ءومىرجان ابدىحالىقۇلى. سالعان ءانىم سايلاۋ-اي
«قازاقستان ءۇشىن داۋىس بەر» اتتى بەينەروليكتى بۇگىنگى كۇنى بارشا جۇرت تەلەارنالاردان كۇنىنە نەشە مارتە كورىپ جۇرگەنى ايان. جاستاردى سايلاۋعا شاقىرۋ ءۇشىن كومپوزيتور ارمان دۇيسەنوۆ ءان جازىپ، ونىڭ اتىن «قازاقستانعا داۋىس بەر» دەپ اتاپ ءبىر توپ انشىلەر شىرقاعان بەينەروليك قازىر تەلەجاشىكتىڭ تورىندە تۇر. ساياسي شاراعا ارنالعان ءان جونىندە ءانشى مەدەۋ ارىنباەۆپەن از-كەم اڭگىمە-دۇكەن قۇرعان ەدىك (ايتپاقشى، ەكەۋارا سۇحباتىمىزدا ءانشىنىڭ لەكسيكونى مەيىلىنشە ساقتالعانىن ەسكەرتەمىز).
- جاستاردى سايلاۋعا شاقىرۋ ءۇشىن تۇسىرگەن بەينەروليكتەرىڭىز تەلەارنالاردان كورسەتىلىپ جاتىر. ونى ءبارىمىز كورىپ تە ءجۇرمىز. ەڭ اۋەلى انگە «قازاقستان ءۇشىن داۋىس بەر!» دەگەن اتاۋدى قالاي قويدىڭىزدار؟ سەبەبى، سايلاۋعا ءتورت كانديدات ءتۇسىپ جاتىر. سول تورتەۋدىڭ ءبىرى جەڭىسكە جەتەر. بىراق، «قازاقستان ءۇشىن داۋىس بەر!» دەيتىندەي ەلىمىز حالىقارالىق ءىرى شاراعا قاتىسىپ جاتقان جوق قوي. جالپى وسى اتاۋ جايىندا ايتىپ بەرىڭىزشى؟
- وزىڭە ۇنامادى ما، نە؟ نە بولدى؟ مۇنداي سۇراق قويعانىڭنىڭ سەبەبى نە سونشا؟
- «قازاقستان ءۇشىن داۋىس بەر!» دەگەن تۇسىنىكسىز ءسوز عوي.
- كىم ءۇشىن داۋىس بەر دەيمىز سوندا؟
- مىسالى، سايلاۋعا شاقىرامىز، سايلاۋعا كەل، سايلاۋعا دەگەندەي.
- سايلاۋعا شاقىرۋ دەگەن باياعىدا ءوتىپ كەتكەن دۇنيە. بۇل سۇراقتى ماعان قوياتىن جوندەرىڭ جوق. مەن - ورىنداۋشىمىن.
«قازاقستان ءۇشىن داۋىس بەر» اتتى بەينەروليكتى بۇگىنگى كۇنى بارشا جۇرت تەلەارنالاردان كۇنىنە نەشە مارتە كورىپ جۇرگەنى ايان. جاستاردى سايلاۋعا شاقىرۋ ءۇشىن كومپوزيتور ارمان دۇيسەنوۆ ءان جازىپ، ونىڭ اتىن «قازاقستانعا داۋىس بەر» دەپ اتاپ ءبىر توپ انشىلەر شىرقاعان بەينەروليك قازىر تەلەجاشىكتىڭ تورىندە تۇر. ساياسي شاراعا ارنالعان ءان جونىندە ءانشى مەدەۋ ارىنباەۆپەن از-كەم اڭگىمە-دۇكەن قۇرعان ەدىك (ايتپاقشى، ەكەۋارا سۇحباتىمىزدا ءانشىنىڭ لەكسيكونى مەيىلىنشە ساقتالعانىن ەسكەرتەمىز).
