وتكەندە Abai.kz اقپاراتتىق پورتالىندا قاراعاندى وبلىسىنا قاراستى تەمىرتاۋ قالاسىنداعى تۇڭعىش پرەزيدەنتتىڭ تاريحي-مادەني ورتالىعىنىڭ باسشىسى س.سارگيزوۆاعا قاتىستى ماقالا جاريالانعان ەدى. وعان ورتالىق باسشىسىنىڭ "مۇراجاي باسشىسى قىزمەتكەرىن ۇرىپ، جۇمىستان شىعارىپ جىبەردى" دەگەن ءسوز - جالعان!" اتتى قارسى ماقالاسىن دا جاريالادىق. بۇگىن گ.اقپانبەكوۆا ورتالىق باسشىسىنا ارناپ جاۋاپ جازىپ وتىر. ءبىز ەكى جاقتىڭ دا تىزگىنىن تەڭ ۇستايتىنىمىزدى ەسكەرتە وتىرىپ، بۇل ماقالانى دا وقىرمان نازارىنا ۇسىنۋدى ءجون سانادىق. 

Abai.kz اقپاراتتىق پورتالى

قۇرمەتتى سايدا جامانتايقىزى!

سىزگە بەرەر جاۋابىمدى قىسقا ءارى نۇسقا بەرگىم كەلىپ وتىر. نەگىزى ناقتى قۇجاتتارعا سۇيەنسەم.

ءسىز وسى ءبىر جىل بويى ۇجىمنىڭ بەرەكەسىن الىپ ءبىتتىڭىز. ونى وزىڭىزدە جاقسى بىلەتىن شىعارسىز. قىزمەتكەرلەردىڭ ۋاقىتىن ەشتەڭەگە تۇرعىسىز ۇرىس-كەرىسكە كۋا قىلدىرىپ، ول ازداي ءالى كۇنگە دەيىن كوپشىلىگى سىزگە كومەكتەسۋگە ءماجبۇر. مەن تاراپىمنان قازاق تىلىندە جازىلعان شاعىمداردى اۋدارىپ بەرەدى، سەبەبى قازاقشا دۇرىس تۇسىنبەيسىز،  جاۋاپ جازۋ ءۇشىن، سوتقا قاتىسۋ ءۇشىن، پوليتسياعا بارۋ ءۇشىن، مەنىڭ تاراپىمنان  تۇسكەن شاعىمداردى قايتىپ الۋ ءۇشىن  - مەكەمە زاڭگەرىنىڭ (بۇگىنگى كۇنى جۇمىستان ءوز ەركىمەن كەتكەن), ورىنباسارىنىڭ، كەلىسىم كوميسسياسى مۇشەلەرىنىڭ قانشا ۋاقىتتارى كەتىپ جاتىر. ءسىز سونى ويلايسىز با؟  جۇمىستان ءوز ەركىمەن كەتىپ جاتقان قىزمەتكەرلەر ءسىزدىڭ بىتپەيتىن داۋ-دامايىڭىزدان شارشادى دەپ ويلامايسىز با؟

2017 جىلدىڭ 31 قازانىندا جۇمىستا بولعان جوق دەپ «جۇمىستان بوساتۋ تۋرالى» بۇيرىق شىعارعاندا ءسىز وزىڭىزگە سەنىمدى بولساڭىز نەگە قايتادان الدىڭىز؟ نەگە سوتتى توقتاتتىڭىز؟ كەلىسىم كوميسسياسى تەك ءسىزدىڭ بۇيرىعىڭىزبەن ءجۇردى، نە ايتتىڭىز سونى ورىندادى. وعان دالەل -14.12.2017 جىلعى كەلىسىم كوميسسياسىنىڭ شەشىمى. قاجەت ەتسەڭىز، ونىڭ قۇجاتتارى مەندە بار. بۇل جەردە كوميسسيا مۇشەلەرى مەنەن بارلىق شاعىمداردى قايتىپ الىپ، جۇمىسقا قايتىپ شىعۋىما ۇسىنىس ءبىلدىردى. ءوز ارامىزدا بەيبىت كەلىسىم تۋرالى اڭگىمەلەردەن كەيىن، ارينە مەن كەلىستىم.  وسىلايشا مەن جۇمىسقا شىقتىم. ءاربىر كورمەنىڭ باسىنان اياعىنا دەيىن ءوزىم ءجۇردىم. وعان دالەل جەتەدى. مەن ءۇشىن بۇل ماقتانىش ەمەس. كەرەك دەسەڭىز بارلىق قۇجاتتار، فوتو-ۆيدەو دەرەكتەردى Abai.kz اقپاراتتىق پورتالىنا جىبەرەيىن. ءاربىر ءوز قولىممەن اتقارعان جۇمىسىما مەن جاۋاپ بەرە الامىن. مەن باسقا ارىپتەستەرىمنىڭ بىلىكتىلىگىنە قۇرمەتپەن قارايمىن، جانە ولاردىڭ جۇمىستارىن «مەن ىستەدىم» دەۋدەن اۋلاقپىن. اركىم ءوز ەڭبەگى ءۇشىن ۇكىمەتتەن جالاقى الىپ وتىر.  مۇنى مەن سىزگە ۇنەمى ايتىپ كەلەمىن. قىزمەتكەرلەردى ءبىر-بىرىنە قارسى قويىپ ەشقانداي جەتىستىككە جەتپەيسىز. ءسىز مەن جۇمىس ىستەگەن بارلىق مەكەمەلەرگە حابارلاسىپ مەن تۋرالى جامان پىكىر ايتۋلارىن وتىنگەنىڭىزدى دە جاقسى بىلەمىن. كەرەك دەسەڭىز وعان دا دالەل جەتەرلىك. ءسىزدىڭ وسى ۇساق-تۇيەك اڭگىمەلەرىڭىزگە كوڭىل بولمەۋگە تىرىستىم.

