ماۋسىمداعى نەگىزگى جاڭالىقتىڭ ءبىرى - «حالىق مايدانى» قوعامدىق قوزعالىسىنىڭ قۇرىلۋى. قوعامدىق قوزعالىس ازىرگە قازاقستان كوممۋنيستىك پارتياسى مەن  «العا!» حالىقتىق پارتياسىنىڭ نەگىزىندە قۇرىلىپتى. بىراق، بۇل قوزعالىسقا ۇيىمدار دا، جەكەلەگەن تۇلعالار دا كىرە الاتىندىعى ايتىلعان. جاڭا ۇيىم اسىرەسە كاسىپوداقتار مەن سوتسياليستىك قارسىلىق، «حالىققا باسپانا قالدىرامىز» قوزعالىستارىنىڭ ءوز قاتارىنا قوسىلاتىنىنان ءۇمىتتى. بيىلعى جىلى وتكەن  پرەزيدەنت سايلاۋىندا ۇمىتكەر بولعان ساياساتكەر سەرىك ساپارعالي ءوزىنىڭ ءبىر سۇحباتىندا: «قىرىق شاقتى بەيۇكىمەتتىك ۇيىم «حالىق مايدانىنا» كىرۋگە نيەت تانىتىپ ۇلگەردى» دەيدى.

ماۋسىمداعى نەگىزگى جاڭالىقتىڭ ءبىرى - «حالىق مايدانى» قوعامدىق قوزعالىسىنىڭ قۇرىلۋى. قوعامدىق قوزعالىس ازىرگە قازاقستان كوممۋنيستىك پارتياسى مەن  «العا!» حالىقتىق پارتياسىنىڭ نەگىزىندە قۇرىلىپتى. بىراق، بۇل قوزعالىسقا ۇيىمدار دا، جەكەلەگەن تۇلعالار دا كىرە الاتىندىعى ايتىلعان. جاڭا ۇيىم اسىرەسە كاسىپوداقتار مەن سوتسياليستىك قارسىلىق، «حالىققا باسپانا قالدىرامىز» قوزعالىستارىنىڭ ءوز قاتارىنا قوسىلاتىنىنان ءۇمىتتى. بيىلعى جىلى وتكەن  پرەزيدەنت سايلاۋىندا ۇمىتكەر بولعان ساياساتكەر سەرىك ساپارعالي ءوزىنىڭ ءبىر سۇحباتىندا: «قىرىق شاقتى بەيۇكىمەتتىك ۇيىم «حالىق مايدانىنا» كىرۋگە نيەت تانىتىپ ۇلگەردى» دەيدى.

جاڭا ۇيىم حالىققا نە بەرەدى؟ بىزدىڭشە، ونىڭ بەرەرى كوپ. سەبەبى، بىرىنشىدەن، جوعارىدا اتى اتالعان ەكى پارتيا دا شىڭدالعان، شىنىققان، يدەيالىق وپپوزيتسيا بولىپ تابىلاتىن، حالىققا شىن مانىندە جاقىن پارتيالار. مىسالى، ونىڭ «العا!» پارتياسىنا قاتىستى ءدال سولاي ەكەنىنە وسى جولدار اۆتورى پارتيانىڭ تىنىس-تىرشىلىگىن كوزبەن كورىپ، كوڭىلگە ءتۇيىپ قايتۋ ءۇشىن بىلتىر جازدا ون كۇن پارتيا جەتەكشىلەرىمەن بىرگە سولتۇستىكتەگى بەس وبلىستىڭ اۋداندارىن ارالاپ قايتقان كەزدە كوزى ابدەن جەتكەن بولاتىن. راس، كەيبىرەۋلەر «العانى» «اقىل-كەڭەس بەرۋدەن ارى اسا الماي قالعان» دەپ كەمسىتكىسى، مۇقاتقىسى كەلەدى. بۇل مىسىقتىڭ باقانداعى مايعا بويى جەتپەي تۇرىپ، «ساسىپ كەتىپتى عوي»  دەگەن ءسوزىن ەسكە تۇسىرەدى... لەنين دەگەن كىسى دە ءوزىنىڭ پارتيالىق قادامىن ءۇش-اق اداممەن، بىراق حالىقپەن قويان-قولتىق ارالاسىپ، سونىڭ مۇڭىن مۇڭداپ، جوعىن جوقتايتىندارمەن باستاعان بولاتىن...

