ساياسي ەميگرانتتار مۇسىنشىگە جازعان حاتىن "پول دەي بۇرىنعى وزبەك ديكتاتورىنىڭ ءمۇسىنىن تۇرعىزاتىن بولسا، كاريموۆ قۇرباندارىنىڭ قانى ءمۇسىنشى ابىرويىنا داق بوپ تۇسەدى" دەپ اتاپ، ونى ​OpenDemocracy سايتى مەن«ورتالىق ازياداعى ادام قۇقىقتارى» قاۋىمداستىعى سايتىنا جاريالادى.

اشىق حات اۆتورلارى يسلام كاريموۆتى 2005 جىلى اندىجانداعى بەيبىت شەرۋگە شىققانداردى قىردى، قۇل ەڭبەگىن پايدالاندى، بالالارعا ماقتا تەرگىزدى، ساياسي باقتاستالاستارىن قۋدالادى دەپ ايىپتادى. ولار پول دەيدىڭ ءمۇسىن ءۇشىن الاتىن اقشاسىن "لاس" دەپ اتادى.

ەسكە سالايىق، وتكەن جىلى مامىردا يسلام كاريموۆتىڭ كەنجە قىزى لولا كاريموۆا-تيللياەۆا ماسكەۋ ورتالىعىنداعى ساياباققا ورناتىلاتىن ەسكەرتكىشتى بريتان ءمۇسىنشىسى پول دەي دايىندايدى دەپ حابارلاعان. بۇل ساياباققا كاريموۆ ەسىمى 2016 جىلى قاراشادا بەرىلگەن. سول كەزدە ساياباق ورنالاسقان اۋدان دەپۋتاتتارى وزبەكستاننىڭ العاشقى پرەزيدەنتىنە ەسكەرتكىش ورناتىلۋىنا قارسى شىققان.

Abai.kz