استانا. 30 قاڭتار. قازتاگ - ەلەنا پرەوبراجەنسكايا. قازاقستان پرەزيدەنتى نۇرسۇلتان نازارباەۆ استانادا «استانا ارەنا» ستاديونىندا 30 مىڭ كورەرمەننىڭ الدىندا 7-ءشى قىسقى ازيا ويىندارىن اشىق دەپ جاريالادى، دەپ حابارلايدى اگەنتتىك ءتىلشىسى.

«قىسقى ازيا ويىندارىن اشىق دەپ جاريالايمىن»، - دەپ ءمالىم ەتتى قازاقستان پرەزيدەنتى.

«ويىنداردىڭ ۇرانى: «ماقساتى ءبىردىڭ - رۋحى ءبىر». بۇگىن ەۋرازيا كەڭىستىگىندەگى بەيبىتشىلىك پەن كەلىسىمنىڭ بەرەكەلى بەسىگىنە بالانعان استانادا وليمپيادا الاۋى جاعىلدى»، - دەدى ن. نازارباەۆ جەكسەنبى كۇنى سالتاناتتى راسىمدە.

سالتاناتتى شارادا سويلەگەن سوزىندە پرەزيدەنت «سپورتتا شەكارا جوق، ول حالىقتاردى باۋىرلاستىرادى» دەدى. «بيىلعى جىلى قىسقى ازيا ويىندارى تاريحىندا العاش رەت قاتىسۋشى ەلدەردىڭ سانى جيىرما جەتىگە جەتتى. مىڭعا جۋىق سپورتشى سپورتتىڭ 11 ءتۇرى بويىنشا جارىس جولىنا شىعادى»، - دەدى ول.

«ءبىز ازيادانى قازاقستان تاۋەلسىزدىگىنىڭ 20 جىلدىعىنا ارنايمىز. بارشا قازاقستاندىقتاردىڭ اتىنان سىزدەردى قىسقى ازيا ويىندارىنىڭ اشىلۋىندا قارسى الامىن. ازيا قۇرلىعى ءۇشىن بۇل جارىس بيىلعى جىلدىڭ ەڭ مارتەبەلى سپورت مەرەكەسى ەكەنىن اتاپ ءوتتى. قازاقستان تمد جانە مۇسىلمان ەلدەرى اراسىندا تۇڭعىش بولىپ وسى قۇرلىقتىق شارانى وتكىزىپ وتىر»، - دەدى مەملەكەت باسشىسى.

سونداي-اق، پرەزيدەنت شاقىرۋدى قابىل الىپ، اشىلۋ سالتاناتىنا كەلگەن قۇرمەتتى قوناقتارعا العىس ءبىلدىردى.

استانا. 30 قاڭتار. قازتاگ - ەلەنا پرەوبراجەنسكايا. قازاقستان پرەزيدەنتى نۇرسۇلتان نازارباەۆ استانادا «استانا ارەنا» ستاديونىندا 30 مىڭ كورەرمەننىڭ الدىندا 7-ءشى قىسقى ازيا ويىندارىن اشىق دەپ جاريالادى، دەپ حابارلايدى اگەنتتىك ءتىلشىسى.

«قىسقى ازيا ويىندارىن اشىق دەپ جاريالايمىن»، - دەپ ءمالىم ەتتى قازاقستان پرەزيدەنتى.

«ويىنداردىڭ ۇرانى: «ماقساتى ءبىردىڭ - رۋحى ءبىر». بۇگىن ەۋرازيا كەڭىستىگىندەگى بەيبىتشىلىك پەن كەلىسىمنىڭ بەرەكەلى بەسىگىنە بالانعان استانادا وليمپيادا الاۋى جاعىلدى»، - دەدى ن. نازارباەۆ جەكسەنبى كۇنى سالتاناتتى راسىمدە.

سالتاناتتى شارادا سويلەگەن سوزىندە پرەزيدەنت «سپورتتا شەكارا جوق، ول حالىقتاردى باۋىرلاستىرادى» دەدى. «بيىلعى جىلى قىسقى ازيا ويىندارى تاريحىندا العاش رەت قاتىسۋشى ەلدەردىڭ سانى جيىرما جەتىگە جەتتى. مىڭعا جۋىق سپورتشى سپورتتىڭ 11 ءتۇرى بويىنشا جارىس جولىنا شىعادى»، - دەدى ول.