- جاستاردى سايلاۋعا شاقىرۋ ءۇشىن تۇسىرگەن بەينەروليكتەرىڭىز تەلەارنالاردان كورسەتىلىپ جاتىر. ونى ءبارىمىز كورىپ تە ءجۇرمىز. ەڭ اۋەلى انگە «قازاقستان ءۇشىن داۋىس بەر!» دەگەن اتاۋدى قالاي قويدىڭىزدار؟ سەبەبى، سايلاۋعا ءتورت كانديدات ءتۇسىپ جاتىر. سول تورتەۋدىڭ ءبىرى جەڭىسكە جەتەر. بىراق، «قازاقستان ءۇشىن داۋىس بەر!» دەيتىندەي ەلىمىز حالىقارالىق ءىرى شاراعا قاتىسىپ جاتقان جوق قوي. جالپى وسى اتاۋ جايىندا ايتىپ بەرىڭىزشى؟
- وزىڭە ۇنامادى ما، نە؟ نە بولدى؟ مۇنداي سۇراق قويعانىڭنىڭ سەبەبى نە سونشا؟
- «قازاقستان ءۇشىن داۋىس بەر!» دەگەن تۇسىنىكسىز ءسوز عوي.
- كىم ءۇشىن داۋىس بەر دەيمىز سوندا؟
- مىسالى، سايلاۋعا شاقىرامىز، سايلاۋعا كەل، سايلاۋعا دەگەندەي.
- سايلاۋعا شاقىرۋ دەگەن باياعىدا ءوتىپ كەتكەن دۇنيە. بۇل سۇراقتى ماعان قوياتىن جوندەرىڭ جوق. مەن - ورىنداۋشىمىن.
ستۋدياعا بارىپ قالسام: «ماكە، وسىنداي ءبىر شارالار بولىپ جاتىر»،- دەدى. ءدىلناز احمەديەۆا ولەڭ ايتىپتى. «جىگىتتەر» دە ايتىپ جاتىر ەكەن. ءسوزدىڭ اشىعى، «ەركەك داۋىس كەرەك بولىپ جاتىر»، - دەدى. ارمان باۋىرىممەن (ارمان دۇيسەنوۆ.-رەد) ارالاس-قۇرالاس ادامدارمىز. تۆورچەستۆولىق قارىم-قاتىناستامىز. كەرەمەت ءان شىعىپتى. ءانى جاقسى -پاتريوتتىق سەزىم بار. مەن ەندى «قازاقستان ءۇشىن داۋىس بەر!» دەگەن جولدارىن اڭعارعان جوقپىن. سايلاۋدىڭ الدىنداعى شاراعا بۇل ءان سەرپىن بەرەتىن سياقتى، ماعان سونداي وي كەلدى.
بىراق ونىڭ ارتىنان ءتۇسىپ، نەگە بۇلاي دەۋىمىز كەرەك، نەگە بۇيتپەۋىمىز كەرەك دەپ تالقىعا سالىپ نە بولماسا باۋىرلارىمنىڭ الدىنا ءبىر تالاپ قويىپ جاتقان جوقپىن. نەگە ويتپەسكە؟! قازىرگى ەلباسىمىزدان باستاپ قازاقستاندا ءتورت كانديدات قويىلىپ جاتىر. شىنىمدى ايتسام، كانديداتتار ەمتيحان تاپسىرىپ جاتقان كەزدە ويلاستىرىلىپ جاتقان شارا ەدى. جانە ءبىر-ەكى كانديداتتىڭ ءوتىپ جاتقانىن ەستىپ جاتقان كەز. كىم وتسە دە وتەتىنىن، ءتورت كانديداتتىڭ بولاتىنىن بىلدىك قوي. سايلاۋعا ۇندەۋ بولماي-اق قويسىن، «قازاقستان ءۇشىن، جەر ءۇشىن ەرتەڭىڭدى ويلا، جاستار»، دەگەن اڭگىمەمەن، سونداي ويمەن شىعارىلعان دۇنيە عوي.