13.03.2018 جىلى  مەن دەنساۋلىعىما بايلانىستى دەمالىستا بولعاندا مەنىڭ جۇمىس ورنىما حات جازىپ قالدىردىڭىز. ونى دا جاريالاۋىما بولادى. ونى باسقا قىزمەتكەرلەر وقىدى. ءسىزدىڭ قولىڭىزدا، قور ءبولىمىنىڭ قىزمەتكەرىندە، قاراۋىلداردا، زال قاراۋشىلاردىڭ قولىندا «زاتتى قابىلداۋ اكتىلەرىنىڭ بولعانىن»  (قابىلدادىق دەگەن قولدارى قويىلعان اكت كوشىرمەلەرى مەنىڭ قولىمدا بار) بىلە تۇرا مەنىڭ ۇستەلىمە ەسكەرتۋ قالدىراسىز. ياعني، ءسىز مەن جۇمىستا بولماسام دا ۇرىس-كەرىسكە اپاراتىن ءىس-ارەكەتتەر جاسايسىز. باسشى بولىپ بارلىق كەلەڭسىزدىكتىڭ الدىن الۋدىڭ ورنىنا ونى ءوزىڭىز ۇيىمداستىراسىز. نە ءۇشىن؟

ناۋرىز مەيرامىنا كيىز-ءۇي جابدىقتارىن ىزدەۋگە كەتسەم، جۇمىستا جوق دەپ تاعى دا شۋ شىعارىپ، مەنىڭ ايلىعىمنان مىڭ تەڭگە ۇستاپ قالاسىز. تاعى دا ماعان حات جازاسىز «گدە ەكسپوناتى؟» - دەپ. (ول حاتتىڭ دا كوشىرمەسى قولىمدا). ناتيجەسىندە ناۋرىز مەيرامىندا مەنىڭ ىزدەستىرۋىممەن تابىلعان كيىز-ءۇي جابدىقتارىنىڭ جانىنا سۋرەتكە ءتۇسىپ بارلىق جەرگە فوتو-ەسەپ جىبەرەسىز. وسى ما ءسىزدىڭ قىزمەتكەردىڭ ەڭبەگىن باعالاعانىڭىز؟. وسىنشاما تومەندەيتىندەي نە بولدى سونشا، ماعان سونى ايتىڭىزشى؟ مەن سىزدەن سىياقى سۇراعان ەمەسپىن، تەك اۋىزشا العىس بىلدىرسەڭىز، سونىڭ ءوزى جەتكىلىكتى عوي.

ەندى قول كوتەردى دەگەن تاقىرىپقا كەلەيىك. تاقىرىپتى تاڭداعان مەن ەمەس. مەنىڭ ءبىر اۋىز سوزىمە بولا سايتتىڭ قىزمەتكەرلەرى وسىلاي قويعان شىعار. . 20.09.2018 جىلى ءسىزدىڭ وتىنىشىڭىزبەن تاعى دا كەلىسىم كوميسسياسى بولدى.

