اتىراۋ وبلىستىق سوتىنىڭ توراعاسى

مارعۇلان جۇبانىشۇلى بەكتۇرعانوۆ

مىرزاعا

اشىق حات

قۇرمەتتى، مارعۇلان جۇبانىشۇلى!

مەن مەدەت كەرىمبايۇلى ناديروۆ 6 ايدان بەرى ءوز بالالارىمدى قامقورلىعىما الا الماي الماتى مەن اتىراۋدىڭ اراسىندا سابىلىپ ءجۇرمىن.

قر-نىڭ "نەكە (ەرلى-زايىپتىلىق) جانە وتباسى تۋرالى" زاڭنىڭ 75 بابىنا سايكەس ارەكەت ەتىپ، جىلوي اۋداندىق سوتىنا شاعىمدانعان ەدىم. بىراق، زاڭ مەن جاعىمدا بولا تۇرا ءىس سوزباقتالىپ كەتتى. ءتىپتى، قازىر جات قولىنداعى بالالارىمدىڭ ءومىر قاۋىپسىزدىگىنە الاڭداپ ءجۇرمىن. مەنىڭ الاڭداۋىما نەگىز بولاتىن سەبەپتەر دە جوق ەمەس.

قوش! تۇسىنىكتى بولۋ ءۇشىن باسىنان باستايىق.

مەن گاۋحار سەرىكقىزى دۇيسەنباەۆامەن 2006 جىلدىڭ قىركۇيەگىنىڭ 6-جۇلدىزىندا زاڭدى نەكەگە تۇرىپ، وتباسى قۇردىم. ەكى بالالى بولعاننان كەيىن 2010 جىلى جىلوي اۋداندىق سوتىنىڭ شەشىمىمەن اجىراسىپ كەتتىك.

2017 جىلدىڭ 27 جەلتوقسانىندا ايەلىم گاۋحار دۇيسەنباەۆا ومىردەن وزدى.

سودان كەيىن بالالارىمنىڭ بولاشاق تاعدىرىنا الاڭداپ، قر زاڭدارىنىڭ نەگىزىندە ءوز قامقورلىعىما الماق بولىپ، ىزدەنە باستادىم.

قازىر كاملەتتىك جاسقا تولماعان قىزىم مەن ۇلىمدى ناعاشى اجەسى گۇلباحرام راقىمقىزى دۇيسەنباەۆا زاڭعا قايشى بولسا دا، ماعان قايتارماي، ءتىپتى مەنىڭ اكەلىك قۇقىعىمدى شەكتەپ، ويىنا كەلگەنىن ىستەۋدە. ەنەم ءوزى ۆاحتالىق جۇمىس جاسايدى. ول كىسى ايلاپ جۇمىسقا كەتكەندە بالالارىم وزدەرىنە مۇلدەم تۋىستىق قاتىناسى جوق ادامداردىڭ قولىندا قالادى. ورىمدەي قىزىمنىڭ تاعدىرىن جات ادامداردىڭ تاس تالقان ەتپەسىنە كىم كەپىلدىك بەرەدى؟ ونىڭ ۇستىنە ۇلىمنىڭ، ءوز قانىمنىڭ كىم كورىنگەننىڭ ەسىگىنىڭ الدىندا جۇرگەنىن قالامايمىن.

مەن الدىمەن بالالارىمدى العىم كەلەتىنىن ايتىپ، گۇلباحرام راقىمقىزى دۇيسەنباەۆاعا اۋىزشا ۇسىنىس جاسادىم. بىراق، جاۋاپكەر ناعاشى اجەسى تۇبەگەيلى قارسى بولىپ، بالالارىممەن كەزدەسۋىمە تيىم سالدى. مەكتەپتەن كەيىن بوتاقاندارىمدى مەنىمەن كەزدەستىرمەۋ ءۇشىن ۇيدەن شىعارماي، قاماپ ۇستادى.