«ءبىز ازيادانى قازاقستان تاۋەلسىزدىگىنىڭ 20 جىلدىعىنا ارنايمىز. بارشا قازاقستاندىقتاردىڭ اتىنان سىزدەردى قىسقى ازيا ويىندارىنىڭ اشىلۋىندا قارسى الامىن. ازيا قۇرلىعى ءۇشىن بۇل جارىس بيىلعى جىلدىڭ ەڭ مارتەبەلى سپورت مەرەكەسى ەكەنىن اتاپ ءوتتى. قازاقستان تمد جانە مۇسىلمان ەلدەرى اراسىندا تۇڭعىش بولىپ وسى قۇرلىقتىق شارانى وتكىزىپ وتىر»، - دەدى مەملەكەت باسشىسى.

سونداي-اق، پرەزيدەنت شاقىرۋدى قابىل الىپ، اشىلۋ سالتاناتىنا كەلگەن قۇرمەتتى قوناقتارعا العىس ءبىلدىردى.

«وليمپيادالىق ويىندار بۇگىندە ەلدەر مەن حالىقتار اراسىنداعى دوستىقتىڭ التىن ارقاۋىنا اينالدى. بايىرعى بايتاق مەكەندە ءبىزدى ازيادا رۋحى جاقىنداستىرا تۇسەدى دەپ سەنەمىن»، - دەپ اتاپ ءوتتى مەملەكەت باسشىسى.

ويىنداردىڭ رەسمي اشىلۋىندا ازيانىڭ وليمپيادا كەڭەسىنىڭ جالاۋى كوتەرىلدى.

سالتاناتتى راسىمدە استانا اكىمى يمانعالي تاسماعامبەتوۆ تا ءسوز سويلەپ، بارشا قازاقستاندىقتاردى قىسقى ازيا ويىندارىنىڭ اشىلۋىمەن قۇتتىقتادى

ازيانىڭ وليمپيادا كەڭەسىنىڭ (اوك) پرەزيدەنتى شەيح احماد ءال-فاحاد ءال-ساباح قازاقستان پرەزيدەنتى مەن قازاقستاندىقتارعا ويىنداردى قازاقستاننىڭ ەكى قالاسى - استانا مەن الماتىدا ۇيىمداستىرعاندارى ءۇشىن العىس ءبىلدىردى.

ويىنداردىڭ اشىلۋ راسىمىندە وتاندىق جانە شەتەلدىك ەسترادا مەن وپەرا ورىنداۋشىلارى ونەر كورسەتتى، ولاردىڭ اراسىندا لارا فابيان (Lara Fabian) جانە كورەيانىڭ وپەرا اكشىسى سۋمي يو، روزا رىمباەۆا، باتىرحان شوكەەۆ، نۇرجامال ۇسەمباەۆا جانە ت.ب. بار.

ازيادا ويىندارىنىڭ الاۋىن قازاقستان سپورتشىلارىنىڭ 7 بۋىنى جاقتى: جاقسىلىق ۇشكەمپىروۆ، ابىلسەيىت  ايتحانوۆ، داۋلەت تۇرلىحانوۆ، ەرماحان يبرايموۆ، باقتيار ارتاەۆ، جانىبەك قالدىباەۆ، تيمۋر تۇرسىنباەۆ. الاۋ التىن ادامنىڭ دۋلىعاسى تۇرىندە جاسالعان ويىنداردىڭ باس قۇمىراسىن جاقتى. قۇمىرانىڭ ديامەترى - 7 مەتر، جاپىراقشالارىنىڭ قۇلاشى - 12 مەتر، بيىكتىگى - 9 مەتر.

ازيا ويىندارى 30 قاڭتار - 6 اقپان كۇندەرى ءبىر ۋاقىتتا استانا مەن الماتىدا وتەدى. ۇرانى: «ماقساتى ءبىردىڭ - رۋحى ءبىر».

ازيا ويىندارى جارىستارىنىڭ جالپى باعدارلاماسىنا سپورتتىڭ 11 ءتۇرى ەنگىزىلگەن: كونكي جارىسى سپورتى، مانەرلەپ سىرعاناۋ، شايبالى حوككەي، دوپتى حوككەي (بەندي), شاڭعى جارىستارى، بياتلون، تۇعىردان شاڭعىمەن سەكىرۋلەر، تاۋ شاڭعىسى، فريستايل، شورت-ترەك، شاڭعىمەن سپورتتىق باعدارلاۋ. بارلىعى 69 مەدالدار جيىنى ساراپقا سالىنادى.