ازات پەرۋاشەۆ: ««اقجول» پارتياسى – «الاش» پارتياسىنىڭ رۋحاني ءىزباسارى»
«اقجول» پارتياسىنىڭ اتى ءاربىر قازاقستاندىق ءۇشىن بەلگىلى.
ءبىر جاعىنان - بۇگىنگى «اقجول» پارتياسى - تاۋەلسىزدىك ۇرانىن تۋ ەتىپ كوتەرگەن كەشەگى «الاش» پارتياسىنىڭ رۋحاني ءىزباسارى.
قازاقتىڭ ەركىندىگى ءۇشىن كۇرەسكەن ارداقتى بابالارىمىز - ءاليحان بوكەيحانوۆ، احمەت بايتۇرسىنوۆ، مىرجاقىپ دۋلاتوۆ سياقتى ۇلى تۇلعالار باستاعان ىزگى جولدى بۇگىنگى اكجول پارتياسى جالعاستىرىپ وتىر.
سول سەبەپتەن «اقجولدىڭ» كۇندىلىكتى جۇمىسىندا ۇلتتىق يدەولوگيا ماسەلەلەرى، زيالى قاۋىم باستامالارى جانە دە قاراپايىم قازاق ەلىنىڭ مۇددەلەرى ەرەكشە ورىندا تۇر.
ەكىنشى جاعىنان - بۇگىنگى «اقجول» ليبەرالدىق قۇندىلىقتارعا ادال قىزمەت ەتەتىن ساياسي كۇشكە اينالعان پارتيا.
وسى باعىتتا اكجول پارتياسىنىڭ ەلىمىزدىڭ دەموكراتيالىق دامۋىنا قوسقان ۇلەسى اسا قوماقتى.
اتاپ ايتقاندا، بىرنەشە ءىرى پروبلەمالاردىڭ اشىق تالقىلانۋىنا، ولاردى قوعام نازارىنا شىعارۋعا، ءسوز ەركىندىگىنىڭ پوتەنتسيالىن كوتەرۋگە ۇيتقى بولدى.
بۇل قۇندىلىقتار ساياساتپەن كاسىبي تۇردە اينالىساتىن تۇلعالار ءۇشىن عانا ەمەس، قاتارداعى ازاماتتارعا دا، ونىڭ ىشىندە جەكە كاسىپكەرگە دە تانىس ءارى جاقىن ەكەن.
مەن دە وسىلاردىڭ ءبىرىمىن.
بارشالارىڭىزعا ءمالىم، مەن ۇزاق جىلدار بويى جەكەمەنشىك بيزنەس جانە نارىقتىق ەكونوميكانىڭ پروبلەمالارىمەن شۇعىلدانامىن.
جۇمىس بارىسىندا كەيبىر اسا ماڭىزدى ەكونوميكالىق پروبلەمالاردى ساياسي جولسىز شەشۋگە بولمايتىندىعىنا كوزىم جەتتى.
«اقجول» پارتياسىنىڭ اتى ءاربىر قازاقستاندىق ءۇشىن بەلگىلى.
ءبىر جاعىنان - بۇگىنگى «اقجول» پارتياسى - تاۋەلسىزدىك ۇرانىن تۋ ەتىپ كوتەرگەن كەشەگى «الاش» پارتياسىنىڭ رۋحاني ءىزباسارى.
قازاقتىڭ ەركىندىگى ءۇشىن كۇرەسكەن ارداقتى بابالارىمىز - ءاليحان بوكەيحانوۆ، احمەت بايتۇرسىنوۆ، مىرجاقىپ دۋلاتوۆ سياقتى ۇلى تۇلعالار باستاعان ىزگى جولدى بۇگىنگى اكجول پارتياسى جالعاستىرىپ وتىر.
سول سەبەپتەن «اقجولدىڭ» كۇندىلىكتى جۇمىسىندا ۇلتتىق يدەولوگيا ماسەلەلەرى، زيالى قاۋىم باستامالارى جانە دە قاراپايىم قازاق ەلىنىڭ مۇددەلەرى ەرەكشە ورىندا تۇر.
ەكىنشى جاعىنان - بۇگىنگى «اقجول» ليبەرالدىق قۇندىلىقتارعا ادال قىزمەت ەتەتىن ساياسي كۇشكە اينالعان پارتيا.
وسى باعىتتا اكجول پارتياسىنىڭ ەلىمىزدىڭ دەموكراتيالىق دامۋىنا قوسقان ۇلەسى اسا قوماقتى.
اتاپ ايتقاندا، بىرنەشە ءىرى پروبلەمالاردىڭ اشىق تالقىلانۋىنا، ولاردى قوعام نازارىنا شىعارۋعا، ءسوز ەركىندىگىنىڭ پوتەنتسيالىن كوتەرۋگە ۇيتقى بولدى.
بۇل قۇندىلىقتار ساياساتپەن كاسىبي تۇردە اينالىساتىن تۇلعالار ءۇشىن عانا ەمەس، قاتارداعى ازاماتتارعا دا، ونىڭ ىشىندە جەكە كاسىپكەرگە دە تانىس ءارى جاقىن ەكەن.
مەن دە وسىلاردىڭ ءبىرىمىن.
بارشالارىڭىزعا ءمالىم، مەن ۇزاق جىلدار بويى جەكەمەنشىك بيزنەس جانە نارىقتىق ەكونوميكانىڭ پروبلەمالارىمەن شۇعىلدانامىن.
