دونالد ترامپ الدىندا ماۋسىم ايىنىڭ باسىندا جوسپارلانعان كيم چەن ىنمەن كەزدەسۋ ءۇشىن، بەس قالانىڭ ءبىرىن قاراپ جاتقانىن ايتقان. ساياساتكەرلەر سولتۇستىك كورەياداعى يادرولىق قارۋدى تالقىلاۋى مۇمكىن. Bloomberg دەرەككوزىنىڭ مالىمەتىنە قاراعاندا، كەزدەسۋگە ىڭعايلى جەرلەر رەتىندە پراگا، ۆارشاۆا، حەلسينكي، ستوكگولم، وسلو جانە جەنەۆا كىرەدى.

مۇنان بولەك ترامپ اكىمشىلىگى ۇلان-باتىر، بانگكوك نەمەسە سينگاپۋردى دە قاراستىرىپ جاتىر ەكەن. Bloomberg-ءتىڭ جازۋىنشا، وڭتۇستىك جانە سولتۇستىك كورەيا مەن قىتاي اۋماعى كەلىسسوز جۇرگىزەتىن ەلدەر قاتارىنان و باستان الىنىپ تاستالعان.

دونالد ترامپ ناۋرىز ايىندا كيم چەن ىنمەن كەزدەسكىسى كەلەتىنىن مالىمدەگەن. وعان دەيىنگى امەريكالىق پرەزيدەنتتەر سولتۇستىك كورەيا باسشىلارىمەن ەشقاشان كەزدەسكەن ەمەس. كەزدەسۋدىڭ ءدال ۋاقىتى، ورنى ءالى بەلگىسىز. 18 ساۋىردە تسرۋ ديرەكتورى مايك پومپەو مەن كيم چەن ىن سولتۇستىك كورەيا اۋماعىندا قۇپيا كەزدەسكەنى جونىندە حابار تاراعان.

Abai.kz