سارسەنبى, 29 قاڭتار 2020
قوعام 5317 0 پىكىر 12 ناۋرىز, 2017 ساعات 11:40

15 جاستاعى ساۋاتسىز سۇندەتتىڭ مەكتەپكە بارعىسى كەلەدى

«نۇر وتان» پارتياسى توراعاسىنىڭ ءبىرىنشى

ورىنباسارى مۇحتار قۇل-مۇحامەدتىڭ،

قر ءبىلىم جانە عىلىم ءمينيسترى

ەرلان ساعاديەۆتىڭ نازارىنا!

رەداكتسيامىزعا «التىن-وردا» بازارىنىڭ ماڭىنداعى «اقساي» ساياجايىندا (الماتى وبلىسى، قاراساي اۋدانى) 15 جاسقا كەلگەنشە مەكتەپ تابالدىرىعىن اتتاپ كورمەگەن سۇندەت اتتى بالا تۇرادى» دەگەن حابار ءتۇستى. ۇلجالعاس ەسىمدى اپايىمىز كىشكەنە بالانىڭ بولاشاق تاعدىرىنا الاڭدايتىنىن ايتىپ، ء«تيىستى ورىندارعا سۇندەتىڭ جايىن جەتكىزسەڭىزدەر» دەگەن ءوتىنىشىن ءبىلدىردى.

ۇلجالعاس اپاي كاسىپكەر رەتىندە زاڭدى تىركەۋدەن ءوتىپ، ءۇيىنىڭ قاسىنان سالىنعان بىرنەشە بولمەلى پاتەردى جالعا بەرەدى ەكەن. سوڭعى كەزدەرى شىققان زاڭ بويىنشا ءار ازاماتتى تىركەۋگە الۋ كەرەكتىگىن بىلەدى. بىراق، قىستىڭ كوزى قىراۋدا نە قۇجاتى، نە جاعدايى جوق 15 جاستاعى بالا مەن اناسىن قۋىپ جىبەرۋگە ءداتى جەتپەگەن. ەندى نە دە بولسا، وسى ەكى جانعا كومەگىن بەرىپ، انالىق مەيىرىمىن كورسەتۋگە بەل بايلاعان سىڭايلى.

ۇلجالعاس اپاي ءبىزدى باستاپ 15 جاسقا كەلگەنشە ساۋات اشپاعان سۇندەت تۇراتىن قۇجىراعا اكەلدى. قۋىقتاي عانا بولمەدە وتىرعان بالانىڭ اناسىمەن سويلەسە باستادىق.

– اتى-ءجونىڭىز كىم؟

– تۇرىمبەتوۆا سۇلتانگۇل.

– قاي جاقتان كەلدىڭىز؟

– قاراقالپاقستاننان...

– قازاقستانعا كوشىپ كەلگەنىڭىزگە قانشا بولدى؟

– 2010 جىلى كەلدىك. 7 جىل.

– بالاڭىزدىڭ جاسى نەشەدە؟

– 15-تە.

– مەكتەپكە ەشقاشان بارمادى با؟

– باردى. قاراقالپاقستاندا ءبىرىنشى سىنىپتى وقىدى.

– ەندەشە حات تانيدى ەكەن عوي.

– ول جاقتا لاتىنشا وقىتتى. سوسىن وقىعان جوق! بۇل جاقتىڭ ءارپىن بىلمەيدى.

– سان بىلە مە؟

– ۇمىتىپ قالدى.

– بالانىڭ اتى-ءجونى كىم؟

– تۇرىمبەتوۆ سۇندەت. 

– قازاقستان ازاماتتىعىن الدىڭىز با؟

– قۇجاتتارىمدى جوعالتىپ العانمىن.

– قۇجاتتارىڭىز جاسالسا، تۋعان جەرىڭىزگە قايتار ما ەدىڭىز؟

 – قايتار ەدىم.

– ول جاققا بارىپ نە ىستەيسىز؟

– بىلمەيمىن.

ءبىز سۇندەت تۇرىمبەتوۆتەن «مەكتەپتە وقىعىڭ كەلە مە؟» دەپ سۇرادىق. ونىڭ ورنىنا اناسى ء«يا، وقىعىسى كەلەدى. بىراق جاعدايىمىز جوق» دەپ جاۋاپ بەردى.

ءححى عاسىردا ۇشتىلدىلىك وقۋ جۇيەسىن ەنگىزىپ، عالامعا جار سالىپ جاتقان ەلمىز. ءبىلىم سالاسىندا مينيستر اۋىسقان سايىن سۋ جاڭا رەفورما جاساۋعا كىرىسەدى. سول رەفورمالاردىڭ "شاپاعاتى" 15 جاسقا كەلگەنشە ءبىر ءارىپ ۇيرەنبەگەن سۇندەت تۇرىمبەتوۆكە تيمەي، اينالىپ ءوتىپ كەتكەن.

ءبىزدىڭ ەلدە 15 جاسقا كەلگەنشە ساۋاتىن اشپاعان جالعىز سۇندەت پە؟

 

"اقساي" ساياجايىنىڭ تۇرعىندارىنىڭ ايتۋىنشا، «التىن-وردا» ماڭىندا جۇمىس ىزدەپ، كوشەنىڭ بويىندا قاز-قاتار تىزىلگەن قانداستارىمىزدىڭ كوبى جوقشىلىقتىڭ كەسىرىنەن ىشەرگە اس، كيەرگە كيىم تاپپاي وتىر. ولاردىڭ دا  بالالارى مەكتەپكە بارا الماي وتىرسا كەرەك. ارينە، سۇندەت سەكىلدى قولمەن ۇستاپ، ناقتى كوزبەن كورمەگەن سوڭ، قانشا بالانىڭ مەملەكەت مىندەتتەگەن تەگىن وقۋعا قولى جەتپەي جۇرگەنىن ايتا المايمىز.

ءتۇيىن

بالالارى مەكتەپكە بارمايتىن، كوشەسى قوقىستان تازالانبايتىن، قالانىڭ دا، قاراساي اۋدانىنىڭ دا نازارىنان تىس قالعان وسى ءبىر ەلدىمەكەندە تاعى دا قانشا ءسابي تارشىلىقتىڭ زاردابىن شەگىپ جاتىر ەكەن. ويلاۋدىڭ ءوزى قورقىنىشتى. 

ءشارىپحان قايسار

Abai.kz

0 پىكىر