وسىدان ەكى جىل بۇرىن الەمدىك ينتەرنەت كەڭىستىگىنە تۇرەن سالعان اباي.كز پورتالى وسى ۋاقىت ىشىندە ءار كۇن سايىن و باستاعى ۇستانعان جولىنان قيا باسپاي مەملەكەت پەن ۇلت مۇددەسى جولىندا قىزمەت ەتىپ كەلەدى. ءبىزدىڭ قوعامدىق-ساياسي جانە باسقا سالالارداعى كۇرمەۋى كوپ كۇردەلى ماسەلەلەردى كوتەرۋدە بۇعىپ قالماعانىمىز ءھام تەك ەل ءسوزىن، جۇرت نيەتىن جەتكىزىپ وتىرعانىمىز امبەگە ايان. پورتالىمىزدىڭ ءسات سايىنعى قىزمەتى وقىرماندارىمىزدىڭ كوز الدىندا جىپكە تىزگەندەي تىزبەكتەلىپ ءوتىپ جاتىر.

وسىدان ەكى جىل بۇرىن الەمدىك ينتەرنەت كەڭىستىگىنە تۇرەن سالعان اباي.كز پورتالى وسى ۋاقىت ىشىندە ءار كۇن سايىن و باستاعى ۇستانعان جولىنان قيا باسپاي مەملەكەت پەن ۇلت مۇددەسى جولىندا قىزمەت ەتىپ كەلەدى. ءبىزدىڭ قوعامدىق-ساياسي جانە باسقا سالالارداعى كۇرمەۋى كوپ كۇردەلى ماسەلەلەردى كوتەرۋدە بۇعىپ قالماعانىمىز ءھام تەك ەل ءسوزىن، جۇرت نيەتىن جەتكىزىپ وتىرعانىمىز امبەگە ايان. پورتالىمىزدىڭ ءسات سايىنعى قىزمەتى وقىرماندارىمىزدىڭ كوز الدىندا جىپكە تىزگەندەي تىزبەكتەلىپ ءوتىپ جاتىر.

پورتال كوتەرگەن قوعامنىڭ قامى، الەۋمەتتىڭ كۇيى، ۇلتتىڭ نامىسىن شاباقتار دۇنيەلەر بيلىكتىڭ نەشە مارتە نازارىنا ىلىگىپ، ءتيىستى ءىس-ارەكەتتەر جاسالدى. تىنىمسىز ەڭبەك پەن تاباندى ۇستانىم ءوز جەمىسىن بەرىپ، پورتال بىلتىرى award ينتەرنەت سايتتار اراسىنداعى بايگەدەن مەملەكەتتىك تىلدەگى ۇزدىك سايت اتانعان ەدى. مىنە، جىل بويىنا قازاقتىڭ قابىرعاسىن قايىستىرىپ، جانىنا باتىپ جۇرگەن انا ءتىلىنىڭ احۋالىن ءار كەز اۋداندى جۇرتتىڭ الدىنا شىعارىپ، تالقىسىنا ۇسىنىپ، ۇسىنىستار مەن شەشىمىن تابۋى قاجەتتى تۇيتكىلدەردى ۇدايى جاريا ەتىپ كەلدىك. مەملەكەتتىك ءتىلدىڭ تولىققاندى مارتەبەسى ءۇشىن كۇرەستەگى پورتالدىڭ تامشىداي ۇلەسى الماتى شاھارىنداعى انا ءتىلدىڭ بىردەن ءبىر اراشاسىسى الماتى قالاسى تىلدەردى دامىتۋ باسقارماسىنىڭ جىل سايىن وتكىزەتىن «مەملەكەتتىك ءتىل جانە باق» اتتى قالالىق بايقاۋىندا ەلەپ-ەسكەرىلىپ، اباي.كز-ءنىڭ شەف-رەداكتورى ءومىرجان ابدىحالىقۇلى مەن ماسا.كز-ءنىڭ شەف-رەداكتورى اردابەك سولداتباي جۇلدەلى ورىندارعا يە بولىپ، باعالى سىيلىقتارمەن ماراپاتتالدى. ال پورتالدىڭ تۇراقتى اۆتورى، قارىمدى قالامگەر سەرىك ەرعالي باس جۇلدەنى جەڭىپ الدى.