جۇمىس بارىسىندا كەيبىر اسا ماڭىزدى ەكونوميكالىق پروبلەمالاردى ساياسي جولسىز شەشۋگە بولمايتىندىعىنا كوزىم جەتتى.
وكىنىشكە وراي، كەيدە، ءتىپتى ەلباسىمىزدىڭ تىكەلەي تاپسىرمالارىنىڭ ءوزى دە ىسكە اسىرىلماي جاتادى.
مۇنداي كەمشىلىكتەردى ءبىز تەك مەملەكەتتىك دەڭگەيدەگى اشىق پىكىرتالاس، يدەيالار باسەكەسى مەن شەشىم قابىلداۋدىڭ جاريالىعى ارقاسىندا جويۋعا بولادى.
وسى ويلارىمدى وسىدان 3-4 اي بۇرىن پارتيا باسشىسى ءاليحان بايمەنوۆ مىرزامەن بولعان كەزدەسۋ كەزىندە دە اڭگىمەگە ارقاۋ ەتتىك.
وسى ويلارىمدى الاڭداماي ىسكە اسىرۋ ءۇشىن، مەن جاقىندا «نۇر وتان» پارتياسىنا مۇشەلىگىمدى توقتاتتىم.
مەن بۇل قادامعا كوپ ويلانىپ، تالاي تولعانىپ بارىپ بارعانىمدى ايتقىم كەلەدى.
بۇل مەن ءۇشىن وڭاي بولعان جوق.
سونىمەن بىرگە، پارتيا توراعاسى ن.ءا.نازارباەۆقا «نۇر وتان» پارتياسىنىڭ جوعارعى ورگانىنىڭ قۇرامىندا قاتار جۇمىس ىستەۋگە سەنىم بىلدەرگەنى ءۇشىن شەكسىز العىس ايتۋدى ءوزىمنىڭ پارىزىم دەپ سانادىم.
ارينە، ەكونوميكالىق ەركىندىك پەن ساياسي ەركىندىك قاتار دامۋى كەرەك دەپ بىلەمىن.
ەلباسىمىز ايتقانداي، الدىمەن ەكونوميكا، ودان كەيىن ساياسات.
كلاسسيكاعا كوز سالساق، ساياسات - ەكونوميكانىڭ جالعاسى.
ءدال سول سياقتى مەن دە ساياساتقا ەكونوميكالىق سەبەپتەرگە بايلانىستى قايتىپ كەلىپ وتىرمىن.
«اقجولدىڭ» قوعامدىق ساحنادا ءوز ورنى، وزىندىك داستۇرلەرى، ءوز قولداۋشىلارى بار.
مەنىڭ ماقساتىم - جينالعان ابىرويدى جوعالتپاي، وسى پارتياعا جاڭاشا قۋات، جاڭا ساپا، جاڭا تىنىس بەرىپ، الداعى پارلامەنتتىك سايلاۋدا جەڭىسكە جەتكىزۋ.
ال پارتيانى جەڭىسكە اپارۋعا تەك ومىردە، بيزنەستە، عىلىمدا، قوعامدا، وندىرىستە، شىعارماشىلىقتا وزىنە لايىقتى ورىن تاپقان ەلدىڭ ازاماتتارى عانا قابىلەتتى.
ياعني، بۇل پارتيا بيىك جەڭىستەرگە ۇيرەنگەن تۇلعالاردىڭ، ساياسي تىلمەن ايتقاندا ۇلتتىق بۋرجۋازيا مەن زيالى قاۋىمنىڭ پارتياسى بولۋى ءتيىس.
وسىنداي جان-جاقتى قابىلەتتى ازاماتتار عانا وزدەرىنىڭ جەكە كوزقاراسىن باتىل ءبىلدىرىپ، باتىل شەشىم قابىلداي الادى دەپ سانايمىن.
مەنىڭ كوپ جىلعى ساياسي تاجىريبەمنىڭ ناتيجەسىندە كوزىم جەتكەنى، اشىق شەشىمسىز، اشىق پىكىرتالاسسىز ءبىز ەشقاشاندا تياناقتى دامي المايمىز.
قادىرلى ارىپتەستەر!
ءبىز بۇگىن ۇلكەن دە جاۋاپتى ءىستى باستاپ وتىرمىز.
ەلىمىزدىڭ بولاشاعى ءۇشىن قىزمەت ەتەمىن دەگەن ءاربىر ازاماتقا ءبىزدىڭ قاتارىمىزدان ورىن تابىلادى.
قازاقستاننىڭ ءاربىر ازاماتى ءۇشىن ەل، جەر، تاۋەلسىزدىك، مەملەكەت، ەلباسى دەگەن سوزدەر قاسيەتتى ۇعىم بولۋى ءتيىس.
سولار ءۇشىن كىزمەت ەتۋ - ءبىزدىڭ جۋاپكەرشىلىگىمىز جانە ازاماتتىق بورشىمىز.
بۇگىنگى سەزدىڭ ۇستىندە مەنى وسىنداي بەدەلدى پارتيانىڭ جەتەكشىلىگىنە سايلاساڭىزدار مەن اتالمىش ۇستانىمدارعا ادال قىزمەت ەتۋگە ۋادە بەرەمىن.
اتالعان ماقساتتاردى جۇزەگە اسىرۋ جولىنداعى «اق جولدىڭ» جولى اق بولسىن!
«جاس قازاق ءۇنى» گازەتى
تۇپنۇسقاداعى تاقىرىپ: «ەكونوميكالىق ەركىندىك ساياسي ەركىندىكپەن قاتار دامۋى كەرەك!»
