دۇيسەنبى, 25 ماۋسىم 2018
712 1 پىكىر 12 قاڭتار, 2018 ساعات 12:15

تاجىكستان مەن وزبەكستان ۆيزا جۇيەسىن جەڭىلدەتتى

10 قاڭتاردا تاجىكستان پرەزيدەنتى ەمومالي راحمون وزبەكستان پرەمەر-ءمينيسترى ابدۋللا اريپوۆتى قابىلدادى.

تاجىكستان پرەزيدەنتى ءباسپاسوز قىزمەتىنىڭ حابارلاۋىنشا، كەزدەسۋ بارىسىندا راحمون مەن اريپوۆ ەكى ەل شەكاراسىنداعى مينالانعان ايماقتاردى تازارتۋ ماسەلەسىن تالقىلادى. سونداي-اق تاراپتار ەكى ەل ازاماتتارىنىڭ شەكارادان ءوتۋىن جەڭىلدەتۋگە كەلىستى. وزبەكستان الداعى ۋاقىتتا تاجىكستان ازاماتتارىنا ۆيزا بەرۋ ءتارتىبىن وڭايلاتپاق.

وزبەك-تاجىك شەكاراسىنداعى مينالانعان ايماق ەكى ەل اراسىنداعى نەگىزگى ماسەلە سانالادى. 1999-2011 جىلدارى وزبەك-تاجىك شەكاراسىنىڭ مينالانعان ايماعىندا 160 تاجىكستاندىق زارداپ شەگىپ، 76 ادام مەرت بولعان. وزبەكستان تاراپىنان دا ادام شىعىنى بار. بىراق ول تۋرالى اشىق ايتىلمايدى.

اريپوۆتىڭ دۋشانبەگە ساپارى 11 قاڭتاردا اياقتالادى.

Abai.kz

1 پىكىر