قازىر ءوز بالالارىمدى وزىمە قارسى قويىپ، ءتۇرلى ارەكەت جاساپ، ءتىپتى تەلەفونمەن سويلەسۋىمىزگە تيىم سالىپ وتىر. مەن بالالارىمنىڭ اماندىعىن بىلە الماي، ۋايىمداپ ءجۇرمىن.

وسى ۋاقىتقا دەيىن الماتىدان اتىراۋعا بىرنەشە رەت بارىپ، بالالارىممەن جولىعا الماي قايتتىم. كەلىنشەگىم بار كەزدە بىزدە مۇنداي پروبلەما بولعان ەمەس. قالاعان ۋاقىتىمدا بالا-شاعاممەن كەزدەسىپ، ولاردى دەمالىس سايىن ۇيىمە اكەتەتىنمىن. جات بولىپ كەتپەسىن دەپ، ءوز تۋىستارىن ارالاتاتىنمىن.

بالالارىم جازعى دەمالىستى اسىعا كۇتەتىن. ولار دەمالىسقا شىعا سالىسىمەن اتىراۋ - الماتى پويىزىنا مىنەتىنبىز دە، تۋعان جەرلەرىنە تارتىپ وتىراتىنبىز. 

2010 جىلى نەكەمىز بۇزىلعانىمەن 2013 جىلى اكەلىك مىندەتىمدى ورىنداپ، بالام بەسكە تولعاندا مۇسىلماندىق جولمەن سۇندەتكە وتىرعىزىپ، توي جاسادىم. 

بالالارىمنىڭ وتىنىشىمەن استاناعا ارنايى بارىپ، قىدىرعان ەدىك. تاۋەلسىز ەلدىڭ ۇلاندارى قازىر كىمنىڭ ۇيىندە كوز تۇرتكى بولىپ جۇرگەنىن ويلاسام، جۇرەگىم اۋىرادى.

ەسىكتەگى "التىن ادام" مۇراجايى. مەن ۇرپاعىمنىڭ ەل تاريحىن ءبىلىپ وسكەنىن قالايمىن!

2018 جىلدىڭ 21 ماۋسىمىندا بالالارىما تاعى باردىم. ولاردى تابا الماعان سوڭ، شىدامىم تاۋسىلىپ، زاڭ قىزمەتكەرلەرىنە جۇگىنۋگە تۋرا كەلدى. مەن 102-گە قوڭىراۋ شالىپ، بالالارىمدى تاۋىپ بەرۋىن تالاپ ەتىپ ەدىم، ارادا كوپ ۋاقىت وتپەي-اق بەلگىسىز ادامدار بالالاردى دەرەۋ اكەپ بەردى.

ولاردى تاماقتاندىرىپ، اڭگىمەلەسەيىن دەگەن نيەتپەن كافەگە قاراي جولعا شىققانىمىز سول ەدى ە765 CWM ۆاز اۆتوكولىگى ءبىزدى قىسىپ جول جيەگىنە توقتاتتى دا، قاسىمداعى جولداسىم ەكەۋمىزدى سوققىعا جىعىپ، بالالارىمدى قايتىپ تارتىپ الىپ كەتتى (قۇداي ونىڭ بەتىن ارى قىلسىن، ەگەر دە ءسىزدىڭ نەمەرەلەرىڭىزدى تانىمايتىن بىرەۋلەر ءدال وسىلاي كۇش كورسەتۋ ارقىلى تارتىپ اكەتسە، قانداي كۇيدە بولار ەدىڭىز).

وسىلاي گۇلباحرام راقىمقىزى دۇيسەنباەۆا ماعان الىمجەتتىك جاساۋ جانە پسيحولوگيالىق قىسىم كورسەتۋ ارقىلى قر ازاماتى رەتىندەگى قۇقىعىمدى اياققا تاپتاپ وتىر.

