ورال. 19 ءساۋىر. قازاقپارات /ەلجان ەرالى/ - جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتىندە «اۋىلدىق جەرلەرگە ماماندار دايارلاۋ مەن تۇلەكتەردى جۇمىسقا ورنالاستىرۋدىڭ وزەكتى ماسەلەلەرى» اتتى ايماقتىق فورۋم بولدى.

باتىس قازاقستان ايماعىنداعى اگروونەركاسىپ كەشەنىنىڭ جۇمىس بەرۋشىلەرى باس قوسقان جيىندى اشقان اتالمىش جوو-نىڭ رەكتورى قازىباي بوزىموۆ ۋنيۆەرسيتەت حالىقارالىق اككرەديتاتسيادان ءوتىپ، الەم ۋنيۆەرسيتتەرىنىڭ ۇلى حارتياسىنا قول قويىپ، بولون پروتسەسىنىڭ تولىققاندى مۇشەسى اتانعاندىعىن جەتكىزدى. مۇنىڭ ءبارى ستۋدەنتتەردىڭ زاماناۋي ءبىلىم الىپ، حالىقارالىق تالاپقا ساي بىلىكتى مامان بولىپ شىعۋىنا ىقپال ەتپەكشى.

«نۇر وتان» حدپ بقو فيليالى توراعاسىنىڭ ورىنباسارى ابات شىنىبەكتىڭ ايتۋىنشا، جاستار بار جەردە تىڭ يدەيا بولىپ، جاڭا باعىتتاعى ءىس باستالادى. سول سەبەپتى دە ەلباسىمىز بولاشاق وكىلدەرىنە ۇلكەن ءۇمىت ارتادى. «ديپلوممەن اۋىلعا» باعدارلاماسى بويىنشا كوپتەگەن جاس اۋىلعا اتتانىپ، جەرگىلىكتى جەردىڭ گۇلدەنۋىنە ءوز ۇلەستەرىن قوسۋدا.

ورال. 19 ءساۋىر. قازاقپارات /ەلجان ەرالى/ - جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتىندە «اۋىلدىق جەرلەرگە ماماندار دايارلاۋ مەن تۇلەكتەردى جۇمىسقا ورنالاستىرۋدىڭ وزەكتى ماسەلەلەرى» اتتى ايماقتىق فورۋم بولدى.

باتىس قازاقستان ايماعىنداعى اگروونەركاسىپ كەشەنىنىڭ جۇمىس بەرۋشىلەرى باس قوسقان جيىندى اشقان اتالمىش جوو-نىڭ رەكتورى قازىباي بوزىموۆ ۋنيۆەرسيتەت حالىقارالىق اككرەديتاتسيادان ءوتىپ، الەم ۋنيۆەرسيتتەرىنىڭ ۇلى حارتياسىنا قول قويىپ، بولون پروتسەسىنىڭ تولىققاندى مۇشەسى اتانعاندىعىن جەتكىزدى. مۇنىڭ ءبارى ستۋدەنتتەردىڭ زاماناۋي ءبىلىم الىپ، حالىقارالىق تالاپقا ساي بىلىكتى مامان بولىپ شىعۋىنا ىقپال ەتپەكشى.

«نۇر وتان» حدپ بقو فيليالى توراعاسىنىڭ ورىنباسارى ابات شىنىبەكتىڭ ايتۋىنشا، جاستار بار جەردە تىڭ يدەيا بولىپ، جاڭا باعىتتاعى ءىس باستالادى. سول سەبەپتى دە ەلباسىمىز بولاشاق وكىلدەرىنە ۇلكەن ءۇمىت ارتادى. «ديپلوممەن اۋىلعا» باعدارلاماسى بويىنشا كوپتەگەن جاس اۋىلعا اتتانىپ، جەرگىلىكتى جەردىڭ گۇلدەنۋىنە ءوز ۇلەستەرىن قوسۋدا.

جاستاردى اۋىلدىق جەرلەرگە جۇمىسقا ورنالاستىرۋدا مەملەكەت تاراپىنان كورسەتىلەتىن ماتەريالدىق قولداۋ شارالارى جىل وتكەن سايىن جاقسارىپ كەلەدى. ماسەلەن، وتكەن جىلى «ديپلوممەن اۋىلعا» باعدارلاماسىن جۇزەگە اسىرۋ ءۇشىن قازىنادان وڭىرىمىزگە 311 ملن. تەڭگە قارجى ءبولىنىپتى. باعدارلاما اياسىندا 1035 جاس اۋىلعا بارعان. كوپشىلىگى مۇعالىم مەن دارىگەر. وبلىستىق ەكونوميكا جانە بيۋدجەتتى جوسپارلاۋ باسقارماسىنىڭ ءبولىم باستىعى رايسا ەركەعاليەۆانىڭ مالىمدەۋىنشە، ولار ءبىر جولعى كوتەرمە جاردەماقى مەن تۇرعىن ءۇي ساتىپ الۋى ءۇشىن بيۋدجەتتىك نەسيە الدى.

جۇمىس بەرۋشىلەر اتىنان ءسوز العاندار جاس ماماندارعا بارلىق جاعدايدى جاسايتىندارىن مالىمدەدى. ماسەلەن، ماڭعىستاۋ وبلىسى مۇنايلى اۋداندىق اۋىل شارۋاشىلىعى جانە ۆەتەريناريا ءبولىمىنىڭ باستىعى سەرىك قالدىعۇلوۆ ءتورت مال دارىگەرىن وزدەرىنە جۇمىسقا شاقىرا كەلگەن. مۇنايلى وڭىرگە بارعاندار جاڭادان سالىنعان جاتاحانامەن قامتىلماقشى. جەڭىلدەتىلگەن نەسيە الۋىنا مۇمكىندىك بار.  اقتوبە وبلىسىنداعى «پاريجسكايا كوممۋنا» جشس-نا اگرونوم، زووتەحنيك، ۆەتەرينار سىندى وننان اسا مامان كەرەك. ماماندارعا ارناپ كوپ پاتەرلى تۇرعىن ءۇي سالىنۋدا. تابىس جاقسى. «باتىس كۇنباعىس» اق دا وسى ىسپەتتى ماماندارعا ءزارۋ. جاس ماماندارعا ارنالعان الەۋمەتتىك قورجىندارى بار.