ەكىنشىدەن، بۇنداي ۇيىم حالىققا، ونىڭ ىشىندە ەڭ ءبىرىنشى كەزەكتە قازاققا باياعىدان كەرەك ەدى. «بىزگە دە جەتتى-اۋ» دەپ وتىرعان سەبەبىمىز سول. پريبالتيكا جاعالاۋىنداعى، سوتسياليستىك شىعىس ەۋروپاداعى ەلدەر كەڭەس وكىمەتى قۇلاردىڭ الدىندا، ودان كەيىن دە وسى اتتاس نەمەسە اتى باسقا بولعانمەن زاتى ءبىر قوعامدىق ۇيىمداردى كەڭ پايدالانىپ، سونىڭ ارقاسىندا دەموكراتياعا دا تەزىرەك جەتتى. ءبىزدىڭ ويىمىزشا، 1991 جىلى «حالىق مايدانى» قۇرىلۋى، باسقا ساياسي پارتيالار شەكتەلە تۇرۋى، ءسويتىپ، ءسوز جۇزىندە ەمەس، ءىس جۇزىندە قازاق حالقى، ونىڭ اينالاسىنا ۇيىسقان وزگە حالىقتار 25-30 جىل بويىنا تەزىرەك تەحنيكانى، تەحنولوگيانى يگەرۋمەن، ءبىلىم مەن عىلىمعا اسقان زور دەن قويۋمەن، سونىڭ ارقاسىندا شىن مانىندە باسەكەگە قابىلەتتى ەكونوميكا قۇرۋمەن اينالىسقاندا نۇر ۇستىنە نۇر بولار ەدى. ءتىپتى، جالعىز دۇرىس جول وسى بولار ەدى. ويتكەنى، چەرچيللدىڭ تاۋىپ ايتقانىنداي، «دەموكراتيادان ارتىق نارسەنى ادامزاتتىڭ ويلاپ تاپپاعانىن، بىراق، ونىڭ اسا قاۋىپتى قۇرال»  ەكەنىن ءبىزدىڭ ءومىر وتە ادەمى دالەلدەپ بەردى. ءبىز دەموكراتيانىڭ جاقسى جاعىن ەمەس، جامان جاعىن، شىنايى جاعىن ەمەس، كوزبوياۋشىلىق جاعىن الۋمەن بولدىق. بيلىك ونىڭ وسى جاقتارىن اسقان شەبەرلىكپەن پايدالاندى.

جارايدى، ەشتەن كەش جاقسى. جاقسىلىقتىڭ ەرتە-كەشى جوق. بۇدان كەيىن قاتەلىككە ۇرىنباساق بولدى. ەندىگى، جاقىن بولاشاقتا جەدەلدەتە ىسكە اسۋى ءتيىس ەڭ باستى ماقسات - شىن مانىندە اتىنا زاتى ساي پارلامەنت قۇرۋعا قول جەتكىزۋ بولماق. جانە ناعىز پارلامەنت - قازاقتىڭ دالالىق پارلامەنتى بولعانىن دا ەسكە ءتۇسىرىپ  كەتۋ بۇل جەردە ارتىقتىق ەتپەيدى. ەندەشە، ۆولتەردىڭ «مەن ءسىزدى سونداي جەك كورەمىن، بىراق، ءسىز مىنبەردەن سويلەۋ الۋىڭىز  ءۇشىن جانىمدى بەرۋگە دايىنمىن» دەگەن ءسوزىن ءاربىر ءوزىن ۇلت پاتريوتى سانايتىن ازامات ەستە ۇستاپ، باسقا ارىپتەستەرىن اتارعا وعى جوق بولسا دا وسى ءبىر قوعامدىق ۇيىم اياسىندا بىرىگىپ، تىزە قوسا قيمىلداعانىنان ارتىق، ودان ماڭىزدى ءدال بۇگىنگى تاڭدا ءىس بولماق ەمەس!