلسەندىلەر مۇنى قىرعىز حالقىن كەمسىتۋ دەپ ءتۇسىندى.

بەلسەندىلەر بىشكەكتە ميتينگ وتكىزىپ، پرەزيدەنتكە جانە پارلامەنت دەپۋتاتتارىنا حات جازاتىنىن مالىمدەگەن. اتالعان شارانى ۇيىمداستىرۋشىلار ايىپپۇل تولەۋ كەرەك دەگەن ەدى.

پارلامەنت دەپۋتاتى، سوتسيال-دەموكرات رىسكەلدى مومبەكوۆ جالپى وتىرىس كەزىندە ەلدىڭ باس پروكۋراتۋراسى مەن ۇلتتىق قاۋىپسىزدىك كوميتەتىنە ساۋال تاستاپ، ءيتتىڭ باسىنا قالپاق كيگىزگەندەر جاۋاپسىز قالماسىن دەدى. بۇل ماسەلەنى وزگە دەپۋتاتتار دا قولداعان.

"قالا ورتاسىندا يتكە اق قالپاق كيگىزەدى. ولار ۇلتتىق باس كيىمدى قۇرمەتتەمەي جاتىر. ولاردى جاۋاپقا تارتۋ كەرەك",- دەپ مالىمدەدى دەپۋتات تازابەك يكراموۆ.

Abai.kz