اباي.كز پورتالى عىلىمي اينالىمعا ءتۇستى

كۇنى كەشە استانادان قۋانىشتى حابار جەتتى. ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى جۋرناليستيكا جانە ساياساتتانۋ فاكۋلتەتىنىڭ ستۋدەنتى اينۇر جەتپىسباەۆا «قازاقستانداعى قازاق  ينتەرنەت-گازەتتەرىنىڭ پايدا بولۋى مەن ولاردىڭ قازىرگى كەزدە دامۋى» (قوعام.كز جانە اباي.كز پورتالدارىنىڭ نەگىزىندە) دەگەن تاقىرىپتا شارحان قازىعۇلوۆتىڭ جەتەكشىلىگىمەن ديپلومدىق جۇمىس جازىپ ءبىتىرىپ، قورعاۋعا جىبەرىلىپ وتىر.

پورتالدىڭ قىسقا ۋاقىت ىشىندە قارا ورمان قازاق وقىرمانىنىڭ كوكەيىندەگىسىن قوزعاپ، ەل مەن جەردىڭ تاعدىرىنا الاڭ كوڭىلمەن ءار ۋاقىت قاعىلەز ءۇن قاتقانى بۇقارانىڭ عانا ەمەس، عىلىمنىڭ دا قىراعى كوزىنە شالىنىپ، عىلىمي تاقىرىپتىڭ وزەگىنە اينالىپ وتىر.

اينۇر جەتپىسباەۆا ديپلومدىق جۇمىسىندا پورتالىمىزعا ءبۇتىن ءبىر تاراۋ ارناعان ەكەن.

وندا اباي.كز-ءنىڭ قۇرىلعانىنان باستاپ وسى كۇنگە دەيىن اتقارعان جۇمىسى مەن جەتكەن جەتىستىكتەرى ىندەتە تالدانىپتى.

عىلىمي جۇمىستىڭ «اباي.كز   اقپاراتتىق پورتالى - ەڭ العاشقى قازاق ءتىلدى تولىققاندى پورتال» دەگەن تاقىرىپتاعى ارنايى تاراۋىندا ىزدەنۋشى اينۇر جەتپىسباەۆا: «كۇن سايىن پورتالدا جيىرمادان استام ماقالا، جاڭالىقتار باسىلىپ، قىزۋ تالقىلانىپ جاتادى. پورتالدىڭ «اباي»، «الاشوردا»، «تاريح»، «مادەنيەت» ت.ب. تاراۋلارىندا بارشاعا اشىق قوماقتى اقپاراتتىق قورلارى جيناقتالىپ كەلەدى.

اباي.كز-تە  كوتەرىلىپ جاتقان ماسەلەلەر رەسپۋبليكالىق، ايماقتىق گازەتتەردە، سايتتاردا جالعاسىن تاۋىپ جاتادى.

پورتال قۇرىلعالى بىرنەشە ينتەرنەت-كونفەرەنتسيا، وتىزعا جۋىق ساۋالناما وتكىزىلدى. پورتالدىڭ «قازنەت» تاراۋىندا قىرىقتان استام قازاقتىلدى سايتتاردىڭ جارناماسى جاريالانادى.

«Count zero» رەيتينگ سايتىنىڭ دەرەگى بويىنشا بۇگىنگى كۇنى اباي.كز پورتالى قازاقستانداعى ءتورت مىڭنان استام سايتتىڭ العاشقى جۇزدىگىنەن ورىن الىپ، 70-90-شى ورىنداردا مىقتاپ ورنالاسقان.

«Count zero» سايتىنىڭ دەرەگى بويىنشا بۇگىندە اتالمىش پورتال عالامتورداعى قازاقستاندىق 337 ءباسپاسوز قۇرالىنىڭ ىشىندە العاشقى جيىرما سايتتىڭ قۇرامىنا كىرىپ، اتى ايگىلى «نوماد»، «زونا»، «تۋدەي.كز» اقپاراتتىق پورتالدارىمەن، «قازاق اقپارات اگەنتتىگى»، «قازاقستان بۇگىن» اقپارات اگەنتتىكتەرىمەن، «ۆرەميا»، «كاراۆان»، «دياپوزون»، «كازاحستانسكايا پراۆدا» سياقتى گازەتتەردىڭ سايتتارىمەن يىق تەڭەستىرىپ تۇر.

سونىمەن قاتار،  پورتالدىڭ «ايماقتار»، «تاريح»، «مادەنيەت»، «ادەبيەت» سياقتى تاراۋلارى بار. ولارعا «شوقان ءۋاليحانوۆ» اتتى ارنايى بەت تە قوسىلدى.

