استانادا ۇكىمەت وتىرىسىنان سوڭ «ناستوياششەە ۆرەميا» تەلەارناسىنىڭ ءجۋرناليسى ومىرزاق شوكەەۆكە اسمق اكتيۆىنىڭ «قازاگرو» كومپانياسىنا بولىنۋىنە قاتىستى ساۋال قويدى. شوكەەۆ جاۋابىندا اسمق قورىندا ءۇش تريلليون تەڭگەدەن استام قارجى جينالعانىن جانە وعان ۇكىمەت يەلىك ەتىپ، ۇلتتىق بانك باسقاراتىنىن ايتتى.

«مەملەكەتتىك كوميسسيا ۇلتتىق بانكپەن بىرگە اسمق قارجىسىنىڭ 10 پايىزىن «قازاگرو» وبليگاتسياسىن ساتىپ الۋعا ءبولۋ تۋرالى شەشىم قابىلدادى. «قازاگرو» ونى كوممەرتسيالىق ماقساتتا، ناقتىراق ايتساق استىق ساتىپ الۋعا جۇمسايدى. بۇل قارجى جۇمسالادى جانە قايتارىلادى. بۇل مۇلدەم قاۋىپسىز»دەدى شوكەەۆ.

ول جۋرناليستەردىڭ «بۇل جەردە دە بىرىڭعاي جيناقتاۋشى زەينەتاقى قورىنىڭ (بجزق) اكتيۆىنە قاتىستى جاعداي قايتالانباي ما؟» دەگەن ساۋالىنا قارجىنىڭ ساقتالاتىنىنا جەكە ءوزى «كەپىل بولاتىنىن» ايتتى.

«جەكە ءوزىم كەپىل بولامىن. سەبەبى، «قازاگرو» - مەملەكەتتىك كومپانيا. ول بۇل قارجىعا ەڭ الدىمەن استىق ساتىپ الادى، ال ءبىز بۇل استىقتى ەڭ ارزان باعاعا الامىز. سوسىن ونى ساتىپ، قايتارامىز» دەدى ۆيتسە-پرەمەر.

2014 جىلى قازاندا قازاقستاننىڭ بىرىڭعاي جيناقتاۋشى زەينەنتاقى قورى (بجزق) 71,3 ميلليارد تەڭگەگە (ول كەزدەگى دوللار باعامى بويىنشا 250 ميلليون دوللار) حالىقارالىق ازەربايجان بانكىنىڭ ء(حاب) باعالى قاعازدارىن العان. 2017 جىلى مامىردا ءحاب-نىڭ دەفولت بولعانى حابارلانعان. قازاقستان ۇلتتىق بانكى كەيىن بۇل بانككە سالعان قارجىنى «بارىنشا وڭتايلى تۇردە» قايتا قۇرىلىمداۋ تۋرالى كەلىسىم جاسالىپ جاتقانىن مالىمدەگەن.

Abai.kz