- اندەرىڭىز ناقتى ءبىر تىلدە ايتىلمايدى. قازاقشا باستالادى، ورىسشا جالعاستىرىپ كەتەسىزدەر دە قايتادان قازاقشا ايتاسىزدار. سوندا بۇل قانداي ءتىل؟
-باسىندا قازاقشا تىلدە بولىپتى. سودان ەلىمىز كوپۇلتتى بولعاننان كەيىن جانە قازاقستاندا تەك قانا قازاق تۇرمايمىز. ەڭ باستىسى قازىرگى ەلىمىزدىڭ الدىنا قويىپ جاتقان ماقساتى سول - اۋىزبىرشىلىك، تىنىشتىق. قانشا ۇلت بار! باسقا تىلدە ايتپاي-اق قويايىق، بارلىعىنىڭ بىلەتىن ءتىلى - ورىس ءتىلى بولعاننان كەيىن سولاي بولدى. ارمان جانە «ارناۋ» توبىنداعى جىگىتتەر قوسىلىپ ءاننىڭ ءسوزىن ماعىناۋي تۇرعىدا اۋدارىپ سوسىن ريفماعا كەلەتىندەي ەتىپ جاساعان ەكەن. «پروگولوسۋي زا كازاحستان» دەگەندە داۋىس بەر دەگەن ءسوز جوق ەمەس، بار، ونى مويىندايسىڭ عوي. «سايلاۋعا داۋىس بەر» دەگەننەن «قازاقستان ءۇشىن داۋىس بەر» دەگەن ۇعىمدىلاۋ، سەزىمدى وياتاتىن سياقتى. قازاقشاسىنداعى «قازاقستان ءۇشىن داۋىس بەر» دەگەن بولماي قالدى. بىراق، ورىسشاسى سولاي بولىپ تۇر.
- وسى ءاندى ارالاس، بۋدان تىلدە ايتپاي-اق قويايىق، مەملەكەتتىك تىلدە نەمەسە رەسمي تىلدە عانا ايتايىق دەپ تالاپ قويا المادىڭىزدار ما؟
- قويا المادىق. ول قارجىعا، ۋاقىتقا كەلىپ تىرەلەتىن نارسە. ەكى تىلدە بىردەي جەتسىن، بولەك-بولەك قىلماي-اق قويايىق دەدىك.
- وتكەندە سىزدەر ءباسپاسوز ءماسليحاتىن وتكىزگەن كەزدە بۇل ءان جانە بەينەروليك - وزدەرىڭىزدىڭ پاتريوتتىق سەزىمدەرىڭىزدەن تۋىنداپ جاتقان دۇنيە ەكەنىن ايتتىڭىزدار. ياعني پاتريوتتىق دەگەنىمىز ورىسشادان اۋدارعاندا وتانشىلدىق، ەلشىلدىك، ۇلتشىلدىق، مەملەكەتشىلدىك دەگەن ۇعىمدى بىلدىرەدى عوي. وسى تۇرعىدان كەلگەندە مىسالى، بىلتىر قىزىلاعاش اۋىلىندا اپات بولدى، تارباعاتاي اۋدانىندا دا اۋىلداردى سۋ الىپ كەتتى، سونداي كەزدە سىزدەر، ياعني انشىلەر قاۋىمى پاتريوتتىقتارىڭىزدى تانىتىپ ەل اراسىنا بارىپ كونتسەرتتەر بەرىپ بولماسا باسقا دا كومەكتەرىڭىزدى جاسادىڭىزدار ما؟ سايلاۋ الدىندا نەگە پاتريوتتىقپەن شىعا قالدىڭىزدار؟
- ونداي جاعدايلار بولىپ جاتسا انشىلەر باسىن بۇعىپ قالادى دەپ ايتا المايمىن. ونداي تۇرتپەلى ساۋالدى قويماي-اق قوي، باۋىرىم. بارمادى ەمەس، ەلدەر بارىپ جاتتى. انشىلەر ونداي جەردەن قالمايمىز. مۇمكىن سونداي كەزدەردە قالامۇشتارىڭ جازىلماي قالاتىن شىعار. ەل باسىنا كۇن تۋعان كەزدە - ءبىز قاشاندا ەلمەن بىرگەمىز.
- اڭگىمەڭىزگە راحمەت!
«اباي-اقپارات»