«ويتوبە» اتتى بلوگگەرلىك پلاتفورماسى مەن قازاق ساياساتى مەن رۋحانياتىنىڭ پاتريارحى احمەت بايتۇرسىنوۆتىڭ ايگىلى تۋىندىسىمەن اتتاس «ماسا.قز» اتتى ساياسي-اقپاراتتىق سايتى دا ىسكە قوسىلدى»، - دەپ جازادى. سونىمەن بىرگە، ءوزىنىڭ عىلىمي جۇمىسىندا اينۇر جەتپىسباەۆا پورتالدىڭ ءاربىر ايدارىنا توقتالىپ، ءار كەزدە جاريالانعان ءارتۇرلى تاقىرىپتاعى ماقالالارعا تالداۋ جاسايدى جانە اباي.كز-ءنىڭ ۇستانىمى مەن ماقساتىندا اتاپ كورسەتەدى.

مىنەكەي، وقىرمان، ءوزىڭىز كۇن سايىن وي ءبولىسىپ وتىراتىن جانە ەلدەگى سان الۋان وقيعالاردى ۇنەمى جىلدام جەتكىزىپ، ويىڭىزعا تۇرتكى بولىپ مەملەكەتىمىز بەن ۇلتىمىزدىڭ مۇددەسىن بارىنەن بيىك قوياتىن اباي.كز پورتالى عالىمنىڭ جازعان حاتىنداي عىلىمنىڭ قورىنا قوسىلىپ وتىر. الدىمىزدا ۇزاق جول - الاش الار اسۋلار!

ابايشىل، الاششىل بولايىق، اعايىن!

«اباي-اقپارات»

الماتى قالاسى اكىمدىگى، تىلدەردى دامىتۋ باسقارماسىنىڭ «مەملەكەتتىك ءتىل جانە بۇقارالىق اقپاراتتىق قۇرالدارى» اتتى بايگەسىندە جۇلدەلى ورىن يەلەنگەن ارىپتەستەرىمىز:

«باسپاسوزدەگى ۇزدىك جۋرناليست»

1-ورىن - ەرمەك زاڭگىروۆ

2-ورىن ۇشەۋ -  دينارا مىڭجاسارقىزى، ايناش ەسالي، وتەش قىرعىزباي

3-ورىن ۇشەۋ - دينارا ىزتىلەۋ، ءماريام ءابساتتار، قازىبەك يسا

«ينتەرنەت-سايتتاعى ۇزدىك جۋرناليست»

1-ورىن -  سەرىك ەرعالي

2-ورىن ۇشەۋ -  اردابەك سولداتباي، ءومىرجان ابدىحالىق، ارداق قۇلتاي

3-ورىن ۇشەۋ - شىرىن ايتماعانبەتوۆا، جۇماحان تاستانبەك، ماناس جانتەكەەۆ

«ۇزدىك تەلەجۋرناليست»

1-ورىن - نازگۇل ستامبەكوۆا، «الماتى»، «ءتىل ساقشىسى» باعدارلاماسى

2-ورىن ەكەۋ - ايجان باتىروۆا، «كتك»، «ماسساعان» باعدارلاماسى، نازگۇل سارىباەۆا، «قازاقستان»، «سەگىز قىرلى» باعدارلاماسى

3-ورىن ەكەۋ - ينديرا بولاتقىزى، «اسىل ارنا»، «تۇنىق ءتىل» باعدارلاماسى، اسەم كوبەەۆا، «حيت.تۆ»

«ۇزدىك راديوجۋرناليست»

1-ورىن -يانگيباەۆا نۇرجامال، «قازاق راديوسى»، «مەملەكەتتىك ءتىل»

2-ورىن ەكەۋ - اينۇر تولەۋ، «ءتىل-مايدان»، راديوويىنى، «شالقار»، جىلبەك كەرىمبەك، «قازاق راديوسى»، «دامۋ» باعدارلاماسى

3-ورىن -جارقىن سالەنۇلى، «قازاق راديوسى»، «قايىرلى تاڭ، قازاق ەلى!» باعدارلاماسى

العىس حات

ءلاززات دۇيسەمبەكوۆا

دينارا يدايالوۆا

قۋانىش ابدىلداقىزى

بايگە جەڭىمپازدارىن جانە بارشا ارىپتەستەرىمىزدى ءتول مەرەكەلەرىمەن قۇتتىقتايمىز! الاشتىڭ «كوزى، قۇلاعى ءھام ءتىلى» بولىپ وتىرعان قىزمەتتەرىڭىز ورگە باسسىن!

abai.kz توبى