جەكسەنبى, 24 ماۋسىم 2018
46 - ءسوز 2569 12 پىكىر 13 ناۋرىز, 2018 ساعات 09:04

قازىرگى ۇستازداردىڭ قاتەلىگى

مەكتەپ فورماسى تۋرالى زاڭدى ارينە ءبارىمىز قولدايمىز. ۇستاز بولىپ ەڭبەك ەتۋ قازىرگى تاڭدا وتە اۋىر جانە قيىن. ءتىل ۇيرەنۋ، تەحنولوگيالاردى دامىتىپ، ونى الىپ ءجۇرۋ بۇل سالاعا ءوزىنىڭ ۇلكەن كەرى اسەرلەرىن تيگىزىپ وتىر. ءوز ماماندىعىممەن قىزمەت ىستەمەسەم دە بارلىعىن كورىپ، ءبىلىپ وتىرمىن. اتا-انامەن، وقۋشىمەن ءتىل تابىسۋ ءۇشىن دە مىقتى جۇيكە كەرەك. جوعارى جاق ءبىلىم ساپاسى دەپ قىسپاققا السا كەيبىر اتا-انالار بالاسىنىڭ ءسوزىن سويلەپ مۇعالىمدەردىڭ ميىن اشىتىپ جاتادى. كوبىمىزدىڭ بالا كۇنىمىزدە مۇعالىم دەگەن دارەجەسى جوعارى، قادىرلى ادامدار ەدى. وعان سول ۇستازداردىڭ وزدەرى دە ۇلگى بولا بىلەتىن. قازىر كەيبىر جاس مۇعالىمدەر ءوز دارەجەسىن وزدەرى تومەندەتىپ ءجۇر.

بىرىنشىدەن: امانىڭدى المايدى. مەيلى تانى-تانىما سالەمى ءتۇزۋ بولسىن. ۇستاز اتا-انالارمەن، بالالارمەن امانداسۋدى ادەتكە اينالدىرسىن.

ەكىنشىدەن: ءۇزىلىس اراسىندا ءبىر-بىرىمەن قازاق تىلىندە سويلەسسىن.

ۇشىنشىدەن: تىزەدەن جوعارى كويلەك، يۋبكا نەمەسە شالبار كيەدى. بۇل بالالارعا كورسەتكەن ۇلگىلەرى مە؟ وقۋشىلاردىڭ الدىندا بەدەلدى بولۋى ءۇشىن ەتەكتەرى تىزەدەن جوعارى بولماۋى كەرەك. قىزدارعا شالبار كيمەسىن دەسە، ۇستازدار ۇلگى بولسىن، شالبار كيمەسىن.

تورتىنشىدەن: ۇستاز بولعاننان كەيىن دۇرىس سويلەي ءبىلۋ كەرەك. بالانىڭ ساناسىنا سىڭدىرەتىن اتالى سوزدەر كوپ. بالاعاتتاماي، كەمسىتپەي، ءجاي سوزبەن جەتەسىنە جەتكىزىپ ايتسىن.

بەسىنشىدەن: جوعارعى كلاسس وقۋشىلارىنىڭ تىرناق ءوسىرۋ، كىرپىك جاپسىرۋ، قاس جۇلۋ، بويانۋ سىندى ۇلكەن كەمشىلىكتەرى بەلەڭ الىپ كەتتى. بۇعان دا توسقاۋىل قويۋ كەرەك. ارالاس مەكتەپ بولسا دا تارتىپكە بىردەي باعىناتىنداي شارا قولدانۋ كەرەك. مەكتەپ زاڭى، ەرەجەسى بارىنە ورتاق.

التىنشىدان: جاس ۇلان، جاس قانات ت.ب. توپتارىنىڭ جۇمىسىن جاڭعىرتىپ، جۇمىلدىرا جۇمىس ىستەيتىندەي جاۋاپكەرشىلىكپەن قاراۋ كەرەك.

جەتىنشىدەن: ءار ءتۇرلى ۇيىرمەلەر وتكىزۋگە، بالالاردىڭ بوس ۋاقىتىن ءتيىمدى پايدالانۋلارىنا ءتيىمدى جاعداي ويلاستىرعان ءجون.

سوندا عانا اتا-انالار دا ۇساق-تۇيەككە بولا بالانىڭ ءسوزىن سويلەمەيتىندەي بولار. وقۋشىلار مەن ۇستازداردىڭ اراسىندا تۇسىنىسپەۋشىلىك كەمىپ، ءتارتىپ ورنار. ءبىز مەكتەپتە وقىعاندا تەمىردەي ءتارتىپ ۇستازداردىڭ وزدەرىنەن باستالاتىن. ءتارتىپسىز وقۋشىنى تىڭداماسا تىلدەمەي-اق تەرىس قاراتىپ بۇرىشقا تۇرعىزاتىن. سۋمكاسىن كوتەرتىپ قوياتىن. وعان بولا اتا-انامەن مۇعالىمنىڭ اراسىندا ارازداستىق بولعان ەمەس. ول ءتارتىپ ەدى. ۇيدە وتىرعاندا مۇعالىمگە قارسى شىقپا، ارتىق سويلەمە، ساباعىڭا مۇقيات بول، دۇرىس كيىن، ءتۇزۋ ءجۇر دەپ وتىرامىز. بارلىعى سونداي تارتىپكە باعىنسىن. بۇل مەنىڭ جەكە ويىم.

لاۋرا انۋارحانقىزى

Facebook-تەگى پاراقشاسىنان

12 پىكىر