سەبەبى 13.04.2018 جىلى مەن جۇمىسقا ۋاقىتىمەن كەلدىم. ءسىز مەنىڭ جۇمىس كابينەتىمە ءبىر ساعاتتا ون رەت كەلدىڭىز. مەنەن سىزگە نە كەرەك ەكەنىن مەن شىنىمدى ايتايىن تۇسىنبەدىم. تەك تۇسىنىكسىز ايعاي-شۋ. ناتيجەسىندە كابينەتىڭىزگە شاقىرىپ قولىڭىزداعى بلاكنوتپەن  ۇرۋعا دەيىن باردىڭىز. مەن ءتيىستى ورىندارعا شاعىم ءتۇسىردىم. اتاپ ايتسام تەمىرتاۋ شىعىس پوليتسيا بولىمىنە ارىز جازدىم. سول كۇنى كەشكە سىزدە جانتالاسىپ ماعان قاراما-قارسى شاعىم ءتۇسىردىڭىز. بىراق  سىز ادەتتەگىدەي ۇجىمدى جيناپ الىپ مەنەن شاعىمدى قايتىپ الۋىمدى ءوتىندىڭىز. تاعى دا بەيبىت كەلىسىمگە كەلدىك. ەندى ايتىڭىزشى ءسىز وزىڭىزگە سەنىمدى بولساڭىز، قول كوتەرمەگەنىڭىزگە، ءتارتىپ بۇزباعانىڭىزعا  سەنىمدى بولساڭىز، نە ءۇشىن مەنى، زاڭگەر ا.ءنۇرتازيندى، ورىنباسار  ر.ءمۇستافيندى ەرتىپ، ءوزىڭىز الدىعا ءتۇسىپ پوليتسيا بولىمىنە باردىڭىز. ءبارىمىز  جۇمىستى تاستاپ، سىزگە ەرىپ، شىعىس پوليتسيا بولىمىندە جۇردىك. مۇنى وتىرىك دەپ ايتا المايسىز، سەبەبى ءبىزدى سول جەردىڭ قىزمەتكەرلەرى قابىلدادى، ءوتىنىش تىركەلدى. ەندى نەسىنە مۇنداي بولعان جوق دەپ بايبالام سالىپ وتىرسىز؟ ءوز ءىس-ارەكەتىڭىزگە تولىق سەنىمدى بولساڭىز نەسىنە جالىنىپ-جالپايىپ بارلىق ۇجىمدى الدىعا سالاسىز؟ نەگە ءىستى سوڭىنا دەيىن جەتكىزىپ، سوتتا ءوزىڭىزدى اقتاپ شىقپادىڭىز؟ كەلىسىم كوميسسياسىن، ودان قالسا مەن سىيلاساتىن ادامداردى الدىعا سالىپ نەگە ۇنەمى ارتقا شەگىنىپ كەتەسىز؟ (مۇنى دا دالەلدەيتىن دەرەكتەرىم بار). بۇل جولى دا جانتالاسىپ ءبارىمىزدىڭ مازامىزدى الىپ، شاعىمدى قايتارىپ العىزدىڭىز. سايدا حانىم ەسىڭىزدە بولسا  - سىزدەن ۇرىس-كەرىستى دوعارۋدى مەن عانا ەمەس، باسقا قىزمەتكەرلەر دە ءوتىندى، ءبىر ەمەس بىرنەشە رەت.

ءبىر جىل بولدى، نە وزىڭىزگە مازا بەرمەيسىز، نە ارىپتەستەرىڭىزگە مازا بەرمەيسىز، نە ماعان مازا بەرمەيسىز؟ ايتىڭىزشى نە بولدى سونشا؟ ءبىر جىلدا ءبىر ادامنىڭ ءتىلىن تابا الماساڭىز، ءبىر قىزمەتكەرمەن كەلىسىمگە كەلە الماساڭىز، نە ءۇشىن باسشىلىقتا وتىرسىز؟ ماقساتىڭىز نە؟ جارايدى مەن كەتتىم جۇمىستان، ەندى كرەسلوڭىزدا نىق وتىرسىز با؟  اركىم ءوز ارىنىڭ الدىندا تازا بولۋى كەرەك. مەن ايتسام ادال اتقارعان ەڭبەگىمدى ايتام. ءيا، مەن ءوزىمدى سۇتتەن اقپىن دەمەيمىن. كەي كەزدە ءوز ويىمدى،  پىكىرىمدى دالەلدەۋ ءۇشىن قاتتى سويلەيتىنىم راس. ءسىز شەكتەن شىعىپ كەتكەندە ءتيىستى ورىندارعا شاعىم ءتۇسىردىم، مەنىڭ قولىمنان باسقا نە كەلەدى؟.  بىراق ەشكىمنىڭ ار-نامىسىنا، جەكە باسىنا  تيگەن ەمەسپىن.

ماعان سىزدەن ەشتەڭە كەرەك ەمەس. تەك ويىما كەلگەندى ىستەپ جۇرە بەرەمىن دەپ ويلاماڭىز. مۋزەي دەگەن كيەلى ورىن. كەزەكتى ەڭبەك دەمالىسىندا جۇرگەن ادامدى ەشكىمدە جۇمىستان شىعارمايدى. شىعارساڭىز ەڭبەك دەمالىسى اياقتالعاننان كەيىن شىعارۋ كەرەك. زاڭ سولاي. مەنىڭ بار ايتارىم وسى، قالعانىن ءوزىڭىز شەشەرسىز.

قۇرمەتپەن، عاليا اقپانبەكوۆا

Abai.kz