جىلوي اۋداندىق سوتى دا مەنىڭ زاڭ بويىنشا تالابىمنان كىنارات تابا الماعان سوڭ، اقىرى ء"وتىنىشتى دۇرىس جازباعانسىڭ" دەپ العاشقى ءىستى دۇرىس قاراعان جوق. مەن ارىزىمدا "بالالارىمدى قايتارىپ اپەرۋىڭىزدى سۇرايمىن" دەپ جازعان ەدىم. ال، سوتتىڭ ايتۋىنا قاراعاندا "تارتىپ اپەرۋىڭىزدى سۇرايمىن" دەپ تالاپ ەتۋگە ءتيىس ەكەنمىن.

وسى ءبىر سويلەمگە بولا 6 اي الماتى مەن اتىراۋدىڭ اراسىندا تابانىم توزدى. ەندى، قانداي سىلتاۋ تاباتىندارىن، ول سىلتاۋمەن قانشا اي جۇگىرەتىنىم جانە بەلگىسىز. مەن اتىراۋ وبلىستىق سوتىنا شاعىمداندىم. ەندى وسى شاعىمىم دۇرىس قارالىپ، ادىلدىككە جەتەمىن دەگەن ويدامىن.

قر زاڭى مەن جاعىمدا بولا تۇرا، ءدال وسىلاي ءىستى سوزباقتاۋ كىمگە، نە ءۇشىن قاجەت بولىپ تۇر؟ وسىعان جاۋاپ بەرەتىن اتىراۋ وبلىسىندا ادام بار ما؟ بۇكىل قازاقستان اۋماعىندا ءدال وسىنداي ماسەلە سوتسىز-اق وڭ شەشىلىپ جاتادى ەكەن. ماعان كەلگەندە نەلىكتەن ءىس كۇردەلەنىپ كەتتى؟ مۇنىڭ استارىندا سىبايلاس جەمقورلىق جاتقان جوق پا؟

قۇرمەتتى، مارعۇلان جۇبانىشۇلى!

مەن سىزدەن كامەلەتتىك جاسقا تولماعان بالالارىمدى قر-نىڭ "نەكە (ەرلى-زايىپتىلىق) جانە وتباسى تۋرالى" زاڭنىڭ 75 بابىنا سايكەس جات قولىنداعى بالالارىمدى "تارتىپ اپەرۋىڭىزدى" سۇرايمىن! سىزگە بۇلاي ءوتىنىش جازۋ سەبەبىم، مەنىڭ بۇل جولعى دۇرىس جازىلعان تالاپ ارىزىمنان دا كىنارات شىعۋى مۇمكىن. ءتىپتى، سوت كەزىندە مەنىڭ جۇيكەمە تيەتىن ءتۇرلى ارەكەتتەر ورىن الىپ جاتادى. الماتى مەن اتىراۋدىڭ اراسىن ەسكەرمەستەن سوتقا ءبىر كۇن قالعاندا شاقىرتۋ جىبەرەدى. مەن سوندا دا بار مۇمكىندىگىمدى پايدالانىپ، كۇرەسىپ كەلەمىن. ءسال سۇرىنسەم، قارسى تاراپ بالالارىمدى ماڭگىلىككە تارتىپ الۋدان تايىنبايتىن سەكىلدى. سوت بارىسى بەينە-تاسپاعا تۇگەلدەي جازىلىپ الۋعا ءتيىس. نەگە ەكەنىن بىلمەيمىن كەيدە مەنىڭ ءۋاجدى سوزدەرىم باستالعاندا ۆيدەو-جازبا اۆتوماتتى تۇردە توقتاتىلىپ تاستالادى. وسىنىڭ وزىنەن-اق، مەنىڭ بۇل ماسەلەنى اقپارات قۇرالدارى مەن قوعام بەلسەندىلەرىن ارالاستىرماي شەشە المايتىنىمدى اڭعاردىم. 

سوندىقتان دا الدىمەن سىزگە اشىق حات جازىپ وتىرمىن. مەنىڭ شىرىلىما قۇلاق اسىپ، قر زاڭى ءىس جۇزىندە ورىندالۋىن تالاپ ەتسەڭىز ەكەن.

سالەمنەن مەدەت كەرىمبايۇلى

Abai.kz