استانا. 28 قاڭتار. قازاقپارات /ايدار وسپاناليەۆ/ - «كونستيتۋتسيالىق كەڭەستىڭ ۇكىمىنەن كەيىن ءبىز سىزدەرمەن قانداي شەشىم قابىلداساق تا، مەن ۋادە بەرەمىن: ەگەر دەنساۋلىعىم مۇمكىندىك بەرىپ، كۇش-قۋاتىم جەتىپ جاتسا، ىنتىماعىمىز وسىنداي  بولسا جانە حالىق قولداپ جاتسا قانشا ۋاقىت بولسا دا جۇمىس ىستەۋگە دايىنمىن»، - دەدى بۇگىن ەلباسى نۇرسۇلتان نازارباەۆ قازاقستان حالقىنا ارناعان جولداۋىندا پرەزيدەنتتىڭ وكىلەتتىگىن ۇزارتۋ جونىندەگى رەفەرەندۋم وتكىزۋ ماسەلەسىنە قاتىستى ايتقان سوزىندە.

استانا. 28 قاڭتار. قازاقپارات /ايدار وسپاناليەۆ/ - «كونستيتۋتسيالىق كەڭەستىڭ ۇكىمىنەن كەيىن ءبىز سىزدەرمەن قانداي شەشىم قابىلداساق تا، مەن ۋادە بەرەمىن: ەگەر دەنساۋلىعىم مۇمكىندىك بەرىپ، كۇش-قۋاتىم جەتىپ جاتسا، ىنتىماعىمىز وسىنداي  بولسا جانە حالىق قولداپ جاتسا قانشا ۋاقىت بولسا دا جۇمىس ىستەۋگە دايىنمىن»، - دەدى بۇگىن ەلباسى نۇرسۇلتان نازارباەۆ قازاقستان حالقىنا ارناعان جولداۋىندا پرەزيدەنتتىڭ وكىلەتتىگىن ۇزارتۋ جونىندەگى رەفەرەندۋم وتكىزۋ ماسەلەسىنە قاتىستى ايتقان سوزىندە.

«بۇگىن بىزدە پرەزيدەنتتىڭ وكىلەتتىگىن 2020 جىلعا دەيىن ۇزارتۋ ماقساتىندا جالپىحالىقتىق رەفەرەندۋم وتكىزۋگە قاتىستى كۇردەلى ساياسي جاعداي قالىپتاسىپ وتىر. مەن رەفەرەندۋمدى قولداپ قول قويعان بارلىق قازاقستاندىقتارعا جانە وسى اكتسيانىڭ باستاماشىلارىنا ريزاشىلىعىمدى بىلدىرەمىن. قاڭتار ايىنىڭ ورتاسىندا ورتالى سايلاۋ كوميسسياسى 5 ميلليوننان استام ازاماتتارىمىزدىڭ قولدارى قويىلعان قۇجاتتاردى ۇسىندى. بۇل سايلاۋشىلاردىڭ ۇشتەن ەكى بولىگى.  ازداعان ۋاقىتتا رەفەرەندۋم وتكىزۋ باستاماسى جالپىحالىقتتىق قوزعالىسقا اينالدى.  وسى اكتسيا بارىسىندا «نۇر وتان» پارتياسىنان قوعامدىق كواليكتسيا قۇرىلدى. حالقىمىزدىڭ بۇل باستاماسى ەلىمىزدىڭ ساياسي ينتەللەكتۋالدى بەلسەندىلىگىن وياتتى. بۇل ەلىمىزدىڭ دامۋ مەن پروگرەستىڭ ۇلكەن الەۋەتى بار ەكەنىنىڭ جارقىن كورىنىسى»، - دەدى ەلباسى.

ەلباسى تاۋەلسىز قازاقستاندى باسقارىپ كەلە جاتقان جىلدار ىشىندە حالىقتىڭ ءاردايىم وزىمەن بىرگە بولعاندىعىن جانە قولداۋ كورسەتىپ كەلە جاتقاندىعىن ايتا كەلە: "مەن حالىقتىڭ لاۋازىمىڭدى تاستاماي، جۇمىس ىستەۋدى جالعاستىر دەگەن نيەت-پەيىلىن ءتۇسىندىم", - دەدى. "ەگەر مەنىڭ دەنساۋلىعىم مۇمكىندىك بەرىپ، كۇش-قۋاتىم جەتىپ جاتسا، ىنتىماعىمىز وسىنداي بولسا جانە حالىق قولداپ جاتسا قانشا ۋاقىت بولسا دا جۇمىس ىستەۋگە دايىنمىن»، - دەدى ن. نازارباەۆ.

بۇل رەتتە مەملەكەت باسشىسى قازاقستاننىڭ سىرتقى ساياساتى ەلىمىز بۇرىندارى وزىنە مىندەت ەتىپ العان بۇكىل مىندەتتەمەلەرگە سايكەس بولاتىندىعىن  اتاپ كورسەتتى.